Psalmowo 13

1 David ƒe ha na hɛnɔ la. O! Yehowa, va se ɖe ɣe ka ɣi? Ɖe nàŋlɔm be ɖikaɖika? Va se ɖe ɣe ka ɣi nàɣla wò ŋkume ɖem?

For the Chief Musician. A Psalm of David. How long, O LORD, wilt thou forget me for ever? how long wilt thou hide thy face from me?

2 Va se ɖe ɣe ka ɣi mawɔ avu kple nye tamesusu, eye gbe sia gbe nuxaxa nayɔ nye dzi me? Va se ɖe ɣe ka ɣi nye futɔwo aɖu dzinye?

How long shall I take counsel in my soul, having sorrow in my heart all the day? how long shall mine enemy be exalted over me?

3 Kpɔm ɖa, eye nàɖo nya ŋu nam, O! Yehowa, nye Mawu. Na kekeli naklẽ ɖe nye ŋkuwo dzi, ne menye nenema o la, madɔ alɔ̃ ayi ku me.

Consider [and] answer me, O LORD my God: lighten mine eyes, lest I sleep the [sleep of] death;

4 Ekema nye futɔwo agblɔ be, “Meɖu edzi,” eye nye ketɔwo akpɔ dzidzɔ ne medze anyi.

Lest mine enemy say, I have prevailed against him; [lest] mine adversaries rejoice when I am moved.

5 Ke nye ya meɖo dzi ɖe wò lɔlɔ̃ si meʋãna o la ŋu, nye dzi le aseye tsom le wò xɔname ŋuti.

But I have trusted in thy mercy; my heart shall rejoice in thy salvation:

6 Madzi ha na Yehowa, elabena ewɔ nyui nam.

I will sing unto the LORD, because he hath dealt bountifully with me.