Psalmowo 145
1 David ƒe kafukafuha. Mado wò ɖe dzi, nye Mawu, fia la. Makafu wò ŋkɔ tso mavɔ me yi ɖe mavɔ me.
| תהלה לדוד ארוממך אלוהי המלך ואברכה שמך לעולם ועד |
2 Makafu wò gbe sia gbe, eye mado wò ŋkɔ ɖe dzi tso mavɔ me yi ɖe mavɔ me.
| בכל-יום אברכך ואהללה שמך לעולם ועד |
3 Gãe nye Yehowa, eye eya koe dze na kafukafu, elabena ame aɖeke mate ŋu anya eƒe gãnyenye ƒe goglome o.
| גדול יהוה ומהלל מאד ולגדלתו אין חקר |
4 Dzidzime ɖeka akafu wò dɔwɔwɔwo na dzidzime bubu, eye woatu xo le wò nu dzɔatsuwo ŋu.
| דור לדור ישבח מעשיך וגבורתיך יגידו |
5 Woaƒo nu le wò gãnyenye ƒe atsyɔ̃ɖoɖo ƒe ŋutikɔkɔe ŋuti, eye made ŋugble le wò dɔwɔwɔ wɔnukuwo ŋuti.
| הדר כבוד הודך-- ודברי נפלאתיך אשיחה |
6 Woaƒo nu le wò ŋɔdzidɔwɔwɔwo ƒe ŋusẽ ŋuti, eye maɖe gbeƒã wò nuwɔwɔ dzɔatsuwo.
| ועזוז נוראתיך יאמרו וגדלותיך (וגדלתך) אספרנה |
7 Woaɖu wò nyuiwɔwɔ gbogboawo ƒe azã, eye woadzi ha atso aseye le wò dzɔdzɔenyenye ŋuti.
| זכר רב-טובך יביעו וצדקתך ירננו |
8 Yehowa nye amenuvela kple nublanuikpɔla; medoa dɔmedzoe kabakaba o, eye lɔlɔ̃ bɔ ɖe esi.
| חנון ורחום יהוה ארך אפים וגדל-חסד |
9 Yehowa nyoa dɔ me na ame sia ame, eye wòkpɔa nublanui na ame siwo katã wòwɔ.
| טוב-יהוה לכל ורחמיו על-כל-מעשיו |
10 O! Yehowa, ame siwo katã nèwɔ la akafu wò, eye wò ame kɔkɔewo ado wò ɖe dzi.
| יודוך יהוה כל-מעשיך וחסידיך יברכוכה |
11 Woaƒo nu le wò fiaɖuƒe la ƒe ŋutikɔkɔe ŋu, eye woagblɔ nya tso wò ŋusẽ ŋuti,
| כבוד מלכותך יאמרו וגבורתך ידברו |
12 ale be amewo katã nanya wò nuwɔwɔ dzɔatsuwo kple wò fiaɖuƒe ƒe ŋutikɔkɔe ƒe atsyɔ̃.
| להודיע לבני האדם--גבורתיו וכבוד הדר מלכותו |
13 Wò fiaɖuƒe la nye fiaɖuƒe mavɔ, eye wò fiaɖuɖu anɔ anyi le dzidzimewo katã me. Yehowa awɔ nuteƒe le eƒe ŋugbedodowo katã me, eye wòaɖe lɔlɔ̃ afia ame siwo katã wòwɔ.
| מלכותך מלכות כל-עלמים וממשלתך בכל-דור ודר |
14 Yehowa léa ame siwo katã dze anyi la ɖe asi, eye wòfɔa ame siwo katã wobɔbɔ ɖe anyi la ɖe dzi.
| סומך יהוה לכל-הנפלים וזוקף לכל-הכפופים |
15 Ŋkuwo katã le wò asinu kpɔm, eye nèna nuɖuɖu wo le enaɣi.
| עיני-כל אליך ישברו ואתה נותן-להם את-אכלם בעתו |
16 Èʋu wò asiwo me, eye nètsɔ nu gbagbe ɖe sia ɖe ƒe nu si wòdi la nɛ.
| פותח את-ידך ומשביע לכל-חי רצון |
17 Yehowa nye dzɔdzɔetɔ le eƒe mɔwo katã dzi, eye wòlɔ̃a eƒe nu siwo katã wòwɔ.
| צדיק יהוה בכל-דרכיו וחסיד בכל-מעשיו |
18 Yehowa tsɔ ɖe ame siwo yɔnɛ la gbɔ, ame siwo katã yɔnɛ le nyateƒe me.
| קרוב יהוה לכל-קראיו-- לכל אשר יקראהו באמת |
19 Ewɔa ame siwo vɔ̃nɛ la ƒe dzimedidiwo na wo, esea woƒe ɣlidodo, eye wòɖea wo.
| רצון-יראיו יעשה ואת-שועתם ישמע ויושיעם |
20 Yehowa kpɔa ame siwo katã lɔ̃nɛ la ta, gake atsrɔ̃ ame vɔ̃ɖiwo katã.
| שומר יהוה את-כל-אהביו ואת כל-הרשעים ישמיד |
21 Nye nu agblɔ Yehowa ƒe kafukafu. Nu gbagbe ɖe sia ɖe nekafu eƒe ŋkɔ kɔkɔe la tso mavɔ me yi ɖe mavɔ me.
| תהלת יהוה ידבר-פי ויברך כל-בשר שם קדשו--לעולם ועד |
