Hiob 6
1 Tete Hiob ɖo eŋu nɛ be,
| ויען איוב ויאמר׃ |
2 “Ne ɖe woada nye vevesese eye woada nye fukpekpewo ɖe nudanu me ɖe!
| לו שקול ישקל כעשי והיתי במאזנים ישאו יחד׃ |
3 Vavã woakpe wu ke si katã le ƒuta, eya ta mewɔ nuku be nye nyawo mele ame ŋu dzem o.
| כי עתה מחול ימים יכבד על כן דברי לעו׃ |
4 Ŋusẽkatãtɔ la ƒe aŋutrɔwo le nye lãme, nye gbɔgbɔ le aɖi si le dodom le wo me la nom. Woƒo Mawu ƒe ŋɔdzidodowo nu ƒu ɖe ŋunye.
| כי חצי שדי עמדי אשר חמתם שתה רוחי בעותי אלוה יערכוני׃ |
5 Ɖe gbetedzi xlɔ̃na ne ele gbe mumu gbɔ alo nyi xlɔ̃na ne wotsɔ gbe ƒuƒu nɛ be wòaɖua?
| הינהק פרא עלי דשא אם יגעה שור על בלילו׃ |
6 Ɖe woaɖu nu vɔvɔ dzemademee alo ɖe koklozi ƒe ɣia vivinaa?
| היאכל תפל מבלי מלח אם יש טעם בריר חלמות׃ |
7 Megbe be nyemaɖui o, nuɖuɖu mawo tɔgbi ɖe wònana medzea dɔ.
| מאנה לנגוע נפשי המה כדוי לחמי׃ |
8 “O, ne ɖe woana nu si mebia lam, ne Mawu ɖe wòana nu si mele mɔ kpɔm na lam,
| מי יתן תבוא שאלתי ותקותי יתן אלוה׃ |
9 ne Mawu ɖe wòalɔ̃ agbãm gudugudu eye wòaɖe ka eƒe asi ɖe dzinye, ahawum ɖe!
| ויאל אלוה וידכאני יתר ידו ויבצעני׃ |
10 Ekema esia aganye akɔfafa nam ko kple nye dzidzɔ le vevesese si nu mele tsotsom o la me be, nyemagbe nu le Kɔkɔetɔ la ƒe nyawo gbɔ o.
| ותהי עוד נחמתי ואסלדה בחילה לא יחמול כי לא כחדתי אמרי קדוש׃ |
11 “Ŋusẽ kae gale asinye be maganɔ mɔ kpɔm? Mɔnukpɔkpɔ kawoe gali ta magbɔ dzi ɖi?
| מה כחי כי איחל ומה קצי כי אאריך נפשי׃ |
12 Kpe ƒe ŋusẽe le asinyea? Akɔblie nye nye ŋutilãa?
| אם כח אבנים כחי אם בשרי נחוש׃ |
13 Ɖe ŋusẽ aɖe le asinye be makpe ɖe ɖokuinye ŋu, esi azɔ la wonya dzidzedzekpɔkpɔ ɖa le ŋunyea?
| האם אין עזרתי בי ותשיה נדחה ממני׃ |
14 “Ele na xɔlɔ̃wo be woakpe ɖe ame si ƒo dzi ɖe le la ŋu togbɔ be egbe nu le Ŋusẽkatãtɔ vɔvɔ̃ gbɔ hã.
| למס מרעהו חסד ויראת שדי יעזוב׃ |
15 Ke womate ŋu aɖo dzi ɖe nɔvinye ŋutsuwo ŋu o elabena wole abe tɔʋu si miena le kuɖiɣi ene alo abe tɔʋu si ɖɔna gbagbana,
| אחי בגדו כמו נחל כאפיק נחלים יעברו׃ |
16 ne tsikpe si le ete doe ɖe dzi, ne sno si dza ɖe edzi la lolo hena wòsɔ gbɔ ɖe edzi
| הקדרים מני קרח עלימו יתעלם שלג׃ |
17 gake eƒe sisi nu tsona ne kuɖiɣi ɖo eye dzoxɔxɔ nana wòmiena la ene.
| בעת יזרבו נצמתו בחמו נדעכו ממקומם׃ |
18 Asihawo ɖea asi le woƒe mɔwo ŋu hedzea gbe toa tagba eye wokuna ɖe mɔ dzi.
| ילפתו ארחות דרכם יעלו בתהו ויאבדו׃ |
19 Asiha siwo tso Tema la le tsi dim, asigbedela siwo tso Seba la le mɔ kpɔm.
| הביטו ארחות תמא הליכת שבא קוו למו׃ |
20 Ke woƒe dzi tsi dzi elabena kakaɖedzi nɔ wo si hafi gake esi wova ɖo afi ma la, ŋukpe ko woɖu.
| בשו כי בטח באו עדיה ויחפרו׃ |
21 Azɔ miawo hã mieɖee fia be, mienye ŋudɔwɔnu aɖeke o, miekpɔ nu si ŋu ŋɔdzi le eye mievɔ̃.
| כי עתה הייתם לא תראו חתת ותיראו׃ |
22 Ɖe megblɔ kpɔ be, ‘Mina nane ɖe nunye, mixe fe ɖe tanye tso miaƒe kesinɔnuwo me,
| הכי אמרתי הבו לי ומכחכם שחדו בעדי׃ |
23 miɖem le ketɔ la ƒe asi me alo mixɔm le ŋutasẽla ƒe fegomea?’
| ומלטוני מיד צר ומיד עריצים תפדוני׃ |
24 “Mifia num eye mazi ɖoɖoe; mifia afi si meda ƒu le lam.
| הורוני ואני אחריש ומה שגיתי הבינו לי׃ |
25 Aleke nyateƒenyawo mehe venae o! Ke nu ka miaƒe nyahehewo ɖe fia?
| מה נמרצו אמרי ישר ומה יוכיח הוכח מכם׃ |
26 Ɖe miedi be yewoaɖɔ nya si megblɔ la ɖo eye miawɔ ame si ƒo dzi ɖe le la ƒe nyawo abe yaƒoƒo enea?
| הלהוכח מלים תחשבו ולרוח אמרי נאש׃ |
27 Miadzidze nu gɔ̃ hã ɖe tsyɔ̃eviwo dzi eye miatsɔ mia xɔlɔ̃wo gɔ̃ hã aɖɔli nue.
| אף על יתום תפילו ותכרו על ריעכם׃ |
28 “Azɔ la, minyo dɔ me miatrɔ mo ɖe gbɔnye, ɖe mate ŋu ada alakpa le mia ŋkumea?
| ועתה הואילו פנו בי ועל פניכם אם אכזב׃ |
29 Miɖe asi, migawɔ nu madzɔmadzɔ o migbugbɔ bu eŋuti elabena nye nuteƒewɔwɔ ɖo xaxa me.
| שבו נא אל תהי עולה ושבי עוד צדקי בה׃ |
30 Ɖe vɔ̃ɖivɔ̃ɖi aɖe le nye nuyiwo dzia? Ɖe nye nu made dzesi beble oa?”
| היש בלשוני עולה אם חכי לא יבין הוות׃ |
