Lododowo 10
1 Solomo ƒe lododowo: Ɖevi si nya nu la nana fofoa kpɔa dzidzɔ, ke ɖevi si tsi bome la hea nuxaxa vɛ na dadaa.
| משלי שלמה בן חכם ישמח-אב ובן כסיל תוגת אמו |
2 Kesinɔnu si wokpɔ to mɔ fitifitiwo dzi la menye viɖe aɖeke o, gake dzɔdzɔnyenye ɖea ame tso ku me.
| לא-יועילו אוצרות רשע וצדקה תציל ממות |
3 Yehowa menaa dɔ wua ame dzɔdzɔewo o, ke egblẽa ame vɔ̃ɖiwo ƒe didiwo me.
| לא-ירעיב יהוה נפש צדיק והות רשעים יהדף |
4 Asi si wɔa kuvia la nana ame ɖoa ko gake asi si doa vevi nu la hea kesinɔnu vɛ.
| ראש--עשה כף-רמיה ויד חרוצים תעשיר |
5 Ame si ƒoa nukuwo nu ƒu le dzomeŋɔli la nye vi nyanu, ke ame si dɔa alɔ̃ le nuŋeɣi la, vi ŋukpenuwɔlae.
| אגר בקיץ בן משכיל נרדם בקציר בן מביש |
6 Yayra anye fiakuku anɔ ame dzɔdzɔe ƒe ta ke ŋutasesẽ yɔa ame vɔ̃ ƒe nu me.
| ברכות לראש צדיק ופי רשעים יכסה חמס |
7 Ŋkuɖoɖo ame dzɔdzɔe dzi anye yayra, ke ame vɔ̃ɖiwo ƒe ŋkɔ aƒaƒã.
| זכר צדיק לברכה ושם רשעים ירקב |
8 Ame si nunya le dzi me na la xɔa sededewo, ke bometsila, nukpoloeƒola, atsrɔ̃.
| חכם-לב יקח מצות ואויל שפתים ילבט |
9 Ame si ŋu fɔɖiɖi mele o la zɔna le dedinɔnɔ me, ke asi atu ame si toa mɔ gɔglɔ̃wo dzi.
| הולך בתם ילך בטח ומעקש דרכיו יודע |
10 Ame si tea ŋku ɖe ame kple dziku la hea nuxaxa vɛ, eye bometsila, nukpoloeƒola, atsrɔ̃.
| קרץ עין יתן עצבת ואויל שפתים ילבט |
11 Ame dzɔdzɔe ƒe nu nye agbevudo, ke ŋutasesẽ yɔa ame vɔ̃ɖi ƒe nu me.
| מקור חיים פי צדיק ופי רשעים יכסה חמס |
12 Fuléle hea mama vɛ, gake lɔlɔ̃ tsyɔa dzidadawo katã dzi.
| שנאה תערר מדנים ועל כל-פשעים תכסה אהבה |
13 Nunya le nugɔmeselawo ƒe nuyi dzi, ke ameƒoti adze dzime na numanyalawo.
| בשפתי נבון תמצא חכמה ושבט לגו חסר-לב |
14 Nunyalawo dzraa gɔmesese ɖo, ke bometsila ƒe nu hea gbegblẽ vɛ.
| חכמים יצפנו-דעת ופי-אויל מחתה קרבה |
15 Kesinɔtɔwo ƒe kesinɔnuwo nye du si ŋu wotɔ glikpɔ sesẽ ɖo, ke hiãtɔwo ƒe ahedada nye woƒe gbegblẽ.
| הון עשיר קרית עזו מחתת דלים רישם |
16 Ame dzɔdzɔe ƒe dɔwɔfetu hea agbe vɛ nɛ, gake ame vɔ̃ɖi ƒe viɖe hea tohehe vɛ nɛ.
| פעלת צדיק לחיים תבואת רשע לחטאת |
17 Ame si ɖo to amehehe la le agbemɔ fiam gake ame si gbea ɖɔɖɔɖo la kplɔa ame bubuwo tranae.
| ארח לחיים שומר מוסר ועזב תוכחת מתעה |
18 Ame si ɣla fuléle ɖe eƒe dzi me la, alakpanuyi le esi eye ame si nɔa ame ŋu gblẽm la, bometsilae.
| מכסה שנאה שפתי-שקר ומוצא דבה הוא כסיל |
19 Afi si nya geɖe le la, nu vɔ̃ megbea afi ma nɔnɔ o, ke ame si lé eƒe aɖe la, nunyalae.
| ברב דברים לא יחדל-פשע וחושך שפתיו משכיל |
20 Ame dzɔdzɔe ƒe aɖe le abe klosalo nyuitɔ ene, ke viɖe mele ame vɔ̃ɖi ƒe dzi ŋu o.
| כסף נבחר לשון צדיק לב רשעים כמעט |
21 Ame dzɔdzɔe ƒe nuyi hea nunyiame vɛ na ame geɖewo, gake bometsilawo kuna le simadzemadze ta.
| שפתי צדיק ירעו רבים ואוילים בחסר-לב ימותו |
22 Yehowa ƒe yayra hea kesinɔnu vɛ, eye metsɔa fukpekpe aɖeke kpena ɖe eŋu o.
| ברכת יהוה היא תעשיר ולא-יוסף עצב עמה |
23 Bometsila kpɔa dzidzɔ le nu tovo wɔwɔ ŋu, ke ame si sea nu gɔme la, nunyae nye eƒe dzidzɔ.
| כשחוק לכסיל עשות זמה וחכמה לאיש תבונה |
24 Nu si vɔ̃m ame vɔ̃ɖi le lae ava tui, ke nu si dim dzɔdzɔetɔ le la, eyae woanae.
| מגורת רשע היא תבואנו ותאות צדיקים יתן |
25 Ne ahomya ƒo va yi la, ame vɔ̃ɖi la maganɔ anyi o, ke ame dzɔdzɔe ya anɔ te sesĩe ɖaa.
| כעבור סופה ואין רשע וצדיק יסוד עולם |
26 Abe ale si aha tsitsi nɔna na aɖu eye dzudzɔ nɔna na ŋku ene la, nenema kuviatɔ le na ame siwo dɔ dɔe.
| כחמץ לשנים--וכעשן לעינים כן העצל לשלחיו |
27 Yehowavɔvɔ̃ nana agbe didina. Ke ame vɔ̃ɖi ƒe agbenɔƒewo le kpuie.
| יראת יהוה תוסיף ימים ושנות רשעים תקצרנה |
28 Ame dzɔdzɔe ƒe viɖee nye dzidzɔ gake ame vɔ̃ɖiwo ƒe mɔkpɔkpɔ zua dzodzro.
| תוחלת צדיקים שמחה ותקות רשעים תאבד |
29 Yehowa ƒe mɔ nye sitsoƒe na ame dzɔdzɔe, ke enye gbegblẽ na nu tovo wɔlawo.
| מעוז לתם דרך יהוה ומחתה לפעלי און |
30 Womaho ame dzɔdzɔe la akpɔ gbeɖe o gake ame vɔ̃ɖi ya manɔ anyigba la dzi o.
| צדיק לעולם בל-ימוט ורשעים לא ישכנו-ארץ |
31 Nunya dona tso dzɔdzɔetɔ la ƒe nu me, gake woalã alakpaɖe la ɖa.
| פי-צדיק ינוב חכמה ולשון תהפכות תכרת |
32 Ame dzɔdzɔe ƒe nuyiwo nya nya dzeto gbɔgblɔ, gake ame vɔ̃ɖi ƒe nu gblɔa nya tovowo.
| שפתי צדיק ידעון רצון ופי רשעים תהפכות |
