Psalmowo 13

1 David ƒe ha na hɛnɔ la. O! Yehowa, va se ɖe ɣe ka ɣi? Ɖe nàŋlɔm be ɖikaɖika? Va se ɖe ɣe ka ɣi nàɣla wò ŋkume ɖem?

How long, O Jehovah? Will thou forget me forever? How long will thou hide thy face from me?

2 Va se ɖe ɣe ka ɣi mawɔ avu kple nye tamesusu, eye gbe sia gbe nuxaxa nayɔ nye dzi me? Va se ɖe ɣe ka ɣi nye futɔwo aɖu dzinye?

How long shall I take counsel in my soul, having sorrow in my heart all the day? How long shall my enemy be exalted over me?

3 Kpɔm ɖa, eye nàɖo nya ŋu nam, O! Yehowa, nye Mawu. Na kekeli naklẽ ɖe nye ŋkuwo dzi, ne menye nenema o la, madɔ alɔ̃ ayi ku me.

Consider and answer me, O Jehovah my God. Lighten my eyes, lest I sleep the death,

4 Ekema nye futɔwo agblɔ be, “Meɖu edzi,” eye nye ketɔwo akpɔ dzidzɔ ne medze anyi.

lest my enemy say, I have prevailed against him, lest my adversaries rejoice when I am moved.

5 Ke nye ya meɖo dzi ɖe wò lɔlɔ̃ si meʋãna o la ŋu, nye dzi le aseye tsom le wò xɔname ŋuti.

But I have trusted in thy loving kindness. My heart shall rejoice in thy salvation.

6 Madzi ha na Yehowa, elabena ewɔ nyui nam.

I will sing to Jehovah because he has dealt bountifully with me.