Psaumes 104

1 Mon âme, bénis l’Éternel! Éternel, mon Dieu, tu es infiniment grand! Tu es revêtu d’éclat et de magnificence!

Eh molimo na ngai, pambola Yawe! Yawe, Nzambe na ngai, ozali monene! Olata kongenga mpe lokumu,

2 Il s’enveloppe de lumière comme d’un manteau; Il étend les cieux comme un pavillon.

omifinika moyi lokola kazaka, otanda likolo lokola ndako ya kapo.

3 Il forme avec les eaux le faîte de sa demeure; Il prend les nuées pour son char, Il s’avance sur les ailes du vent.

Opika makonzi na yango na mayi ya likolo, okomisaka mapata shar na Yo, otambolaka na mapapu ya mopepe.

4 Il fait des vents ses messagers, Des flammes de feu ses serviteurs.

Okomisaka bantoma na Yo mipepe, mpe basali na Yo, ndemo ya moto.

5 Il a établi la terre sur ses fondements, Elle ne sera jamais ébranlée.

Otia mokili na likolo ya miboko na yango mpo ete eningana te seko na seko.

6 Tu l’avais couverte de l’abîme comme d’un vêtement, Les eaux s’arrêtaient sur les montagnes;

Ozipa yango na mayi monene lokola elamba; mayi ezalaki kovanda na likolo ya bangomba.

7 Elles ont fui devant ta menace, Elles se sont précipitées à la voix de ton tonnerre.

Kasi na pamela na Yo, mayi ekimaki; na lokito ya kake na Yo, mayi etiolaki,

8 Des montagnes se sont élevées, des vallées se sont abaissées, Au lieu que tu leur avais fixé.

emataki na likolo ya bangomba, ekitaki na mabwaku, na bisika oyo obongisaki mpo na yango.

9 Tu as posé une limite que les eaux ne doivent point franchir, Afin qu’elles ne reviennent plus couvrir la terre.

Otiaki mondelo oyo ekoki koleka te; ekozonga lisusu te kozipa mokili.

10 Il conduit les sources dans des torrents Qui coulent entre les montagnes.

Obimisaka mayi ya bitima mpo na kosopa yango na mayi minene oyo elekaka na kati-kati ya bangomba;

11 Elles abreuvent tous les animaux des champs; Les ânes sauvages y étanchent leur soif.

ekomaka mayi ya komela mpo na banyama nyonso ya bilanga mpe mpo na ba-ane ya zamba.

12 Les oiseaux du ciel habitent sur leurs bords, Et font résonner leur voix parmi les rameaux.

Bandeke ya likolo evandaka pembeni ya mayi yango mpe eyembaka kati na makasa.

13 De sa haute demeure, il arrose les montagnes; La terre est rassasiée du fruit de tes œuvres.

Wuta na bandako na Yo ya likolo, onokisaka mvula na likolo ya bangomba; mokili etondi na mbuma ya misala na Yo.

14 Il fait germer l’herbe pour le bétail, Et les plantes pour les besoins de l’homme, Afin que la terre produise de la nourriture,

Matiti ebotaka mpo na bibwele, mpe milona ya bato ekolaka mpo ete mabele ebotela bango bilei,

15 Le vin qui réjouit le cœur de l’homme, Et fait plus que l’huile resplendir son visage, Et le pain qui soutient le cœur de l’homme.

vino mpo na kosepelisa mitema na bango, mafuta mpo na kongengisa bilongi na bango, mpe mapa mpo na kolendisa mitema na bango.

16 Les arbres de l’Éternel se rassasient, Les cèdres du Liban, qu’il a plantés.

Banzete ya Yawe etondi na mayi; ndenge wana nde ezali, banzete ya sedele ya Libani, oyo Yawe alona.

17 C’est là que les oiseaux font leurs nids; La cigogne a sa demeure dans les cyprès,

Bandeke esalaka bazala na yango kuna, mpe nkoko evandaka na banzete ya sipele.

18 Les montagnes élevées sont pour les boucs sauvages, Les rochers servent de retraite aux damans.

Bangomba milayi ezali ekimelo mpo na bantaba ya zamba, mpe madusu ya mabanga ezali bibombamelo mpo na bampanya ya zamba.

19 Il a fait la lune pour marquer les temps; Le soleil sait quand il doit se coucher.

Osala sanza mpo na koyeba mikolo ya bafeti. Moyi eyebi tango na yango ya kolala.

20 Tu amènes les ténèbres, et il est nuit: Alors tous les animaux des forêts sont en mouvement;

Otindaka molili, mpe butu ekomaka. Bongo banyama nyonso ya zamba ekomaka kotambola-tambola.

21 Les lionceaux rugissent après la proie, Et demandent à Dieu leur nourriture.

Bana ya nkosi egangaka sima na nyama mpe esengaka bilei epai ya Nzambe.

22 Le soleil se lève: ils se retirent, Et se couchent dans leurs tanières.

Soki moyi ebimi, nkosi elongwaka, ezongaka mpo na kolala na bisika na yango;

23 L’homme sort pour se rendre à son ouvrage, Et à son travail, jusqu’au soir.

kasi moto abimaka mpo na kokende na mosala na ye mpe asalaka kino na pokwa.

24 Que tes œuvres sont en grand nombre, ô Éternel! Tu les as toutes faites avec sagesse. La terre est remplie de tes biens.

Oh Yawe, misala na Yo ezali ebele! Osalaki nyonso na bwanya; mokili etondi na biloko oyo okela.

25 Voici la grande et vaste mer: Là se meuvent sans nombre Des animaux petits et grands;

Tala ndenge ebale monene ezali molayi mpe epanzana, etonda na banyama oyo tokoki kotanga te, kobanda na oyo eleki mike kino na oyo eleki minene.

26 Là se promènent les navires, Et ce léviathan que tu as formé pour se jouer dans les flots.

Kuna, bamasuwa ekendeke mpe ezongaka; bongo Leviatani oyo osala mpo ete esakanaka kuna.

27 Tous ces animaux espèrent en toi, Pour que tu leur donnes la nourriture en son temps.

Nyonso etalelaka Yo mpo ete opesa yango bilei na tango oyo ekoki.

28 Tu la leur donnes, et ils la recueillent; Tu ouvres ta main, et ils se rassasient de biens.

Opesaka bilei, mpe ezwaka yango; ofungolelaka yango loboko na Yo, mpe etondaka na biloko.

29 Tu caches ta face: ils sont tremblants; Tu leur retires le souffle: ils expirent, Et retournent dans leur poussière.

Tango obombaka elongi na Yo, somo ekangaka yango; tango olongolaka yango pema, ekufaka mpe ezongaka na putulu;

30 Tu envoies ton souffle: ils sont créés, Et tu renouvelles la face de la terre.

tango otindaka pema Yo, ezwaka bomoi; mpe okomisaka mokili sika.

31 Que la gloire de l’Éternel subsiste à jamais! Que l’Éternel se réjouisse de ses œuvres!

Tika ete nkembo ya Yawe ewumela libela na libela! Tika ete Yawe asepela na misala na Ye!

32 Il regarde la terre, et elle tremble; Il touche les montagnes, et elles sont fumantes.

Soki atali mokili, mokili elengaka; soki asimbi bangomba, ebimisaka milinga.

33 Je chanterai l’Éternel tant que je vivrai, Je célébrerai mon Dieu tant que j’existerai.

Nakoyembela Yawe bomoi na ngai mobimba; nakoyembela Nzambe na ngai tango nyonso nazali na bomoi.

34 Que mes paroles lui soient agréables! Je veux me réjouir en l’Éternel.

Tika ete maloba na ngai esepelisa Ye! Tika ete Yawe azala esengo na ngai!

35 Que les pécheurs disparaissent de la terre, Et que les méchants ne soient plus! Mon âme, bénis l’Éternel! Louez l’Éternel!

Tika ete bato ya masumu basila na mokili, mpe bato mabe bazala lisusu te! Oh molimo na ngai, pambola Yawe! Aleluya, bokumisa Yawe!