Psalmowo 24

1 David ƒe ha. Anyigba kple nu siwo katã yɔ edzi, xexea me kple emenɔlawo katã nye Yehowa tɔ.

Un psaume de David. La terre appartient à Yahvé, avec sa plénitude; le monde, et ceux qui l'habitent.

2 Elabena eɖoe anyi ɖe atsiaƒu dzi, eye wòɖo egɔme anyi ɖe tɔsisiwo dzi gli.

Car il l'a fondée sur les mers, et l'a établi sur les inondations.

3 Ame kae alia Yehowa ƒe togbɛ? Ame kae atsi tsitre ɖe eƒe kɔkɔeƒe la?

Qui peut monter sur la colline de Yahvé? Qui peut se tenir dans son lieu saint?

4 Ame si ƒe asi me dza, eye eƒe dzi me le dzadzɛe, ame si metsɔ eƒe luʋɔ na legba o, eye mekaa aʋatso heta nu dzodzro o.

Celui qui a les mains propres et le cœur pur; qui n'a pas élevé son âme vers le mensonge, et n'a pas fait de faux serments.

5 Eya axɔ yayra tso Yehowa gbɔ, eye Mawu, eƒe Ɖela la, atso afia nɛ.

Il recevra une bénédiction de Yahvé, la justice du Dieu de son salut.

6 O! Yakob ƒe Mawu, aleae dzidzime si dia wò, eye wòdia ŋkuwòme la le. (Sela)

C'est la génération de ceux qui le cherchent, qui cherchent votre visage - même Jacob. (Selah)

7 O! Mi agbowo, miʋu; mi blemaʋɔtruwo, miʋu, ne Ŋutikɔkɔefia la nage ɖe eme.

Relevez vos têtes, portes! Élevez-vous, portes éternelles, et le Roi de gloire entrera.

8 Ame kae nye Ŋutikɔkɔefia la? Yehowa ŋusẽtɔ kple kalẽtɔ lae, Yehowa si wɔa kalẽ le aʋagbedzi lae.

Qui est le roi de la gloire? Yahvé fort et puissant, Yahvé est puissant au combat.

9 O! Mi agbowo, miʋu; mi blemaʋɔtruwo, miʋu, ne Ŋutikɔkɔefia la nage ɖe eme.

Relevez vos têtes, portes; oui, élevez-les, portes éternelles, et le Roi de gloire entrera.

10 Ame kae nye Ŋutikɔkɔefia sia? Yehowa Ŋusẽkatãtɔ lae nye Ŋutikɔkɔefia la. (Sela)

Qui est ce Roi de gloire? Yahvé des Armées est le Roi de gloire! (Selah)