Psalmowo 114

1 Esi Israel do go tso Egipte, esi Yakob ƒe aƒe la do go tso gbe bubu gblɔlawo dome la,

When Israel went forth out of Egypt, the house of Jacob from a people of strange language,

2 Yuda zu Mawu ƒe kɔkɔeƒe, eye Israel zu eƒe fiaɖuƒe.

Judah became his sanctuary, Israel his dominion.

3 Atsiaƒu kpɔe, eye wòsi dzo, Yɔdan tɔsisi hã te yi megbe.

The sea saw it, and fled. The Jordan was driven back.

4 Towo ti kpo abe agbowo ene, eye togbɛwo abe alẽviwo ene.

The mountains skipped like rams, the little hills like lambs.

5 O! Atsiaƒu, nu ka ta nèsi ɖo, O! Yɔdan tɔsisi, nu ka ta nète yi megbe ɖo?

What ails thee, O thou sea, that thou flee? Thou Jordan, that thou turn back?

6 Mi towo, nu ka ta mieti kpo abe agbowo ene, eye mi togbɛwo abe alẽviwo ene ɖo?

Ye mountains, that ye skip like rams, ye little hills, like lambs?

7 O! Anyigba, dzo nyanyanya le Aƒetɔ la ŋkume, le Yakob ƒe Mawu la ŋkume,

Tremble, thou earth, at the presence of the Lord, at the presence of the God of Jacob,

8 eya ame si trɔ agakpe wòzu tɔʋu kple agakpe sesẽ wòzu tsidzɔƒe.

who turned the rock into a pool of water, the flint into a fountain of waters.