Job 33

1 Maintenant donc, Job, écoute mes paroles, prête l’oreille à tous mes discours.

Kasi sik’oyo, Yobo, yoka maloba na ngai, tia matoyi mpo na koyoka maloba na ngai!

2 Voilà que j’ouvre la bouche, ma langue forme des mots dans mon palais,

Tala, nafungoli monoko na ngai, maloba na ngai ezali na songe ya lolemo.

3 mes paroles partiront d’un cœur droit, c’est la vérité pure qu’exprimeront mes lèvres.

Maloba na ngai ewuti na motema ya sembo, bibebu na ngai ezali penza koloba makambo oyo ngai nayebi.

4 L’esprit de Dieu m’a créé, le souffle du Tout-Puissant me donne la vie.

Molimo ya Nzambe asalaki ngai, pema ya Nkolo-Na-Nguya-Nyonso epesi ngai bomoi.

5 Si tu le peux, réponds-moi; dispose tes arguments devant moi, tiens-toi ferme.

Boye soki okoki, yanola ngai, mibongisa mpo na komekana na ngai.

6 Devant Dieu je suis ton égal, comme toi j’ai été formé du limon.

Nazali kaka lokola yo liboso ya Nzambe; ngai mpe nawutaki na putulu.

7 Ainsi ma crainte ne t’épouvantera pas, et le poids de ma majesté ne peut t’accabler.

Boye, somo na ngai ebangisa yo te, mpe monene ya loboko na ngai epanza yo te.

8 Oui, tu as dit à mes oreilles, et j’ai bien entendu le son de tes paroles;

Kasi olobaki na matoyi na ngai— mpe nazali nanu koyoka makelele ya maloba na yo—

9 « Je suis pur, exempt de tout péché; je suis irréprochable, il n’y a pas d’iniquité en moi.

‹ Nazali sembo, nasali masumu te; nazali peto, namemi na ngai ngambo te. ›

10 Et Dieu invente contre moi des motifs de haine, il me traite comme son ennemi.

Nzokande, Nzambe amoni mbeba kati na ngai, azali kozwa ngai lokola monguna na Ye.

11 Il a mis mes pieds dans les ceps, il surveille tous mes pas. »

Akangi makolo na ngai na bibende, azali kononga banzela na ngai nyonso.

12 Je te répondrai qu’en cela tu n’as pas été juste, car Dieu est plus grand que l’homme.

Kasi, kati na nyonso oyo, ngai nalobi, ozali na elonga te, pamba te Nzambe azali monene koleka moto.

13 Pourquoi disputer contre lui, parce qu’il ne rend compte de ses actes à personne?

Mpo na nini ozali kosamba na Ye? Alimbolaka tina ya misala na Ye epai ya moto moko te.

14 Pourtant Dieu parle tantôt d’une manière, tantôt d’une autre, et l’on n’y fait pas attention.

Nzokande, Nzambe alobaka, na lolenge moko to na lolenge mosusu, kasi moto asosolaka yango te.

15 Il parle par des songes, par des visions nocturnes, quand un profond sommeil pèse sur les mortels, quand ils dorment sur leur couche.

Alobaka kati na ndoto, kati na emoniseli ya butu, tango bato bazwaka pongi makasi wana balali na mbeto;

16 A ce moment, il ouvre l’oreille des hommes, et y scelle ses avertissements,

boye, akoki kofungola matoyi ya bato mpe kobeta sete na makebisi oyo azali koloba,

17 afin de détourner l’homme de ses œuvres mauvaises, et d’écarter de lui l’orgueil,

mpo na kotia moto mosika ya misala na ye ya mabe mpe kobatela ye na lolendo,

18 afin de sauver son âme de la mort, sa vie des atteintes du dard.

mpo na kobatela molimo na ye mpo ete ekufa te, mpe bomoi na ye mpo ete ebebisama te na mopanga.

19 Par la douleur aussi l’homme est repris sur sa couche, quand une lutte continue agite ses os.

Nzokande, moto akoki mpe, mbala mosusu, koteyama na mbeto na ye, na nzela ya kobela mpe ya minyoko ya tango nyonso kati na mikuwa na ye.

20 Alors il prend en dégoût le pain, et il a horreur des mets exquis,

Boye, azali kosepela lisusu na lipa te, mpe motema na ye ekomi koboya bilei oyo alingaka mingi.

21 Sa chair s’évanouit aux regards, ses os qu’on ne voyait pas sont mis à nu.

Nzoto na ye ekawuki na pamba, mpe mikuwa na ye, oyo ebombama, ebimi.

22 Il s’approche de la fosse, sa vie est en proie aux horreurs du trépas.

Molimo na ye ezali kopusana pene ya kunda, mpe bomoi na ye, pene ya bamemi sango ya kufa.

23 Mais s’il trouve pour intercesseur, un ange entre mille, qui fasse connaître à l’homme son devoir,

Nzokande, soki ekoki kozala ata na anjelu moko, kati na ba-anjelu nkoto moko, mpo na koyebisa na moto makambo oyo ezali sembo,

24 Dieu a pitié de lui et dit à l’ange: « Epargne-lui de descendre dans la fosse, j’ai trouvé la rançon de sa vie. »

tika ete asalela ye ngolu mpe aloba: ‹ Bikisa ye ete akota te kati na libulu ya kufa, nasili kofuta niongo mpo na kosikola ye, ›

25 Sa chair alors a plus de fraîcheur qu’au premier âge, il revient aux jours de sa jeunesse.

nzoto na ye ekokoma lisusu sembesembe lokola na tango ya bolenge na ye, ekozonga ndenge ezalaki na bomwana na ye.

26 Il prie Dieu, et Dieu lui est propice; il contemple sa face avec allégresse, et le Très-Haut lui rend son innocence.

Akosambela Nzambe, akozwa ngolu na miso na Ye, akomona Nzambe na miso mpe akoganga na esengo. Nzambe akozwa ye lisusu lokola moto ya sembo.

27 Il chante parmi les hommes, il dit: « J’ai péché, j’ai violé la justice, et Dieu ne m’a pas traité selon mes fautes.

Boye akoyemba na miso ya bato mpe akoloba: ‹ Nasalaki masumu mpe natambolaki na bosembo te, kasi nazwi lifuti oyo nasengelaki kozwa te.

28 Il a épargné à mon âme de descendre dans la fosse, et ma vie s’épanouit à la lumière! »

Nzambe akangoli molimo na ngai na libulu ya kufa, mpe nakowumela kati na pole na esengo. ›

29 Voilà, Dieu fait tout cela, deux fois, trois fois, pour l’homme,

Nzambe asalaka makambo oyo nyonso epai ya moto mbala mibale to mpe mbala misato,

30 afin de le ramener de la mort, de l’éclairer de la lumière des vivants.

mpo na kolongola molimo na ye na libulu ya kufa, mpo ete pole ya bomoi ekoka kongenga likolo na ye.

31 Sois attentif, Job, écoute-moi; garde le silence, que je parle.

Yobo, fungola matoyi, vanda kimia mpe yoka ngai! Nazali na makambo ya koloba na yo.

32 Si tu as quelque chose à dire, réponds-moi; parle, car je voudrais te trouver juste.

Kasi soki ozali na likambo ya koloba, yebisa ngai yango, pesa ngai eyano, mpe ngai nakolongisa yo.

33 Si tu n’as rien à dire, écoute-moi; fais silence, et je t’enseignerai la sagesse.

Soki te, vanda kimia mpe yoka ngai, mpe ngai nakoteya yo bwanya. »