Psalmowo 147
1 Mikafu Yehowa. Aleke mehenyoe be woadzi kafukafuha na míaƒe Mawu la o! Aleke wòhevivina, eye wòdze be woakafui!
| הללו-יה כי-טוב זמרה אלהינו-- כי-נעים נאוה תהלה |
2 Yehowa gbugbɔ tso Yerusalem du la, eye wòkplɔ Israel ƒe aboyomewo gbɔe.
| בונה ירושלם יהוה נדחי ישראל יכנס |
3 Eda gbe le ame siwo ƒe dzi gbã la ŋu, eye wòbla woƒe abiwo na wo.
| הרפא לשבורי לב ומחבש לעצבותם |
4 Eyae ɖo xexlẽme na ɣletiviwo, eye wòyɔa ɖe sia ɖe ƒe ŋkɔ.
| מונה מספר לכוכבים לכלם שמות יקרא |
5 Gãe nye míaƒe Aƒetɔ la, eye eƒe ŋusẽ tri akɔ ŋutɔ, seɖoƒe meli na eƒe gɔmesese o.
| גדול אדונינו ורב-כח לתבונתו אין מספר |
6 Yehowa kpɔa ame siwo bɔbɔa wo ɖokui la dzi, ke etsɔ ame vɔ̃ɖi ya xlã ɖe anyigba.
| מעודד ענוים יהוה משפיל רשעים עדי-ארץ |
7 Midzi ha na Yehowa kple akpedada, eye miƒo ha na míaƒe Mawu la kple kasaŋku.
| ענו ליהוה בתודה זמרו לאלהינו בכנור |
8 Etsɔa lilikpo xea yamee, eye wònana tsi dzana ɖe anyigba la dzi hewɔnɛ be gbe miena ɖe togbɛwo dzi.
| המכסה שמים בעבים-- המכין לארץ מטר המצמיח הרים חציר |
9 Enaa nuɖuɖu nyiwo kple akpaviã siwo le xɔxlɔ̃m nɛ.
| נותן לבהמה לחמה לבני ערב אשר יקראו |
10 Eƒe dzidzɔ mele sɔ ƒe ŋusẽ me loo, alo amegbetɔ ƒe afɔ me o;
| לא בגבורת הסוס יחפץ לא-בשוקי האיש ירצה |
11 ke boŋ Yehowa ƒe dzidzɔkpɔkpɔ le ame siwo vɔ̃nɛ la me, ame siwo tsɔa woƒe mɔkpɔkpɔ dana ɖe eƒe lɔlɔ̃ si meʋãna o la dzi.
| רוצה יהוה את-יראיו-- את-המיחלים לחסדו |
12 O! Yerusalem, do Yehowa ɖe dzi, O! Zion, kafu wò Mawu la,
| שבחי ירושלם את-יהוה הללי אלהיך ציון |
13 elabena eyae glã wò agbowo ƒe gametiwo, eye wòyra ame siwo le mewò.
| כי-חזק בריחי שעריך ברך בניך בקרבך |
14 Ena ŋutifafa le wò liƒowo dzi, eye wòtsɔ mɔlu nyuitɔ ɖi ƒo na wòe.
| השם-גבולך שלום חלב חטים ישביעך |
15 Eɖo eƒe sedede ɖe anyigba la dzi, eye eƒe nya kaka kple du ɖo teƒewo.
| השלח אמרתו ארץ עד-מהרה ירוץ דברו |
16 Ekaka tsikpe abe ɖetifu ene, eye wòkaka afu abe dzofi ene.
| הנתן שלג כצמר כפור כאפר יפזר |
17 Eɖo kpetsi ɖe anyigba abe kpekui ene. Ame ka ate ŋu anɔ te ɖe wò ya fafɛ la nu?
| משליך קרחו כפתים לפני קרתו מי יעמד |
18 Edɔ eƒe nya ɖa, eye wòlolo wo. Ede ŋusẽ eƒe yawo me, eye tsiwo de asi sisi me.
| ישלח דברו וימסם ישב רוחו יזלו-מים |
19 Eɖe eƒe nya fia Yakob eye wòɖe eƒe sewo kple sededewo fia Israel.
| מגיד דברו ליעקב חקיו ומשפטיו לישראל |
20 Mewɔ esia na dukɔ bubu aɖeke o, eye womenya eƒe sewo o. Mikafu Yehowa.
| לא עשה כן לכל-גוי-- ומשפטים בל-ידעום הללו-יה |
