Lododowo 19
1 Anyo be nànye ame dahe si ƒe zɔzɔme ŋu fɔɖiɖi mele o, wu bometsila si ƒe nuyiwo gblɔa nya tovo.
| טוב רש הולך בתמו מעקש שפתיו והוא כסיל׃ |
2 Menyo be dzo nanɔ mewò ɖe nuwo wɔwɔ ŋu gɔmesesemanɔmee alo atsi dzi ahabu mɔ o.
| גם בלא דעת נפש לא טוב ואץ ברגלים חוטא׃ |
3 Ame ŋutɔ ƒe bometsitsie gblẽa eƒe agbe dome, evɔ eƒe dzi bina ɖe Yehowa ŋu.
| אולת אדם תסלף דרכו ועל יהוה יזעף לבו׃ |
4 Kesinɔnunɔamesi dzea xɔlɔ̃ geɖe na ame, gake ame dahe ƒe xɔlɔ̃wo kakana le eŋu.
| הון יסיף רעים רבים ודל מרעהו יפרד׃ |
5 Womagbe tohehe na aʋatsoɖasefo o eye ame si trɔa alakpa kɔna ɖi bababa la, madzo le ablɔɖe me o.
| עד שקרים לא ינקה ויפיח כזבים לא ימלט׃ |
6 Ame geɖewo wɔa nu be woadze fia ŋu, eye ame si naa nu ame faa la, ame sia ame dzea xɔ̃e.
| רבים יחלו פני נדיב וכל הרע לאיש מתן׃ |
7 Ame dahe ƒe ƒometɔwo katã ɖea kɔ ɖa le eŋu, aleke exɔlɔ̃wo magbee geɖe wu o! Togbɔ be etia wo yome nɔa kuku ɖem na wo hã la, womedea nu eme nɛ o.
| כל אחי רש שנאהו אף כי מרעהו רחקו ממנו מרדף אמרים לא המה׃ |
8 Ame si, si nunya su la lɔ̃a eya ŋutɔ ƒe luʋɔ eye ame si melɔ̃a nu le gɔmesese gbɔ o la, nu dzea edzi nɛ.
| קנה לב אהב נפשו שמר תבונה למצא טוב׃ |
9 Womagbe tohehe na aʋatsoɖasefo o eye ame si trɔa alakpa kɔna ɖi bababa la atsrɔ̃.
| עד שקרים לא ינקה ויפיח כזבים יאבד׃ |
10 Agbe vivi nɔnɔ medze bometsila ʋuu keke wòahanye be kluvi ɖu aƒetɔ ɖe dumegãwo dzi o.
| לא נאוה לכסיל תענוג אף כי לעבד משל בשרים׃ |
11 Ame ƒe nunya nana wògbɔa dzi ɖi eye ŋutikɔkɔe wònye nɛ ne eŋe aɖaba ƒu dzidada dzi.
| שכל אדם האריך אפו ותפארתו עבר על פשע׃ |
12 Fia ƒe dziku le abe dzata ƒe gbetete ene, ke eƒe amenuveve le abe zãmu le gbedzi ene.
| נהם ככפיר זעף מלך וכטל על עשב רצונו׃ |
13 Viŋutsu tsibome nye fofoa ƒe gbegblẽ eye srɔ̃nyɔnu dzrewɔla le abe tsitrɔnu si le ɖuɖum ɖaa ene.
| הות לאביו בן כסיל ודלף טרד מדיני אשה׃ |
14 Aƒewo kple kesinɔnuwo nye domenyinu tso dzilawo gbɔ, ke srɔ̃nyɔnu nyanu ya, Yehowa gbɔe wòtsona.
| בית והון נחלת אבות ומיהוה אשה משכלת׃ |
15 Kuvia nana ame dɔa alɔ̃ yia eme ʋĩi eye dɔ wua ƒomewɔla.
| עצלה תפיל תרדמה ונפש רמיה תרעב׃ |
16 Ame si wɔna ɖe sedede dzi la dzɔa eƒe agbe ŋu, ke ame si metsɔ ɖeke le eƒe mɔwo ŋu o la aku.
| שמר מצוה שמר נפשו בוזה דרכיו יומת׃ |
17 Ame si nyo dɔ me na hiãtɔ la, do nugbana na Yehowa, aɖo nu si wòwɔ la teƒe nɛ.
| מלוה יהוה חונן דל וגמלו ישלם לו׃ |
18 He to na viwò ŋutsuvi elabena eya mee mɔkpɔkpɔ le; ke mègakpe ɖe ame siwo le eƒe ku dim la ŋuti o.
| יסר בנך כי יש תקוה ואל המיתו אל תשא נפשך׃ |
19 Ame si dzi kuna helĩhelĩ la, axe eŋutife; ne èɖee le eme la, agawɔe ake.
| גרל חמה נשא ענש כי אם תציל ועוד תוסף׃ |
20 Ɖo to aɖaŋuɖoɖo, nàxɔ amehehe eye le nuwuwua la, àdze nunya.
| שמע עצה וקבל מוסר למען תחכם באחריתך׃ |
21 Nu geɖewo ame ɖo ɖe eƒe dzi me, gake Yehowa ƒe ɖoɖo koe vaa eme.
| רבות מחשבות בלב איש ועצת יהוה היא תקום׃ |
22 Nu si ame dina lae nye lɔlɔ̃ si meʋãna o; enyo be nànye ame dahe wu alakpatɔ.
| תאות אדם חסדו וטוב רש מאיש כזב׃ |
23 Yehowavɔvɔ̃ kplɔa ame yia agbe gbɔe. Ekema ànɔ anyi aɖe dzi ɖi eye kuxi aɖeke maƒo go wò o.
| יראת יהוה לחיים ושבע ילין בל יפקד רע׃ |
24 Ne kuviatɔ de asi nuɖugba me la, maɖee ɖa atsɔ yi nu gbɔe teti gɔ̃ hã o!
| טמן עצל ידו בצלחת גם אל פיהו לא ישיבנה׃ |
25 Ƒo fewuɖula kple ati, ekema gegemewo adze nunya; ka mo na ame si si sidzedze le, ekema gɔmesese asu esi.
| לץ תכה ופתי יערם והוכיח לנבון יבין דעת׃ |
26 Ame si daa adzo fofoa, nyaa dada doa goe lae nye viŋutsu si hea ŋukpe kple vlododo vɛ.
| משדד אב יבריח אם בן מביש ומחפיר׃ |
27 Vinye, ne èdzudzɔ amehenyawo sese la, ekema àtra tso gɔmesese ƒe nyawo gbɔ.
| חדל בני לשמע מוסר לשגות מאמרי דעת׃ |
28 Aʋatsoɖasefo ɖua fewu le afia nyui tsotso ŋu eye ame vɔ̃ɖi ƒe nu miaa nu vɔ̃ɖi.
| עד בליעל יליץ משפט ופי רשעים יבלע און׃ |
29 Woɖo tohehe ɖi na fewuɖulawo eye woɖo ƒoƒo ɖi na bometsilawo ƒe dzime.
| נכונו ללצים שפטים ומהלמות לגו כסילים׃ |
