Psalmowo 99

1 Yehowa le fia ɖum, dukɔwo nedzo nyanyanya, enɔ eƒe fiazikpui dzi gli le kerubiwo dome, anyigba neʋuʋu.

The Lord reigns; let the nations tremble! He sits on his throne above the cherubim; let the earth shake!

2 Yehowa nye gã le Zion, ekɔ gbɔ dukɔwo katã ta.

The Lord rules supreme in Zion, he is sovereign over all the nations.

3 Wonekafu wò ŋkɔ gã, dziŋɔ la, eya amea le kɔkɔe.

Let them praise his greatness, and respect him for who he is—for he is holy,

4 Fia la nye ŋusẽtɔ, elɔ̃a afia nyui tsotso, wò la, èɖo dzɔdzɔenyenye anyi, eye nèwɔ nu si le dzɔdzɔe le Yakob me.

having kingly power. You love justice; you make impartial decisions. You have made sure everything is done in fairness and according to what's right.

5 Mido Yehowa, míaƒe Mawu la ɖe dzi, eye mide ta agu ɖe eƒe afɔ nu, elabena eya amea le kɔkɔe.

Give respect to the Lord our God! Bow down at his feet, for he is holy!

6 Mose kple Aron le eƒe nunɔlawo dome; Samuel le ame siwo yɔ eƒe ŋkɔ la dome; woyɔ Yehowa ŋkɔ, eye wòtɔ na wo.

Moses and Aaron were among his priests; Samuel also prayed to him. They called out to the Lord for help, and he answered them.

7 Eƒo nu na wo tso lilikpo dodo me, eye wolé se kple ɖoɖo siwo wòtsɔ na wo la me ɖe asi.

He spoke to the people from the pillar of cloud, and they kept the laws and decrees he gave them.

8 O! Yehowa, míaƒe Mawu, wòe tɔ na wo; togbɔ be èhe to na wo le woƒe nu tovowo ta hã la, ènye tsɔtsɔke ƒe Mawu na Israel.

Lord our God, you answered them. You were a forgiving God to them, but you punished them when they did wrong.

9 Mido Yehowa, miaƒe Mawu la ɖe dzi, eye misubɔe le eƒe to kɔkɔe la dzi, elabena Yehowa, míaƒe Mawu la le kɔkɔe.

Honor the Lord our God, and worship at his holy mountain. For the Lord our God is holy!