Psaumes 135

1 Louez Jah. Louez le nom de l’Éternel; louez-[le], serviteurs de l’Éternel,

Bokumisa Yawe! Bokumisa Kombo ya Yawe! Bokumisa Ye, bino basali ya Yawe,

2 Qui vous tenez dans la maison de l’Éternel, dans les parvis de la maison de notre Dieu!

oyo botelemaka kati na Ndako ya Yawe, kati na lopango ya Ndako ya Nzambe na biso!

3 Louez Jah! car l’Éternel est bon. Chantez des cantiques à [la gloire de] son nom! car il est agréable.

Bokumisa Yawe! Pamba te Yawe azali malamu! Boyembela Kombo na Ye, pamba te ezali kitoko makasi.

4 Car Jah s’est choisi Jacob, Israël pour son trésor particulier.

Pamba te Yawe aponaki Jakobi, Isalaele, mpo ete azala ya Ye moko.

5 Car je sais que l’Éternel est grand, et que notre Seigneur est au-dessus de tous les dieux.

Solo, ngai nayebi malamu ete Yawe azali monene, ete Nkolo na biso aleki banzambe nyonso.

6 Tout ce qu’il lui a plu de faire, l’Éternel l’a fait, dans les cieux et sur la terre, dans les mers et dans tous les abîmes,

Yawe asalaka nyonso oyo alingi, kuna na likolo mpe awa na mabele, kati na bibale minene mpe kati na mozindo nyonso.

7 Lui qui fait monter les vapeurs du bout de la terre, qui fait les éclairs pour la pluie, qui de ses trésors fait sortir le vent;

Amatisaka mapata wuta na suka ya mokili, atindaka mikalikali elongo na mvula, abimisaka mopepe wuta na bibombelo na yango.

8 Lui qui a frappé les premiers-nés d’Égypte, depuis l’homme jusqu’à la bête;

Ye nde abomaki bana ya liboso ya Ejipito, kobanda na bato kino na banyama;

9 Qui a envoyé des signes et des prodiges au milieu de toi, ô Égypte! contre le Pharaon et contre tous ses serviteurs;

atindaki bilembo ya kokamwa mpe bikamwa kati na yo, Ejipito, mpo na kotelemela Faraon mpe basali na ye nyonso;

10 Qui a frappé de nombreuses nations et tué de puissants rois,

abebisaki bikolo ebele mpe abomaki bakonzi ya nguya:

11 Sihon, roi des Amoréens, et Og, roi de Basan, et tous les royaumes de Canaan;

Sikoni, mokonzi ya bato ya Amori; Ogi, mokonzi ya Bashani; mpe bakonzi nyonso ya Kanana.

12 Et qui a donné leur pays en héritage, en héritage à Israël, son peuple.

Mpe akabaki mikili na bango lokola libula, lokola libula epai ya bato na Ye, Isalaele.

13 Éternel! ton nom est à toujours; Éternel! ta mémoire est de génération en génération.

Oh Yawe, sango ya Kombo na Yo ewumelaka libela na libela! Yawe, bakopanza sango ya Kombo na Yo seko na seko!

14 Car l’Éternel jugera son peuple, et se repentira en faveur de ses serviteurs.

Pamba te Yawe akolimbisa bato na Ye, akoyokela basali na Ye mawa.

15 Les idoles des nations sont de l’argent et de l’or, ouvrage de mains d’homme:

Banzambe ya bikolo ezali ya palata mpe ya wolo, esalema na maboko ya bato.

16 Elles ont une bouche, et ne parlent pas; elles ont des yeux, et ne voient pas;

Ezali na minoko, kasi elobaka te; ezali na miso, kasi emonaka te;

17 Elles ont des oreilles, et n’entendent pas; il n’y a pas non plus de respiration dans leur bouche.

ezali na matoyi, kasi eyokaka te; ezali ata na pema te kati na minoko na yango.

18 Ceux qui les ont faites, tous ceux qui se confient en elles, sont comme elles.

Bato oyo basalaka yango mpe bato nyonso oyo batielaka yango motema bakokani na yango.

19 Maison d’Israël, bénissez l’Éternel! Maison d’Aaron, bénissez l’Éternel!

Bato ya Isalaele, bopambola Yawe! Bakitani ya Aron, bopambola Yawe!

20 Maison de Lévi, bénissez l’Éternel! Vous qui craignez l’Éternel, bénissez l’Éternel!

Bakitani ya Levi, bopambola Yawe! Bino nyonso oyo botosaka Yawe, bopambola Yawe!

21 Béni soit, de Sion, l’Éternel, qui habite à Jérusalem! Louez Jah!

Tika ete, wuta na Siona, Yawe apambolama, Ye oyo avandaka na Yelusalemi! Bokumisa Yawe!