Psaumes 76

1 Au chef des chantres. Avec instruments à cordes. Psaume d’Asaph. Cantique. Dieu est connu en Juda, Son nom est grand en Israël.

Ho an’ ny mpiventy hira. Hampiarahina amin’ ny valiha. Salamo nataon’ i Asafa. Tonon-kira. Andriamanitra dia fantatra eo amin’ ny Joda; malaza eo amin’ ny Isiraely ny anarany;

2 Sa tente est à Salem, Et sa demeure à Sion.

Naoriny ao Salema ny tranolainy, ary any Ziona ny fonenany.

3 C’est là qu’il a brisé les flèches, Le bouclier, l’épée et les armes de guerre. (Pause)

Teo no nanapatapahany ny zana-tsipìka manelatra, sy ny ampinga sy ny sabatra ary ny fiadiana. (Sela)

4 Tu es plus majestueux, plus puissant Que les montagnes des ravisseurs.

Mamirapiratra Hianao sady be voninahitra miseho avy any amin’ ny tendrombohitra fitohàna.

5 Ils ont été dépouillés, ces héros pleins de courage, Ils se sont endormis de leur dernier sommeil; Ils n’ont pas su se défendre, tous ces vaillants hommes.

Voababo ny mahery fo; renoky ny torimasony izy; ary samy ankona tsy nahahetsika ny tànany avokoa ny olo-mahery rehetra.

6 A ta menace, Dieu de Jacob! Ils se sont endormis, cavaliers et chevaux.

Noho ny teny mafy nataonao, ry Andriamanitr’ i Jakoba, dia sondrian-tory ny kalesy sy ny soavaly.

7 Tu es redoutable, ô toi! Qui peut te résister, quand ta colère éclate?

Hianao no mahatahotra; ka iza no mahajanona eo anatrehanao, rehefa miseho ny fahatezeranao?

8 Du haut des cieux tu as proclamé la sentence; La terre effrayée s’est tenue tranquille,

Avy tany an-danitra no nampandrenesanao fitsaràna. Raiki-tahotra ny tany ka sina,

9 Lorsque Dieu s’est levé pour faire justice, Pour sauver tous les malheureux de la terre. (Pause)

Raha nitsangana hitsara Andriamanitra mba hamonjy ny mpandefitra rehetra ambonin’ ny tany. (Sela)

10 L’homme te célèbre même dans sa fureur, Quand tu te revêts de tout ton courroux.

Fa ny fahatezeran’ ny olona hidera Anao tokoa; ny fahatezerana sisa dia isikinanao.

11 Faites des vœux à l’Éternel, votre Dieu, et accomplissez-les! Que tous ceux qui l’environnent apportent des dons au Dieu terrible!

Mivoadia, ka efao ny voadinareo amin’ i Jehovah Andriamanitrareo; aoka izay rehetra manodidina Azy hitondra fanatitra ho an’ Izay mahatahotra.

12 Il abat l’orgueil des princes, Il est redoutable aux rois de la terre.

Manapaka ny reharehan’ ny lehibe Izy sady tahotry ny mpanjakan’ ny tany.