Psalmowo 122

1 David ƒe mɔzɔha. Mekpɔ dzidzɔ kple ame siwo gblɔ nam be, “Mina míayi Yehowa ƒe aƒe me.”

A Song of Ascents; of David. I rejoiced when they said unto me: 'Let us go unto the house of the LORD.'

2 O! Yerusalem, míaƒe afɔwo le wò agbowo nu.

Our feet are standing within thy gates, O Jerusalem;

3 Wotso Yerusalem, eye nèle abe du si tsyia ɖe wo nɔewo nu ene.

Jerusalem, that art builded as a city that is compact together;

4 Afi ma to vovovoawo yina, Yehowa ƒe toawo, be woakafu Yehowa, le ɖoɖo si wòna Israel nu.

Whither the tribes went up, even the tribes of the LORD, as a testimony unto Israel, to give thanks unto the name of the LORD.

5 Afi ma woɖo ʋɔnudrɔ̃zikpuiwo ɖo, David ƒe aƒe la ƒe fiazikpuiwo.

For there were set thrones for judgment, the thrones of the house of David.

6 Mido gbe ɖa, abia ŋutifafa na Yerusalem be, “Ame siwo lɔ̃ wò la nenɔ dedie.

Pray for the peace of Jerusalem; may they prosper that love thee.

7 Ŋutifafa nenɔ wò gliwo me kple dedinɔnɔ le wò fiasãwo me.”

Peace be within thy walls, and prosperity within thy palaces.

8 Le nɔvinye ŋutsuwo kple xɔ̃nyewo ta, magblɔ be, “Ŋutifafa nenɔ mewò.”

For my brethren and companions' sakes, I will now say: 'Peace be within thee.'

9 Le Yehowa, míaƒe Mawu la ƒe aƒe la ta, madi dzidzedze na wò.

For the sake of the house of the LORD our God I will seek thy good.