Psaumes 111

1 Louez Jah. Je célébrerai l’Éternel de tout mon cœur, dans la compagnie des hommes droits et dans l’assemblée.

Lwanj pou Seyè a! M'a fè lwanj Seyè a ak tout kè m', nan mitan moun ki mache dwat yo, nan mitan pèp Bondye a lè yo reyini.

2 Les œuvres de l’Éternel sont grandes, elles sont recherchées de tous ceux qui y prennent plaisir;

Bagay Seyè a fè se gwo zafè! Tout moun ki kontan wè yo ap chache konprann yo.

3 Son œuvre est glorieuse et magnifique, et sa justice demeure à perpétuité.

Tou sa li fè, se respè, se chapo ba. Jistis li la pou tout tan.

4 Il a établi un mémorial de ses merveilles. L’Éternel est plein de grâce et miséricordieux;

Seyè a pa kite nou bliye bèl mèvèy li fè yo. Li gen pitye pou nou, li gen bon kè.

5 Il donne de la nourriture à ceux qui le craignent; il se souvient à toujours de son alliance;

Li bay moun ki gen krentif pou li manje, li pa janm bliye kontra li pase ak nou an.

6 Il a montré à son peuple la puissance de ses œuvres, pour leur donner l’héritage des nations.

Li fè pèp li wè jan li gen pouvwa nan sa l'ap fè. Li ba yo tè lòt nasyon yo pou byen pa yo.

7 Les œuvres de ses mains sont vérité et jugement; tous ses préceptes sont sûrs,

L'ap kenbe pawòl li, li san patipri nan tou sa l'ap fè. Nou mèt konte sou kòmandman li yo.

8 Maintenus à perpétuité, pour toujours, faits avec vérité et droiture.

Yo la pou tout tan, paske se bagay ki dwat, se bagay ki vre.

9 Il a envoyé la rédemption à son peuple; il a commandé son alliance pour toujours. Son nom est saint et terrible.

Li delivre pèp li a, li pase ak yo yon kontra ki p'ap janm kase. Se Bondye tout bon li ye. Li merite vre pou moun pè li!

10 La crainte de l’Éternel est le commencement de la sagesse; tous ceux qui pratiquent [ses préceptes] auront une bonne intelligence. Sa louange demeure à perpétuité.

Lè ou gen krentif pou Bondye, se lè sa a ou konmanse gen bon konprann! Bondye ap bay moun ki gen krentif pou li bon jijman. Wi, se tout tan pou yo fè lwanj li.