Psalmowo 26

1 David ƒa ha. O! Yehowa, tso afia nam, elabena menɔ agbe si ŋu fɔɖiɖi mele o. Meɖo dzi ɖe Yehowa ŋu, nyemeʋã kpɔ gbeɖe o.

[A Psalm] of David. Judge me, O LORD; for I have walked in my integrity: I have trusted also in the LORD; [therefore] I shall not slide.

2 O! Yehowa, lolom, dom kpɔ; eye nàdzro nye dzi kple tamesusu hã me,

Examine me, O LORD, and prove me; try my reins and my heart.

3 elabena wò lɔlɔ̃ le ŋkunye me ɖaa, eye mezɔna le wò nyateƒe la me ɣe sia ɣi.

For thy loving-kindness [is] before my eyes: and I have walked in thy truth.

4 Nyemanɔ anyi ɖe ameblelawo dome, alo ade ha kple alakpanuwɔlawo o.

I have not sat with vain persons, neither will I go in with dissemblers.

5 Metsri ame tovowo ƒe habɔbɔ, eye megbe be nyemanɔ ame vɔ̃ɖiwo dome o.

I have hated the congregation of evil doers; and will not sit with the wicked.

6 Meklɔ nye asiwo le fɔmaɖimaɖi me, eye meƒo xlã wò vɔsamlekpui, O! Yehowa,

I will wash my hands in innocence: so will I compass thy altar, O LORD:

7 hele wò kafukafuha dzim kple ɣli le nukudɔ siwo katã nèwɔ la xlẽm fia.

That I may publish with the voice of thanksgiving, and tell of all thy wondrous works.

8 O! Yehowa, melɔ̃ aƒe si me nèle, afi si wò ŋutikɔkɔe le.

LORD, I have loved the habitation of thy house, and the place where thy honor dwelleth.

9 Mègatsɔ nye luʋɔ kpe ɖe nu vɔ̃ wɔlawo ŋuti kple nye agbe kpe ɖe hlɔ̃dolawo ŋuti,

Gather not my soul with sinners, nor my life with bloody men:

10 ame siwo ƒe asi me ɖoɖo vɔ̃ɖiwo le, eye woƒe nuɖusime yɔ fũu kple zãnuxɔxɔ o.

In whose hands [is] mischief, and their right hand is full of bribes.

11 Ke nye la, menɔ agbe si ŋu fɔɖiɖi mele o, eya ta ɖem, eye nàkpɔ nublanui nam.

But as for me, I will walk in my integrity: redeem me, and be merciful to me.

12 Nye afɔ le sɔsɔeƒe. Makafu Yehowa le takpekpe gã la me.

My foot standeth in an even place: in the congregations will I bless the LORD.