Psalmowo 146

1 Mikafu Yehowa. O! luʋɔnye, kafu Yehowa.

Praise the LORD. Praise the LORD, my soul.

2 Makafu Yehowa le nye agbemeŋkekewo katã me. Madzi kafukafuha na nye Mawu la, zi ale si mele agbe.

While I live, I will praise the LORD. I will sing praises to my God as long as I exist.

3 Migaɖo dzi ɖe dziɖulawo ŋu o, eye migaka ɖe amegbetɔ kodzogbea, si mate ŋu axɔ na ame o la dzi o.

Do not put your trust in princes, each a son of man in whom there is no help.

4 Ne woƒe gbɔgbɔ do go le wo me la, wogatrɔna zua kewɔ, gbe ma gbe ke woƒe ɖoɖo siwo katã wowɔ la zua tofloko.

His spirit departs, and he returns to the earth. In that very day, his thoughts perish.

5 Woayra ame si ƒe xɔnametɔ nye Yakob ƒe Mawu la, eye eƒe mɔkpɔkpɔ le Yehowa, eƒe Mawu la me.

Blessed is the one who has the God of Jacob for his help, whose hope is in the LORD his God,

6 Eya ame si wɔ dziƒo kple anyigba, atsiaƒu kple nu siwo katã le eme, Yehowa nye nuteƒewɔla tegbetegbe.

who made heaven and earth, the sea, and all that is in them; who keeps truth forever;

7 Etsoa afia na ame siwo wote ɖe anyi, eye wònaa nuɖuɖu dɔwuitɔwo. Yehowae naa ablɔɖe gamenɔlawo.

who executes justice for the oppressed; who gives food to the hungry. The LORD frees the prisoners.

8 Yehowa ʋua ŋku na ŋkuagbãtɔwo, Yehowa fɔa ame siwo wote ɖe anyi la ɖe dzi, Yehowa lɔ̃a ame dzɔdzɔewo ƒe nya.

The LORD opens the eyes of the blind. The LORD raises up those who are bowed down. The LORD loves the righteous.

9 Yehowa kpɔa amedzrowo ta, eye wònye tsyɔ̃eviwo kple ahosiwo hã ta kpɔla. Ke etɔtɔa ame vɔ̃ɖiwo ƒe mɔwo.

The LORD preserves the foreigners. He upholds the fatherless and widow, but the way of the wicked he turns upside down.

10 Yehowa le fia ɖum tso mavɔ me yi ɖe mavɔ me. O! Zion, wò Mawu la aɖu fia le dzidzimewo katã me. Mikafu Yehowa.

The LORD will reign forever; your God, O Zion, to all generations. Praise the LORD.