Psalmowo 55
1 David ƒe nufiameha na hɛnɔ la. Woadzii ɖe kasaŋku ŋu. O! Mawu, ɖo to nye gbedodoɖa, mègado toku nye kokoƒoƒo o.
| למנצח בנגינת משכיל לדוד האזינה אלהים תפלתי ואל תתעלם מתחנתי׃ |
2 Ɖo tom, eye nàtɔ nam. Nye tamesusuwo ɖea fu nam, eye metɔtɔna,
| הקשיבה לי וענני אריד בשיחי ואהימה׃ |
3 ne mese futɔ la ƒe gbe, alo ne ame vɔ̃ɖi la tro ŋku ɖem. Elabena wohe fukpekpe va dzinye, eye wogblɔa nya vɔ̃wo ɖe ŋunye le woƒe dɔmedzoe me.
| מקול אויב מפני עקת רשע כי ימיטו עלי און ובאף ישטמוני׃ |
4 Nye dzi le nu xam vevie le menye; ku ƒe ŋɔdzi ɖe to ɖem.
| לבי יחיל בקרבי ואימות מות נפלו עלי׃ |
5 Vɔvɔ̃ kple dzodzo nyanyanya lém, eye ŋɔdzi gbagba blam.
| יראה ורעד יבא בי ותכסני פלצות׃ |
6 Megblɔ be, “O! Ɖe wònye aʋala le asinye abe ahɔnɛ ene la, anye ne madzo aɖadzudzɔ le teƒe aɖe.
| ואמר מי יתן לי אבר כיונה אעופה ואשכנה׃ |
7 Madzo ayi keke gbegbe, aɖanɔ afi ma. (Sela)
| הנה ארחיק נדד אלין במדבר סלה׃ |
8 Maɖe abla ayi ɖe nye bebeƒe, ate ɖe aga tso ya sesẽwo kple ahom gbɔ.”
| אחישה מפלט לי מרוח סעה מסער׃ |
9 O! Aƒetɔ, tɔtɔ ame vɔ̃ɖiwo, tɔtɔ woƒe nyagbɔgblɔwo, elabena mekpɔ ŋutasesẽ kple ʋunyaʋunya le dua me.
| בלע אדני פלג לשונם כי ראיתי חמס וריב בעיר׃ |
10 Zã kple keli wole tatam le eƒe gliwo dzi, eye nugbeɖoɖo kple hiãkame le eme.
| יומם ולילה יסובבה על חומתיה ואון ועמל בקרבה׃ |
11 Ŋusẽ siwo gblẽa nu la le dɔ wɔm le dua me; ŋutasesẽ kple alakpadada medzona le eƒe ablɔ dzi o.
| הוות בקרבה ולא ימיש מרחבה תך ומרמה׃ |
12 Ne futɔe le dzu yem la, mate ŋu atsɔe; ne ketɔe kɔ eɖokui ɖe dzi ɖe ŋunye la, mate ŋu aɣla ɖee,
| כי לא אויב יחרפני ואשא לא משנאי עלי הגדיל ואסתר ממנו׃ |
13 gake wò, ŋutsu abe nye ene, xɔ̃nye vevi kple nye kpeɖeŋutɔ,
| ואתה אנוש כערכי אלופי ומידעי׃ |
14 nye kple ame si dome habɔbɔ vivi aɖe nɔ, eye míezɔna aduadu le amehawo dome le gbedoxɔ me lae.
| אשר יחדו נמתיק סוד בבית אלהים נהלך ברגש׃ |
15 Ku neƒo ɖe nye ketɔwo dzi kpoyi; woneyi yɔdo me agbagbe, elabena nu vɔ̃ɖi wɔwɔ xɔ aƒe ɖe wo dome. (Sheol h7585)
| ישימות עלימו ירדו שאול חיים כי רעות במגורם בקרבם׃ (Sheol h7585) |
16 Ke meyɔ Mawu, eye wòtɔ nam, heɖem.
| אני אל אלהים אקרא ויהוה יושיעני׃ |
17 Fiẽ, ŋdi kple ŋdɔ medo ɣli le xaxame, eye wòse nye gbe.
| ערב ובקר וצהרים אשיחה ואהמה וישמע קולי׃ |
18 Eɖem tso aʋa si le edzi yim kplim la me le dedinɔnɔ me, togbɔ be ame geɖewo tso ɖe ŋutinye hã.
| פדה בשלום נפשי מקרב לי כי ברבים היו עמדי׃ |
19 Mawu, ame si le fiazikpui dzi tegbee la asee, eye wòabɔbɔ wo ɖe anyi, (Sela) ame siwo gbe tɔtrɔ le woƒe mɔwo dzi, eye womevɔ̃a Mawu o lae.
| ישמע אל ויענם וישב קדם סלה אשר אין חליפות למו ולא יראו אלהים׃ |
20 Nye zɔhɛ wɔ avu kple exɔlɔ̃wo hegblẽ kɔ ɖo na eƒe nubabla.
| שלח ידיו בשלמיו חלל בריתו׃ |
21 Eƒe nuƒo zrɔ̃ dredredre abe notsi kpekpe ene, evɔ aʋawɔwɔ le eƒe dzi me; eƒe numenyawo zrɔ̃ wu ami, gake wonye yi siwo woɖe le aku me lé ɖe asi.
| חלקו מחמאת פיו וקרב לבו רכו דבריו משמן והמה פתחות׃ |
22 Tsɔ wò dzimaɖiwo da ɖe Yehowa dzi, eye akpɔ tawò, elabena mana ame dzɔdzɔe la nadze anyi akpɔ gbeɖe o.
| השלך על יהוה יהבך והוא יכלכלך לא יתן לעולם מוט לצדיק׃ |
23 O! Mawu, ke wò la, àhe ame vɔ̃ɖiwo ayi yɔdo me. Ŋutsu hlɔ̃dolawo kple ameblelawo manɔ agbe wòade agbemeŋkeke siwo nèna wo la ƒe afã hã o. Ke nye la, wò ko dzi meka ɖo.
| ואתה אלהים תורדם לבאר שחת אנשי דמים ומרמה לא יחצו ימיהם ואני אבטח בך׃ |
