Lododowo 13
1 Vi nyanu ɖoa to fofoa ƒe amehehe, ke fewuɖula metsɔa ɖeke le mokaname me o.
| בן חכם מוסר אב ולץ לא שמע גערה׃ |
2 Ame ƒe nu ƒe kutsetsee wòtsɔna ɖua nu nyuiwoe, ke nuteƒemawɔlawo ƒe dzi tsi dzi ɖe nu vlo wɔwɔ ŋuti.
| מפרי פי איש יאכל טוב ונפש בגדים חמס׃ |
3 Ame si dzɔa eƒe nuyiwo ŋuti la dzɔa eƒe agbe ŋuti, ke ame si kea nu kabakaba la atsrɔ̃.
| נצר פיו שמר נפשו פשק שפתיו מחתה לו׃ |
4 Nu dzroa kuviatɔ vevie gake mekpɔa naneke o, ke vevidonula ƒe didiwo vaa eme nɛ.
| מתאוה ואין נפשו עצל ונפש חרצים תדשן׃ |
5 Ame dzɔdzɔe léa fu alakpanya, ke ame vɔ̃ɖiwo ya hea ŋukpe kple vlododo vɛ.
| דבר שקר ישנא צדיק ורשע יבאיש ויחפיר׃ |
6 Dzɔdzɔenyenye dzɔa ŋutsu fɔmaɖila ƒe agbe ŋuti, ke vɔ̃ɖivɔ̃ɖi léa nu vɔ̃ wɔla ƒua anyi.
| צדקה תצר תם דרך ורשעה תסלף חטאת׃ |
7 Ame aɖe wɔna abe kesinɔtɔe wònye ene, evɔ naneke mele esi o, ame bubu wɔa eɖokui ame dahee, evɔ kesinɔnu geɖe le esi.
| יש מתעשר ואין כל מתרושש והון רב׃ |
8 Ame ƒe kesinɔnuwo ate ŋu aƒle eƒe agbe ta gake ame dahe mesea ŋɔdzidoname aɖeke o.
| כפר נפש איש עשרו ורש לא שמע גערה׃ |
9 Ame dzɔdzɔe ƒe kekeli klẽna nyuie, ke wotsia ame vɔ̃ɖi ƒe akaɖi.
| אור צדיקים ישמח ונר רשעים ידעך׃ |
10 Dzre sɔŋ ko dada hena vɛ, ke nunya tsoa aƒe ɖe ame siwo sea aɖaŋu la gbɔ.
| רק בזדון יתן מצה ואת נועצים חכמה׃ |
11 Ga si wokpɔ to mɔ fitifiti dzi la nu va yina, ke ame si dia ga vivivi la wɔnɛ be wòdzina ɖe edzi.
| הון מהבל ימעט וקבץ על יד ירבה׃ |
12 Mɔkpɔkpɔ si woɖe ɖa la nana dzi léa dɔ, ke didi si va eme la nye agbeti.
| תוחלת ממשכה מחלה לב ועץ חיים תאוה באה׃ |
13 Ame si doa vlo amehehe la xɔa eŋufetu, ke ame si ɖoa to sedede la xɔa eteƒeɖoɖo.
| בז לדבר יחבל לו וירא מצוה הוא ישלם׃ |
14 Nunyala ƒe nufiafia nye agbevudo, eye wòɖea ame tso ku ƒe mɔkawo me.
| תורת חכם מקור חיים לסור ממקשי מות׃ |
15 Gɔmesese nyui hea amenuveve vanɛ, ke nuteƒemawɔlawo ƒe mɔ dzi sesẽna.
| שכל טוב יתן חן ודרך בגדים איתן׃ |
16 Nunyala ɖe sia ɖe wɔa nu kple gɔmesese, ke bometsila ɖea eƒe bometsitsi fiana.
| כל ערום יעשה בדעת וכסיל יפרש אולת׃ |
17 Dɔtsɔla vɔ̃ɖi gena ɖe dzɔgbevɔ̃e me, ke dɔtsɔla si wɔa nuteƒe la hea dɔyɔyɔ vanɛ.
| מלאך רשע יפל ברע וציר אמונים מרפא׃ |
18 Ame si do toku amehehe la, ahedada kple ŋukpe vaa edzi, ke wodea bubu ame si lɔ̃a mokaname ŋuti.
| ריש וקלון פורע מוסר ושומר תוכחת יכבד׃ |
19 Didi si vaa eme la vivina na luʋɔ, ke vɔ̃tsitsri nye ŋunyɔ na bometsilawo.
| תאוה נהיה תערב לנפש ותועבת כסילים סור מרע׃ |
20 Ame si zɔna kple nunyala la, dzea nunya, ke ame si dzea xɔ̃ bometsilawo la gena ɖe fuwɔame me.
| הלוך את חכמים וחכם ורעה כסילים ירוע׃ |
21 Dzɔgbevɔ̃e tia vɔ̃wɔla yome gake dzɔgbenyui nye ame dzɔdzɔe ƒe fetu.
| חטאים תרדף רעה ואת צדיקים ישלם טוב׃ |
22 Ame nyui gblẽa domenyinu ɖi na via ƒe viwo, ke woɖoa ame vɔ̃ɖi ƒe kesinɔnuwo ɖi na ame dzɔdzɔewo.
| טוב ינחיל בני בנים וצפון לצדיק חיל חוטא׃ |
23 Ame dahe ƒe agble wɔa nuku geɖe, ke amebaba kplɔnɛ dzonae.
| רב אכל ניר ראשים ויש נספה בלא משפט׃ |
24 Ame si vea nu le ameƒoti gbɔ la léa fu via, ke ame si lɔ̃a via la kpɔa egbɔ be yehee nyuie.
| חושך שבטו שונא בנו ואהבו שחרו מוסר׃ |
25 Ame dzɔdzɔe ɖua nu ɖia ƒo, ke dɔ wua ame vɔ̃ɖi ya.
| צדיק אכל לשבע נפשו ובטן רשעים תחסר׃ |
