Psalmowo 130

1 Mɔzɔha. O! Yehowa, mele koko ƒom na wò tso nye dzi me ke.

Cantique des degrés. Du fond de l’abîme je t’invoque, ô Éternel!

2 O! Aƒetɔ, ɖo to nye gbe. Wò to nenɔ te nàse nye nublanuiɣli.

Seigneur, écoute ma voix! Que tes oreilles soient attentives A la voix de mes supplications!

3 O! Yehowa, ne àlé amewo ƒe nu vɔ̃wo ɖe agbalẽ me ada ɖi la, O! Aƒetɔ, ame ka ate ŋu anɔ te?

Si tu gardais le souvenir des iniquités, Éternel, Seigneur, qui pourrait subsister?

4 Ke wò la, tsɔtsɔke le gbɔwò, eya ta wovɔ̃a wò ɖo.

Mais le pardon se trouve auprès de toi, Afin qu’on te craigne.

5 Mele Yehowa ƒe asinu kpɔm, nye luʋɔ le lalam, eye metsɔ nye mɔkpɔkpɔ da ɖe eƒe nya dzi.

J’espère en l’Éternel, mon âme espère, Et j’attends sa promesse.

6 Nye luʋɔ le lalam na Aƒetɔ la wu ale si zãɖialawo kpɔa mɔ na ŋu ƒe keke; mebe wu ale si zãɖialawo kpɔa mɔ na ŋu ƒe keke.

Mon âme compte sur le Seigneur, Plus que les gardes ne comptent sur le matin, Que les gardes ne comptent sur le matin.

7 O! Israel, tsɔ wò mɔkpɔkpɔ da ɖe Yehowa dzi, elabena lɔlɔ̃ matrɔ le Yehowa si, eye ɖeɖe blibo le eya amea gbɔ.

Israël, mets ton espoir en l’Éternel! Car la miséricorde est auprès de l’Éternel, Et la rédemption est auprès de lui en abondance.

8 Eya ŋutɔ aɖe Israel tso eƒe nu vɔ̃wo katã me.

C’est lui qui rachètera Israël De toutes ses iniquités.