Psaumes 105

1 Louez l'Éternel, invoquez son nom! Publiez ses exploits parmi les peuples!

Ra Anumzamofona agi'a aheta susu hunenteta, ranra eri'zama eri'nea zankura maka ama mopafima mani'naza vahera huama huta zamasamisune.

2 Célébrez-le par vos chants et vos accords! Chantez toutes ses merveilles!

Anumzamofontega muse zagame huta susu huntesnune. Ana nehuta knare huno hentofa eri'zama eri'nea zankura vahera zamasamisune.

3 Glorifiez-vous de son saint nom! Que le cœur de ceux qui le cherchent, se réjouisse!

Anumzamofo agimo'ma ruotage'ma hu'nea zankura husga huntesune. Hagi Ra Anumzamofoma mono'ma hunentaza vahe'mota muse hiho.

4 Méditez sur l'Éternel et sa puissance! Cherchez sans cesse sa présence!

Ra Anumzamofonku'ene agri hankave'agu'enena nehaketa, avugosafima kesunkura hake vava hanune.

5 Pensez aux merveilles qu'il a faites, à ses prodiges et aux jugements émanés de sa bouche,

Agrama ruzahu ruzahu eri'zama eri'nea zanku'ene kaguvaza eri fore nehuno, keaga refko hugahue huno'ma hu'nea zankura taganera okanisune.

6 vous, race d'Abraham, vous, ses serviteurs, enfants de Jacob, ses élus!

Hagi Agri eri'za vahe Abrahamu mofavre naga'mota, agrama huhampri ramantegeta Jekopumpinti'ma fore'ma hu'naza vahe mani'naze.

7 Lui, l'Éternel! Il est notre Dieu, ses jugements embrassent toute la terre.

Ra Anumzamo'a agrake tagri Anumzana mani'ne. Ana hu'neankino, maka ama mopafi vahera refko hunezmante.

8 Il garde un souvenir éternel de son alliance, de la parole qu'il promulgua pour mille générations,

Anumzamo'ma huhagerafi huvempagema hu'nea kegura maka zupa ageraokani antahi vava hugahie. Ana hu'neankino tauseni'a zupama fore hu anante anante'ma hu'za vanaza vahete'enena ana huvempa kemo'a mevava huno vugahie.

9 du traité qu'il conclut avec Abraham, du serment qu'il fit à Isaac,

Hagi ana huhagerafi huvempagea Abrahamu'ene hu'neankino, ana huvempagea Aisakinte eri hankaveti'ne.

10 et érigea pour Jacob en statut, pour Israël en alliance éternelle,

Anumzamo'a henka ana huvempama hu'neanke'a Jekopunte eriama nehuno, Israeli vahetera ana huvempa kemo'a mevava hugahie huno zamasami'ne.

11 disant: « Je te donnerai la terre de Canaan pour votre lot d'héritage; »

Tamagrama eriterema hanare Kenani mopa tamisanugeta erisanti haresnageno, ana mopamo'a tamagri mopa mevava hugahie huno Anumzamo'a hu'ne.

12 tandis qu'ils étaient encore en petit nombre, peu considérables, et étrangers en elle.

Ama ana nanekema Anumzamo'ma hu'neana, Kenani vahe amu'nompina Israeli vahera kraga vahekna hu'za osi'a naga mani'nazageno anankea hu'ne.

13 Et ils émigraient de nation en nation, d'un royaume chez un autre peuple.

Israeli vahe'mo'za vahe mopafine, ru kinimo'zama kegavama hu'naza mopafi mani'za vano vano hu'naze.

14 Il ne permettait à personne de les opprimer, et en leur faveur Il châtia des rois:

Hianagi Anumzamo'a zamatregeno mago'a vahe'mo'za zamazeri havizana osu'naze. Israeli vahetega Anumzamo'a anteno zamazeri haviza hunaku'ma nehaza kini vahera ha' kea huzamine.

15 « Ne touchez pas à mes oints, et ne maltraitez pas mes prophètes! »

Anumzamo'a huno nagrama huhampri'noa vahera zamavakora osiho huno nehuno, nagri kasnampa vahera zamazeri havizana osiho huno hu'ne.

16 Alors Il appela la famine sur le pays, et lui coupa toutes les subsistances.

Anage nehuno Kenani mopafina Anumzamo'a agatontoza atregeno ne-egeno, maka ne'zana eri fanane huvagare'ne.

17 Il envoya devant eux un homme; comme esclave Joseph fut vendu.

Ana'ma nehuno'a mago ne' huntegeno ugoteno Isipi mopafima vu'neana Josefekino, kazo kazo eri'za erisanie hu'za zagoreti mizase'za avre'za vu'naze.

18 Ils mirent les entraves à ses pieds, et il dut vivre dans les fers,

Ana hute'za seni nofiteti agafina anakizageno atagura nehige'za, ainireti rini tro hute'za anankempina rusi hu'naze.

19 jusqu'au temps où ce qu'il avait dit, arriva, et où la parole de l'Éternel fut son épreuve.

Ana huno manino nevigeno ava'nama ke'nea zamo'ma efore'ma hania knamo'a ehanati'ne. Ana higeno Ra Anumzamo'a Josefena reheno ke'ne.

20 Le Roi dépêcha et le fit élargir, le souverain des peuples, et le mit en liberté;

Hagi kini ne' Fero'a hige'za kinafintira Josefena katufente'naze. Vahete'ma kegavama hu'nea kini ne'mo hige'za kinafintira katu fentageno vu'ne.

21 il l'établit seigneur sur sa maison, et souverain sur tous ses domaines,

Ana hutazageno kini ne'mo'a Josefena huhampri antegeno rankva manino, maka noma'afima me'nea zantera kegava nehuno, maka fenoma ante'nea zante'enena kegava hu'ne.

22 pour qu'il enchaînât ses princes à son gré, et qu'à ses vieillards il enseignât la sagesse.

Ana hu'neankino agra amne kini ne'mofo eri'za vahera kina nompina zamavarenenteno, kini ne'mofoma antahintahima nemiza vahera rempi huzamigahie.

23 Alors Israël vint en Egypte, et Jacob fut comme hôte dans le pays de Cham.

Hagi henka Israeli naga'mo'za Isipi mopafina efre'naze. Ana hutazageno Jekopu'a Hamu vahe mopafi kraga vahe seno emani'ne.

24 Et Il rendit son peuple très fécond, et plus fort que ses ennemis.

Anante Ra Anumzamo'a Agra'a Israeli vahera zamaza hige'za, rama'a mofavre kasezamante'naze. Ana hume nevu'za rama'a vahe ome forehu hakare hu'za ha' vahe'zamimofo hankavea zamagatere'naze.

25 Il changea leur cœur qui prit son peuple en haine, et ils traitèrent ses serviteurs avec perfidie.

Anante Anumzamo'a Isipi vahe antahi'zana eri rukrahe hige'za, Agri'a nagara Israeli vahera ha' rezamante'naze. Ana nehu'za Ra Anumzamofo Agri'a eri'zama eneriza Israeli vahe'ma zamazeri haviza hanaza kanku hake'naze

26 Il envoya Moïse, son serviteur, Aaron qu'il avait élu.

Hianagi Ra Anumzamo'a eri'za vahe'a Mosesene, Aronine huhampari zanantegeke vu'na'e.

27 Ils opérèrent au milieu d'eux ses prodiges, et ses miracles dans la terre de Cham.

Ana higeke Hamu nagama Isipi mopafima nemaniza vahetera vuke, Ra Anumzamo'ma hu'nea kaguvazane, avamezanena ome eri fore hu'na'e.

28 Il envoya les ténèbres, et produisit l'obscurité, et ils ne furent pas rebelles à sa parole.

Ra Anumzamo'a higeno Isipi mopafina hanizamo eme refite'ne. Na'ankure Anumzamofo nanekea ontahi'za Israeli vahera zamatrazage'za ovu'naza zante anara hu'ne.

29 Il changea leurs eaux en sang, et fit périr leurs poissons.

Anumzamo'a maka tintamina eri rukrahe higeno, kora segeno ana timpima mani'naza nozameramimo'za fri vagare'naze.

30 Leur pays fourmilla de grenouilles, jusques dans les appartements de leurs rois.

Anantera hoga'mo'za Isipi mopafina avitete'za, kini ne'mo'ma nemasefinena mani vite'naze.

31 Il dit, et vinrent les moucherons, les mouches dans tout leur territoire.

Ra Anumzamo'a kosine umpe umpe'ene huzmantege'za eri erintagu hu'za maka Isipi mopafina emani avite'naze.

32 Il fit tomber leur pluie en grêle, des flammes de feu sur leur pays.

Ko'mopa ko huntegeno ko'ma riaza huno eneramigeno, kopsi'na atregeno ru trage huteno tevenefa huno maka Isipi mopafina vuno eno huvagare'ne.

33 Et Il frappa leurs vignes et leurs figuiers, et fracassa les arbres de leur contrée.

Isipi vahe'mokizmi waini hozane, fiki zafaraminena eri haviza nehuno, Isipi mopafima me'nea zafaramina rukrara karurupetre'ne.

34 Il dit, et vinrent les sauterelles, et des insectes voraces sans nombre,

Ana nehuno tusinasi kenutami huzmantege'za rama'a hu'za ohampriga'a e'naze.

35 qui dévorèrent toute l'herbe du pays, et dévorèrent les fruits de leurs champs.

Ana kenu'mo'za trazantamina vatri'za neza maka eri hana nehu'za, hozafi me'nea ne'zantamina ne'za maka eri vagare'naze.

36 Et Il frappa tous les premiers-nés dans leur pays, toutes les prémices de leur vigueur.

Ana nehuno Anumzamo'a Isipi mopafina ese'ma kasezmante'nea agonesa anentatamina miko zamahe vaganereno, maka vahe'mo'za zage mofavregu'ma musema nehu'za hankavetie hu'zama nehaza ne' mofavre nagara zamahe vagare'ne.

37 Et Il fit sortir [Israël] avec de l'argent et de l'or, et il n'y eut pas un homme las dans ses tribus.

Ra Anumzamo'ma vahe'a Israeli naga'ma zamavarege'za Isipiti'ma etirami'za e'naku'ma nehu'za, rama'a silvane golinena eri'ne'za e'naze. Magomo'e huno Israeli naga nofipintira tanafara osu'ne.

38 L'Egypte se réjouit de leur départ; car la peur d'Israël l'avait saisie.

Israeli vahe'mo'zama Isipi mopama atre'za azage'za, Isipi vahe'mo'za tusi muse hu'naze. Na'ankure ko'ma Israeli vahe koro'ma hu'naza zanku anara hu'naze.

39 Il déploya la nuée pour les mettre à couvert, et le feu pour illuminer la nuit.

Anumzamo'a mago hampo antegeno Israeli vahera anteso hunezmantegeno, hanimpina tevenefanu remsahu zamante'ne.

40 A leur demande Il fit arriver des cailles, et Il les rassasia avec le pain du ciel.

Israeli vahe'mo'zama ne'zanku'ma antahigazageno'a, hifa namazaga atregeno ege'za ahe'za nenazageno, monafinti mana ne'zana atregeno ege'za eri'za nazageno zamura hu'ne.

41 Il entrouvrit le rocher, et des eaux jaillirent et coulèrent dans le désert par torrents.

Agra havea rutanegeno timo'a rumpasasa huno krohupeno eno, hagege kokampina ranti evu'ne.

42 Car Il se rappelait sa sainte parole donnée à Abraham, son serviteur.

E'inama hu'neana Anumzamo'a eri'za vahe'a Abrahamuma ruotge huvempa kema hunte'nea kegu agesa nentahino anara hu'ne

43 Il fit que son peuple partit avec joie, et ses élus avec allégresse.

Hagi Anumzamo'ma nagri nagare'ma huno huhampari zamante'nea Israeli vahe'ma, Isipiti'ma zamavareno ne-ege'za, ranke hu'za kezati'za musenkasea nehu'za e'naze.

44 Il leur donna les terres des nations, et ils s'emparèrent du travail des peuples:

Ana nehuno ru vahe'mokizmi mopa eri zami'ne. Ana hige'za ru vahe'mo'za maraguzati'za hankre'naza ne'za Israeli vahe'mo'za eri nafa'a hune'za vasage'za ne'naze.

45 pour les porter à garder ses commandements, et à observer ses lois. Alléluia!

Ama ana maka zama fore'ma hu'neana, Israeli vahe'mo'za nege'za, Anumzamofo kasegene tra kenena amage antesagu huno anara hu'ne. Ra Anumzamofona agi'a ahentesga hanune.