Psaumes 6

1 Au chef de musique. Sur Neguinoth, sur Sheminith. Psaume de David. Éternel! ne me reprends pas dans ta colère, et ne me châtie pas dans ta fureur.

Wuta na buku ya mokambi ya bayembi. Nzembo ya Davidi; ezali ya koyemba na lindanda ya basinga mwambe. Yawe, kopesa ngai etumbu te na kanda na Yo, kopesa ngai etumbu te na kanda makasi na Yo.

2 Use de grâce envers moi, Éternel! car je suis défaillant; guéris-moi, Éternel! car mes os sont troublés.

Yawe, yokela ngai mawa, pamba te nazangi makasi. Yawe, bikisa ngai na bokono, pamba te mikuwa na ngai elembi.

3 Mon âme aussi est fort troublée… Et toi, Éternel! jusques à quand?

Molimo na ngai ezali kotungisama makasi; bongo Yo, Yawe, kino tango nini?

4 Reviens, Éternel! délivre mon âme; sauve-moi à cause de ta bonté.

Yawe, zongela ngai, mpe kokangola ngai, bikisa ngai, mpo na bolingo na Yo.

5 Car on ne se souvient point de toi dans la mort; dans le shéol, qui te célébrera? (Sheol h7585)

Pamba te bakufi bakoki lisusu te kotatola Kombo na Yo te! Mpe kati na mboka ya bakufi, nani akoki kokumisa Yo? (Sheol h7585)

6 Je suis las à force de gémir; toute la nuit je baigne ma couche, je trempe mon lit de mes larmes.

Kolela elembisi ngai nzoto. Butu nyonso, nalelaka na mbeto na ngai, mpe napolisaka na mpinzoli, esika oyo nalalaka.

7 Mon œil dépérit de chagrin, il a vieilli à cause de tous ceux qui me pressent.

Miso na ngai ebebi mpo na mawa; ezali lisusu komona malamu te likolo ya banyokoli na ngai.

8 Retirez-vous de moi, vous, tous les ouvriers d’iniquité, car l’Éternel a entendu la voix de mes pleurs;

Bino nyonso oyo bosalaka mabe, bolongwa liboso na ngai, pamba te Yawe ayoki kolela na ngai.

9 L’Éternel a entendu ma supplication; l’Éternel a reçu ma prière.

Yawe ayanoli mabondeli na ngai mpe ayambi losambo na ngai.

10 Tous mes ennemis seront honteux et fort troublés; ils s’en retourneront, ils seront confus en un moment.

Banguna na ngai nyonso bakoyoka soni, mpe somo monene ekokanga bango; bakozonga na sima mpe bakoyoka mbala moko soni.