Psalmowo 24

1 David ƒe ha. Anyigba kple nu siwo katã yɔ edzi, xexea me kple emenɔlawo katã nye Yehowa tɔ.

A Psalm by David. The earth is the LORD’s, with its fullness; the world, and those who dwell in it.

2 Elabena eɖoe anyi ɖe atsiaƒu dzi, eye wòɖo egɔme anyi ɖe tɔsisiwo dzi gli.

For he has founded it on the seas, and established it on the floods.

3 Ame kae alia Yehowa ƒe togbɛ? Ame kae atsi tsitre ɖe eƒe kɔkɔeƒe la?

Who may ascend to the LORD’s hill? Who may stand in his holy place?

4 Ame si ƒe asi me dza, eye eƒe dzi me le dzadzɛe, ame si metsɔ eƒe luʋɔ na legba o, eye mekaa aʋatso heta nu dzodzro o.

He who has clean hands and a pure heart; who has not lifted up his soul to falsehood, and has not sworn deceitfully.

5 Eya axɔ yayra tso Yehowa gbɔ, eye Mawu, eƒe Ɖela la, atso afia nɛ.

He shall receive a blessing from the LORD, righteousness from the God of his salvation.

6 O! Yakob ƒe Mawu, aleae dzidzime si dia wò, eye wòdia ŋkuwòme la le. (Sela)

This is the generation of those who seek Him, who seek your face—even Jacob. (Selah)

7 O! Mi agbowo, miʋu; mi blemaʋɔtruwo, miʋu, ne Ŋutikɔkɔefia la nage ɖe eme.

Lift up your heads, you gates! Be lifted up, you everlasting doors, and the King of glory will come in.

8 Ame kae nye Ŋutikɔkɔefia la? Yehowa ŋusẽtɔ kple kalẽtɔ lae, Yehowa si wɔa kalẽ le aʋagbedzi lae.

Who is the King of glory? The LORD strong and mighty, the LORD mighty in battle.

9 O! Mi agbowo, miʋu; mi blemaʋɔtruwo, miʋu, ne Ŋutikɔkɔefia la nage ɖe eme.

Lift up your heads, you gates; yes, lift them up, you everlasting doors, and the King of glory will come in.

10 Ame kae nye Ŋutikɔkɔefia sia? Yehowa Ŋusẽkatãtɔ lae nye Ŋutikɔkɔefia la. (Sela)

Who is this King of glory? The LORD of Armies is the King of glory! (Selah)