Psalmowo 138

1 David ƒe ha. O! Yehowa, makafu wò kple nye dzi blibo; madzi wò kafukafuha le mawuwo ŋkume.

Of David. I will thank you, O Lord, with all my heart: in the sight of the gods I will sing your praise,

2 Made ta agu do ɖe wò gbedoxɔ kɔkɔe la gbɔ, eye makafu wò ŋkɔ, le wò lɔlɔ̃ kple nuteƒewɔwɔ ta, elabena èkɔ, wò ŋkɔ kple wò nya gbɔ nu sia nu ta sãsãsã.

and prostrate before your holy temple, will praise your name for your constant love, for you have exulted your promise above all.

3 Ètɔ nam esi meyɔ wò, eye nède dzi ƒo nam, hedo ŋusẽ nye dzi.

When I called you, you answered; you gave me strength, you inspired me.

4 O! Yehowa, anyigbadzifiawo katã akafu wò, ne wose wò numenya.

All the kings of the earth shall praise you, O Lord, when they shall have heard the words you have uttered;

5 Na woadzi ha le Yehowa ƒe mɔwo ŋu, elabena Yehowa ƒe ŋutikɔkɔe lolo.

and they shall sing of the ways of the Lord, and tell of the Lord’s transcendent glory.

6 Togbɔ be Yehowa le dzi me ke hã la, ekpɔa ame dahewo gbɔ, ke edzea si dadala tso adzɔge.

For, high though the Lord is, he looks on the lowly, and strikes down the haughty from far away.

7 Togbɔ be mele zɔzɔm le xaxa me hã la, èkpɔ nye agbe ta, eye nèkɔ wò asi dzi do ɖe nye futɔwo ƒe dɔmedzoe ŋu, hetsɔ wò nuɖusi xɔ nam.

Though my way be distressful, yet you preserve me: you lay your hand on my angry foes, and your right hand gives me victory.

8 Yehowa ana eƒe ta me si wòɖo ɖe ŋunye la nava eme. O! Yehowa, wò lɔlɔ̃ li ɖaa, mègagblẽ wò asinudɔwɔwɔwo ɖi o.

The Lord will accomplish all that which concerns me. Your kindness, O Lord, endures forever. O do not abandon the work of your hands.