Proverbes 22

1 La renommée est préférable aux grandes richesses, et la bonne grâce plus que l'argent ni l'or.

Kokende sango ya malamu ezali malamu koleka kozala na bomengo mingi; lokumu ezali malamu koleka palata mpe wolo.

2 Le riche et le pauvre s'entre-rencontrent: celui qui les a tous faits, c'est l'Eternel.

Mozwi mpe mobola bazali na likambo moko ya lisanga: ezali Yawe nde azali Mokeli na bango mibale.

3 L'homme bien avisé prévoit le mal, et se tient caché; mais les niais passent, et en payent l'amende.

Moto ya mayele amonaka likama na mosika mpe amibombaka, kasi moto oyo azangi mayele akoleka wana mpe akokutana na pasi.

4 La récompense de la débonnaireté et de la crainte de l'Eternel sont les richesses, la gloire et la vie.

Komikitisa mpe kotosa Yawe ememaka bozwi, lokumu mpe bomoi.

5 Il y a des épines et des pièges dans la voie du pervers; celui qui aime son âme, s'en retirera loin.

Nzela ya bato mabe ezalaka na banzube mpe mitambo, kasi moto oyo abatelaka molimo na ye azalaka mosika na yango.

6 Instruis le jeune enfant, à l'entrée de sa voie; lors même qu'il sera devenu vieux, il ne s'en retirera point.

Lakisa mwana nzela oyo asengeli kotambola wuta na bomwana na ye; ezala tango akokoma mokolo, akobunga yango te.

7 Le riche dominera sur les pauvres; et celui qui emprunte, sera serviteur de l'homme qui prête.

Mozwi azalaka mokonzi ya mobola, mpe modefi azalaka mowumbu ya modefisi.

8 Celui qui sème la perversité, moissonnera le tourment; et la verge de son indignation prendra fin.

Moto oyo alonaka masumu abukaka pasi, mpe makasi ya kanda na ye nyonso ekosuka.

9 L'œil bénin sera béni, parce qu'il aura donné de son pain au pauvre.

Moto oyo akabaka na esengo akopambolama, pamba te akabolaka bilei na ye na mobola.

10 Chasse le moqueur, et le débat sortira, et la querelle, et l'ignominie cesseront.

Bengana motioli, bongo kowelana, koswana mpe kofingana ekosila.

11 Le Roi est ami de celui qui aime la pureté de cœur, et qui a de la grâce en son parler.

Moto oyo alingaka kozala peto na motema, oyo ngolu ezalaka na bibebu na ye, mokonzi azalaka molingami na ye.

12 Les yeux de l'Eternel protègent la science, mais il renverse les paroles du perfide.

Miso na Yawe ebatelaka boyebi, kasi akweyisaka maloba ya moto oyo azangi mayele.

13 Le paresseux dit: le lion est là dehors; je serais tué dans les rues.

Moto ya goyigoyi alobaka: « Nkosi ezali kuna na libanda, ekoboma ngai na kati-kati ya balabala. »

14 La bouche des étrangers est une fosse profonde; celui que l'Eternel a en détestation, y tombera.

Monoko ya mwasi ya ndumba ezalaka lokola libulu ya mozindo; moto oyo Yawe asilikeli akweyaka kuna.

15 La folie est liée au cœur du jeune enfant; [mais] la verge du châtiment la fera éloigner de lui.

Motema ya mwana moke ezalaka na bozoba, bongo fimbu ya pamela elongolaka yango kati na ye.

16 Celui qui fait tort au pauvre pour s'accroître, et qui donne au riche, ne peut manquer de tomber dans l'indigence.

Moto oyo anyokolaka mobola mpo ete akoma na bomengo mingi mpe oyo apesaka mozwi bakado bakokweya na bobola.

17 Prête ton oreille, et écoute les paroles des sages, et applique ton cœur à ma science.

Pesa matoyi mpe yoka toli ya bato ya bwanya, mpe tika ete motema na yo endima mateya na ngai.

18 Car ce te sera une chose agréable si tu les gardes au-dedans de toi, et si elles sont rangées ensemble sur tes lèvres.

Pamba te ekozala esengo soki obombi yango na motema na yo, mpe soki yango nyonso ezali pene ya bibebu na yo.

19 Je te l'ai aujourd'hui fait entendre, à toi, dis-je, afin que ta confiance soit en l'Eternel.

Nateyi yo yango lelo mpo ete elikya na yo ezala kati na Yawe.

20 Ne t'ai-je pas écrit des choses convenables aux Gouverneurs en conseil et en science;

Boni, lobi eleki, nakomelaki yo te batoli koleka tuku misato, batoli ya bwanya mpe ya boyebi,

21 Afin de te donner à connaître la certitude des paroles de vérité, pour répondre des paroles de vérité à ceux qui envoient vers toi?

batoli oyo epesaka mateya ya solo mpe maloba ya solo mpo ete okoka kozongisa biyano ya solo na moto oyo atindi yo?

22 Ne pille point le chétif, parce qu'il est chétif; et ne foule point l'affligé à la porte.

Kobotola te na makasi biloko ya mobola, pamba te azali mobola, konyokola te moto ya pasi na esambiselo,

23 Car l'Eternel défendra leur cause, et enlèvera l'âme de ceux qui les auront volés.

pamba te Yawe akobundela bango mpe akobebisa bomoi ya bato oyo bakobebisa bomoi na bango.

24 Ne t'accompagne point de l'homme colère, et ne va point avec l'homme furieux;

Kozala molingami te ya moto ya kanda, mpe kosangana te na moto ya motema moto-moto,

25 De peur que tu n'apprennes son train, et que tu ne reçoives un piège dans ton âme.

noki te okoyekola nzela na ye mpe okokangama na motambo na ye.

26 Ne sois point de ceux qui frappent dans la main, ni de ceux qui cautionnent pour les dettes.

Kozala te na molongo ya bato oyo batombolaka maboko mpo na kondima kofuta baniongo ya bato mosusu,

27 Si tu n'avais pas de quoi payer, pourquoi prendrait-on ton lit de dessous toi?

pamba te soki ozali na yo na makoki ya kofuta te, mpo na nini okolinga ete babotola ata mbeto na yo ya kolala?

28 Ne recule point la borne ancienne que tes pères ont faite.

Kozongisa na sima te mondelo ya kala oyo batata na yo bakataki.

29 As-tu vu un homme habile en son travail? il sera au service des Rois, et non à celui des gens de basse condition.

Osila komona moto oyo ayebi mosala na ye malamu? Akosala kaka liboso ya bakonzi, akosala te liboso ya bato ya molili.