Lododowo 28
1 Ame vɔ̃ɖi la léa du tsɔna, evɔ ame aɖeke menyae ɖe du nu o, ke dzi le ame dzɔdzɔe ƒo abe dzata ene.
| נסו ואין-רדף רשע וצדיקים ככפיר יבטח |
2 Dziɖulawo sɔ gbɔ ɖe dukɔ si me aglãdzedze le, ke ŋutsu si si gɔmesese kple sidzedze le la hea ɖoɖodziwɔwɔ vɛ.
| בפשע ארץ רבים שריה ובאדם מבין ידע כן יאריך |
3 Dziɖula si tea hiãtɔwo ɖe anyi la le abe tsidzadza si ɖe anyigba eye megblẽ nuɖuɖu aɖeke ɖi o la ene.
| גבר-רש ועשק דלים-- מטר סחף ואין לחם |
4 Ame siwo gbe nu le sea gbɔ la kafua ame vɔ̃ɖiwo ke sedziwɔlawo tsia tsitre ɖe wo ŋu.
| עזבי תורה יהללו רשע ושמרי תורה יתגרו בם |
5 Ame vɔ̃ɖiwo mesea afiatsotso nyui gɔme o gake ame siwo dia Yehowa ya sea egɔme nyuie.
| אנשי-רע לא-יבינו משפט ומבקשי יהוה יבינו כל |
6 Enyo be nànye hiãtɔ si ƒe zɔzɔme ŋu fɔɖiɖi mele o, wu nànye kesinɔtɔ si ƒe mɔwo to vo.
| טוב-רש הולך בתמו-- מעקש דרכים והוא עשיר |
7 Ame si léa sea me ɖe asi la nye vi nyanu gake ame si dea ha kple nutsuɖulawo la doa ŋukpe fofoa.
| נוצר תורה בן מבין ורעה זוללים יכלים אביו |
8 Ame si dzi eƒe kesinɔnuwo ɖe edzi to demegaxɔxɔ me la, le kɔ lim nuwo na ame bubu si anyo dɔ me na ame dahewo.
| מרבה הונו בנשך ובתרבית (ותרבית)-- לחונן דלים יקבצנו |
9 Ne ame aɖe doa toku sea la, eƒe gbedodoɖawo gɔ̃ hã zua ŋunyɔnu.
| מסיר אזנו משמע תורה-- גם תפלתו תועבה |
10 Ame si kplɔ nu dzɔdzɔe wɔla to mɔ vɔ̃ dzi la, age ɖe eya ŋutɔ ƒe mɔ me. Ke ame siwo ŋu fɔɖiɖi mele o la, axɔ domenyinu nyui.
| משגה ישרים בדרך רע--בשחותו הוא-יפול ותמימים ינחלו-טוב |
11 Kesinɔtɔ nye nunyala le eya ŋutɔ gbɔ gake hiãtɔ si si sidzedze le la kpɔa egɔme.
| חכם בעיניו איש עשיר ודל מבין יחקרנו |
12 Ne ame dzɔdzɔe ɖu dzi la, dzidzɔkpɔkpɔ teƒe mekɔna o, ke ne ame vɔ̃ɖi zu fia la, amewo sina bena.
| בעלץ צדיקים רבה תפארת ובקום רשעים יחפש אדם |
13 Nu medzea edzi na ame si ɣla eƒe nu vɔ̃ o, ke wokpɔa nublanui na ame si ʋu eƒe nu vɔ̃wo me eye wògbe nu le wo gbɔ.
| מכסה פשעיו לא יצליח ומודה ועזב ירחם |
14 Woayra ŋutsu si vɔ̃a Yehowa ɣe sia ɣi, ke ame si sẽa eƒe dzi me la gena ɖe xaxa me.
| אשרי אדם מפחד תמיד ומקשה לבו יפול ברעה |
15 Ŋutasẽla si le ame dahewo dzi ɖum la le abe dzata si le gbe tem alo sisiblisi si le ade tam ene.
| ארי-נהם ודב שוקק-- מושל רשע על עם-דל |
16 Dziɖula tamesesẽtɔ menyaa nu o, ke ame si lé fu kesinɔnu ƒoɖi la anɔ agbe didi, ase vivi.
| נגיד--חסר תבונות ורב מעשקות שנאי (שנא) בצע יאריך ימים |
17 Hlɔ̃dola si hlɔ̃dodo la zu agba na la anye tsatsala va se ɖe eƒe kugbe; ame aɖeke megakpe ɖe eŋu o.
| אדם עשק בדם-נפש-- עד-בור ינוס אל-יתמכו-בו |
18 Ame si fɔɖiɖi mele eƒe zɔzɔme ŋu o la anɔ dedie, ke ame si ƒe mɔwo to vo la adze anyi kpata.
| הולך תמים יושע ונעקש דרכים יפול באחת |
19 Ame si ŋlɔ eƒe agble la akpɔ nuɖuɖu geɖe, ke ame si ƒe susu le nu manyatalenuwo yome la, ahedada axɔ aƒe nɛ.
| עבד אדמתו ישבע-לחם ומרדף ריקים ישבע-ריש |
20 Woayra ŋutsu nuteƒewɔla fũu, ke womagbe tohehe na ame si tsi dzi ɖe kesinɔnuwo kpɔkpɔ ŋuti o.
| איש אמונות רב-ברכות ואץ להעשיר לא ינקה |
21 Amedzidede menyo o gake ame ayi aɖawɔ vɔ̃ ɖe abolo kakɛ ta.
| הכר-פנים לא-טוב ועל-פת-לחם יפשע-גבר |
22 Ŋutsu nuvela tsi dzi ɖe hotsuikpɔkpɔ ŋu, evɔ mehenya be ahedada le ye lalam o.
| נבהל להון--איש רע עין ולא-ידע כי-חסר יבאנו |
23 Ame si ka mo na ŋutsu la, axɔ amenuveve ɖe amenuveve dzi wu ame si alakpaɖe le nume na.
| מוכיח אדם אחרי חן ימצא-- ממחליק לשון |
24 Ame si da adzo fofoa alo dadaa hegblɔ be, “Medze vɔ̃ o” la, nye kpeɖeŋutɔ na nugblẽla.
| גוזל אביו ואמו--ואמר אין-פשע חבר הוא לאיש משחית |
25 Ŋutsu ŋubiala hea mama vɛ ke ame si ɖoa dzi ɖe Yehowa ŋu la, nu adze edzi nɛ.
| רחב-נפש יגרה מדון ובטח על-יהוה ידשן |
26 Ame si ɖoa dzi ɖe eɖokui ŋu la, bometsilae, ke ame si zɔna le nunya me la anɔ dedie.
| בוטח בלבו הוא כסיל והולך בחכמה הוא ימלט |
27 Ame si naa nu hiãtɔ la, naneke mahiãe o, ke ame si miaa ŋku ɖe woƒe hiahiãwo dzi la, axɔ fiƒode geɖe.
| נותן לרש אין מחסור ומעלים עיניו רב-מארות |
28 Ne tamesesẽtɔ zu dziɖula la, amewo sina bena, ke ne ame vɔ̃ɖiwo tsrɔ̃ la, ame dzɔdzɔewo tsina.
| בקום רשעים יסתר אדם ובאבדם ירבו צדיקים |
