Psalmowo 105
1 Mida akpe na Yehowa, miyɔ eƒe ŋkɔ, eye miɖe gbeƒã nu siwo wòwɔ la le dukɔwo dome.
| הודו ליהוה קראו בשמו הודיעו בעמים עלילותיו |
2 Midzi ha nɛ, midzi kafukafuha nɛ, miɖe gbeƒã eƒe nukunuwɔwɔwo.
| שירו-לו זמרו-לו שיחו בכל-נפלאותיו |
3 Miƒo adegbe le eƒe ŋkɔ kɔkɔe la ŋu, mina ame siwo dia Yehowa la ƒe dzi natso aseye.
| התהללו בשם קדשו ישמח לב מבקשי יהוה |
4 Midi Yehowa, mibia eƒe ŋusẽ, midi eƒe ŋkume ɖaa.
| דרשו יהוה ועזו בקשו פניו תמיד |
5 Miɖo ŋku nukunu siwo wòwɔ, eƒe dzesiwo kple eƒe ʋɔnudɔdrɔ̃wo dzi.
| זכרו--נפלאותיו אשר-עשה מפתיו ומשפטי-פיו |
6 O! Eƒe dɔla Abraham ƒe dzidzimeviwo. O! Yakob ƒe viwo, ame siwo wòtia.
| זרע אברהם עבדו בני יעקב בחיריו |
7 Eyae nye Yehowa, míaƒe Mawu la, eƒe ʋɔnudɔdrɔ̃ xɔ anyigba la katã dzi la me.
| הוא יהוה אלהינו בכל-הארץ משפטיו |
8 Eɖoa ŋku eƒe nubabla kple se siwo wòde na dzidzime akpewo la dzi ɖaa,
| זכר לעולם בריתו דבר צוה לאלף דור |
9 eyae nye nu si wòbla kple Abraham kple atam si wòka na Isak.
| אשר כרת את-אברהם ושבועתו לישחק |
10 Eɖo kpe edzi na Yakob abe sedede ene, eye na Israel abe nubabla mavɔ ene be,
| ויעמידה ליעקב לחק לישראל ברית עולם |
11 “Wòe matsɔ Kanaanyigba la na, abe wò domenyinu ene.”
| לאמר--לך אתן את-ארץ-כנען חבל נחלתכם |
12 Ke esi wonye ame ʋɛ aɖewo ko, womesɔ gbɔ o, eye wonye amedzrowo le anyigba dzi la,
| בהיותם מתי מספר כמעט וגרים בה |
13 wotsa tso dukɔ me yi dukɔ me, tso fiaɖuƒe ɖeka me yi bubu me.
| ויתהלכו מגוי אל-גוי מממלכה אל-עם אחר |
14 Meɖe mɔ be ame aɖeke nate wo ɖe anyi o, le wo ta, wòka mo na fiawo be,
| לא-הניח אדם לעשקם ויוכח עליהם מלכים |
15 “Migaka asi nye amesiaminawo ŋu o, eye migawɔ nu vevi nye nyagblɔɖilawo o.”
| אל-תגעו במשיחי ולנביאי אל-תרעו |
16 Ena dɔ to ɖe anyigba la dzi, eye wògblẽ woƒe nuɖuɖukpɔtsoƒewo katã,
| ויקרא רעב על-הארץ כל-מטה-לחם שבר |
17 ke edɔ ŋutsu aɖe si woyɔna be Yosef, ame si wodzra abe kluvi ene la ɖe wo ŋgɔ.
| שלח לפניהם איש לעבד נמכר יוסף |
18 Wode kunyowu afɔ nɛ, wode abi eŋu, eye wotsɔ gakɔsɔkɔsɔ de kɔ nɛ,
| ענו בכבל רגליו (רגלו) ברזל באה נפשו |
19 va se ɖe esime nya si wògblɔ ɖi la va eme, eye va se ɖe esime Yehowa ƒe nya naɖo kpe edzi, be nya si wògblɔ la nye nyateƒe.
| עד-עת בא-דברו-- אמרת יהוה צרפתהו |
20 Fia la dɔ ame woyi ɖaɖee le game, eye dukɔ la dziɖula na ablɔɖee.
| שלח מלך ויתירהו משל עמים ויפתחהו |
21 Etsɔe ɖo amegãe ɖe eƒe aƒe nu, eye wònye eƒe nunɔamesiwo katã dzikpɔla,
| שמו אדון לביתו ומשל בכל-קנינו |
22 be wòade dɔ asi na eƒe dɔnunɔlawo ale si dze eŋu, eye wòafia nunya eƒe dumegãwo.
| לאסר שריו בנפשו וזקניו יחכם |
23 Ale Israel ge ɖe Egiptenyigba dzi, eye Yakob nɔ Hamnyigba dzi abe amedzro ene.
| ויבא ישראל מצרים ויעקב גר בארץ-חם |
24 Yehowa na eƒe dukɔ la dzi ɖe edzi, eye wòna wosɔ gbɔ fũu akpa na woƒe futɔwo,
| ויפר את-עמו מאד ויעצמהו מצריו |
25 ame siwo ƒe dzi wòtrɔ be woalé fu eƒe dukɔ la, eye woaɖo nugbe ɖe eƒe dɔlawo ŋu.
| הפך לבם לשנא עמו להתנכל בעבדיו |
26 Edɔ Mose, eƒe dɔla kple Aron, eƒe ame tiatia ɖa.
| שלח משה עבדו אהרן אשר בחר-בו |
27 Wowɔ eƒe dzesi gãwo le wo dome kple eƒe nukunuwo le Hamnyigba dzi.
| שמו-בם דברי אתותיו ומפתים בארץ חם |
28 Eɖo viviti ɖa, eye anyigba la dzi do blukɔ elabena ɖe wometsi tsitre ɖe eƒe nyawo ŋu oa?
| שלח חשך ויחשך ולא-מרו את-דבריו (דברו) |
29 Ena woƒe tsiwo trɔ zu ʋu, eye to esia me woƒe tɔmelãwo ku.
| הפך את-מימיהם לדם וימת את-דגתם |
30 Ena woƒe anyigba la dzi yɔ fũu kple akpɔkplɔwo, esiwo ge ɖe woƒe dumegãwo ƒe xɔgãwo me ke.
| שרץ ארצם צפרדעים בחדרי מלכיהם |
31 Eƒo nu, eye tagbatsutsu kple togbato ƒe ha gã aɖe va xɔ woƒe dukɔ la katã me.
| אמר ויבא ערב כנים בכל-גבולם |
32 Etrɔ woƒe tsidzadza wòzu kpetsi, eye dzikedzo kpe ɖe eŋuti le woƒe anyigba blibo la dzi.
| נתן גשמיהם ברד אש להבות בארצם |
33 Eƒo woƒe wainkawo kple gbotiwo ƒu anyi, eye wòmu ati siwo le woƒe dukɔ me la ƒu anyi.
| ויך גפנם ותאנתם וישבר עץ גבולם |
34 Eƒo nu, eye ʋetsuviwo va ƒo ɖi, nenema kee nye abɔ gbogbo aɖewo hã;
| אמר ויבא ארבה וילק ואין מספר |
35 woɖu numiemie mumu ɖe sia ɖe le woƒe anyigba la dzi, eye woɖu nuku ɖe sia ɖe si le bo dzi hã.
| ויאכל כל-עשב בארצם ויאכל פרי אדמתם |
36 Emegbe la, eƒo ŋgɔgbevi siwo katã le woƒe anyigba dzi la ƒu anyi, esiwo nye woƒe ŋutsunyenye ƒe kutsetse gbãtɔwo.
| ויך כל-בכור בארצם ראשית לכל-אונם |
37 Ke ekplɔ Israel do goe, wodo agba kple klosalo kple sika, eye ame beli aɖeke menɔ woƒe toawo dome o.
| ויוציאם בכסף וזהב ואין בשבטיו כושל |
38 Egipte kpɔ dzidzɔ esi wodo go dzo, elabena Israel ƒe ŋɔdzi lé wo.
| שמח מצרים בצאתם כי-נפל פחדם עליהם |
39 Ekeke lilikpo ɖe wo dzi abe avɔ ene, eye wòna dzo wo be wòanye akaɖi na wo le zã me.
| פרש ענן למסך ואש להאיר לילה |
40 Wobiae, eye wòna tegliwo woɖu, eye wòtsɔ dziƒobolo ɖi ƒo na woe.
| שאל ויבא שלו ולחם שמים ישביעם |
41 Eʋu agakpe la, tsi do na wo bababa, eye wòsi to gbegbe la abe tɔsisi ene.
| פתח צור ויזובו מים הלכו בציות נהר |
42 Elabena eɖo ŋku eƒe ŋugbe kɔkɔe si wòdo na eƒe dɔla Abraham la dzi.
| כי-זכר את-דבר קדשו את-אברהם עבדו |
43 Ekplɔ eƒe dukɔ la do goe kple aseyetsotso, eƒe ame tiatiawo kple dzidzɔɣli.
| ויוצא עמו בששון ברנה את-בחיריו |
44 Etsɔ dukɔwo ƒe anyigbawo na wo, eye nu si ame bubuwo ku kutri kpɔ la va zu domenyinu na wo.
| ויתן להם ארצות גוים ועמל לאמים יירשו |
45 Ale be woalé eƒe ɖoɖowo me ɖe asi, eye woawɔ eƒe sewo dzi. Mikafu Yehowa.
| בעבור ישמרו חקיו-- ותורתיו ינצרו הללו-יה |
