Psalmowo 26

1 David ƒa ha. O! Yehowa, tso afia nam, elabena menɔ agbe si ŋu fɔɖiɖi mele o. Meɖo dzi ɖe Yehowa ŋu, nyemeʋã kpɔ gbeɖe o.

Judge me, O Yhwh; for I have walked in mine integrity: I have trusted also in Yhwh; therefore I shall not slide.

2 O! Yehowa, lolom, dom kpɔ; eye nàdzro nye dzi kple tamesusu hã me,

Examine me, O Yhwh, and prove me; try my reins and my heart.

3 elabena wò lɔlɔ̃ le ŋkunye me ɖaa, eye mezɔna le wò nyateƒe la me ɣe sia ɣi.

For thy lovingkindness is before mine eyes: and I have walked in thy truth.

4 Nyemanɔ anyi ɖe ameblelawo dome, alo ade ha kple alakpanuwɔlawo o.

I have not sat with vain persons, neither will I go in with dissemblers.

5 Metsri ame tovowo ƒe habɔbɔ, eye megbe be nyemanɔ ame vɔ̃ɖiwo dome o.

I have hated the congregation of evil doers; and will not sit with the wicked.

6 Meklɔ nye asiwo le fɔmaɖimaɖi me, eye meƒo xlã wò vɔsamlekpui, O! Yehowa,

I will wash mine hands in innocency: so will I compass thine altar, O Yhwh:

7 hele wò kafukafuha dzim kple ɣli le nukudɔ siwo katã nèwɔ la xlẽm fia.

That I may publish with the voice of thanksgiving, and tell of all thy wondrous works.

8 O! Yehowa, melɔ̃ aƒe si me nèle, afi si wò ŋutikɔkɔe le.

Yhwh, I have loved the habitation of thy house, and the place where thine honour dwelleth.

9 Mègatsɔ nye luʋɔ kpe ɖe nu vɔ̃ wɔlawo ŋuti kple nye agbe kpe ɖe hlɔ̃dolawo ŋuti,

Gather not my soul with sinners, nor my life with bloody men:

10 ame siwo ƒe asi me ɖoɖo vɔ̃ɖiwo le, eye woƒe nuɖusime yɔ fũu kple zãnuxɔxɔ o.

In whose hands is mischief, and their right hand is full of bribes.

11 Ke nye la, menɔ agbe si ŋu fɔɖiɖi mele o, eya ta ɖem, eye nàkpɔ nublanui nam.

But as for me, I will walk in mine integrity: redeem me, and be merciful unto me.

12 Nye afɔ le sɔsɔeƒe. Makafu Yehowa le takpekpe gã la me.

My foot standeth in an even place: in the congregations will I bless Yhwh.