Psalmowo 114

1 Esi Israel do go tso Egipte, esi Yakob ƒe aƒe la do go tso gbe bubu gblɔlawo dome la,

בצאת ישראל ממצרים בית יעקב מעם לעז

2 Yuda zu Mawu ƒe kɔkɔeƒe, eye Israel zu eƒe fiaɖuƒe.

היתה יהודה לקדשו ישראל ממשלותיו

3 Atsiaƒu kpɔe, eye wòsi dzo, Yɔdan tɔsisi hã te yi megbe.

הים ראה וינס הירדן יסב לאחור

4 Towo ti kpo abe agbowo ene, eye togbɛwo abe alẽviwo ene.

ההרים רקדו כאילים גבעות כבני-צאן

5 O! Atsiaƒu, nu ka ta nèsi ɖo, O! Yɔdan tɔsisi, nu ka ta nète yi megbe ɖo?

מה-לך הים כי תנוס הירדן תסב לאחור

6 Mi towo, nu ka ta mieti kpo abe agbowo ene, eye mi togbɛwo abe alẽviwo ene ɖo?

ההרים תרקדו כאילים גבעות כבני-צאן

7 O! Anyigba, dzo nyanyanya le Aƒetɔ la ŋkume, le Yakob ƒe Mawu la ŋkume,

מלפני אדון חולי ארץ מלפני אלוה יעקב

8 eya ame si trɔ agakpe wòzu tɔʋu kple agakpe sesẽ wòzu tsidzɔƒe.

ההפכי הצור אגם-מים חלמיש למעינו-מים