Psalmowo 13

1 David ƒe ha na hɛnɔ la. O! Yehowa, va se ɖe ɣe ka ɣi? Ɖe nàŋlɔm be ɖikaɖika? Va se ɖe ɣe ka ɣi nàɣla wò ŋkume ɖem?

[For the Chief Musician. A Psalm by David.] How long, YHWH? Will you forget me forever? How long will you hide your face from me?

2 Va se ɖe ɣe ka ɣi mawɔ avu kple nye tamesusu, eye gbe sia gbe nuxaxa nayɔ nye dzi me? Va se ɖe ɣe ka ɣi nye futɔwo aɖu dzinye?

How long shall I take counsel in my soul, having sorrow in my heart every day? How long shall my enemy triumph over me?

3 Kpɔm ɖa, eye nàɖo nya ŋu nam, O! Yehowa, nye Mawu. Na kekeli naklẽ ɖe nye ŋkuwo dzi, ne menye nenema o la, madɔ alɔ̃ ayi ku me.

Look, and answer me, YHWH, my God. Give light to my eyes, lest I sleep in death;

4 Ekema nye futɔwo agblɔ be, “Meɖu edzi,” eye nye ketɔwo akpɔ dzidzɔ ne medze anyi.

Lest my enemy say, "I have prevailed against him," and my adversaries rejoice when I fall.

5 Ke nye ya meɖo dzi ɖe wò lɔlɔ̃ si meʋãna o la ŋu, nye dzi le aseye tsom le wò xɔname ŋuti.

But I trust in your loving kindness. My heart rejoices in your salvation.

6 Madzi ha na Yehowa, elabena ewɔ nyui nam.

I will sing to YHWH, because he has dealt bountifully with me, and I will sing to the name of YHWH Most High.