Psalmowo 24

1 David ƒe ha. Anyigba kple nu siwo katã yɔ edzi, xexea me kple emenɔlawo katã nye Yehowa tɔ.

A psalm of David. The earth is the Lord's, and everything that is in it belongs to him. The world is his, and everyone who lives there.

2 Elabena eɖoe anyi ɖe atsiaƒu dzi, eye wòɖo egɔme anyi ɖe tɔsisiwo dzi gli.

For he is the one who laid its foundations on the seas, setting it in place on the waters.

3 Ame kae alia Yehowa ƒe togbɛ? Ame kae atsi tsitre ɖe eƒe kɔkɔeƒe la?

Who is allowed to go up the Lord's mountain? Who is permitted to stand in his holy place?

4 Ame si ƒe asi me dza, eye eƒe dzi me le dzadzɛe, ame si metsɔ eƒe luʋɔ na legba o, eye mekaa aʋatso heta nu dzodzro o.

Those who have clean hands and pure minds, who don't worship idols, and who don't lie under oath.

5 Eya axɔ yayra tso Yehowa gbɔ, eye Mawu, eƒe Ɖela la, atso afia nɛ.

They will take with them the blessing of the Lord, vindicated by the God who saves them.

6 O! Yakob ƒe Mawu, aleae dzidzime si dia wò, eye wòdia ŋkuwòme la le. (Sela)

These are the kind of people who may go to the Lord and worship before you, God of Jacob. (Selah)

7 O! Mi agbowo, miʋu; mi blemaʋɔtruwo, miʋu, ne Ŋutikɔkɔefia la nage ɖe eme.

Open up, you gates! Swing wide, you ancient doors! Let the King of glory come in!

8 Ame kae nye Ŋutikɔkɔefia la? Yehowa ŋusẽtɔ kple kalẽtɔ lae, Yehowa si wɔa kalẽ le aʋagbedzi lae.

Who is this King of glory? The Lord, strong and powerful, mighty in battle.

9 O! Mi agbowo, miʋu; mi blemaʋɔtruwo, miʋu, ne Ŋutikɔkɔefia la nage ɖe eme.

Open up, you gates! Swing wide, you ancient doors! Let the King of glory come in!

10 Ame kae nye Ŋutikɔkɔefia sia? Yehowa Ŋusẽkatãtɔ lae nye Ŋutikɔkɔefia la. (Sela)

Who is this King of glory? The Lord Almighty, he is the King of glory! (Selah)