Hiob 41
1 “Àte ŋu atsɔ ƒu aɖe lo le tɔ me alo atsɔ ka abla eƒe aɖe ɖe nu me nɛa?
| תמשך לויתן בחכה ובחבל תשקיע לשנו |
2 Àte ŋu ade ka ŋɔti me nɛ alo atsɔ ƒu aŋɔ eƒe glã?
| התשים אגמן באפו ובחוח תקב לחיו |
3 Anɔ kukuɖeɖe na wò dzi ɖaa be nàkpɔ nublanui nɛa? Aƒo nu na wò kple gbe blewua?
| הירבה אליך תחנונים אם-ידבר אליך רכות |
4 Awɔ ɖoɖo kpli wò be nàkplɔe wòanye wò kluvi le eƒe agbe me katã?
| היכרת ברית עמך תקחנו לעבד עולם |
5 Àte ŋu amlae abe xevi ene alo atsɔe ada ɖe avɔ dzi na viwò nyɔnuviwoa?
| התשחק-בו כצפור ותקשרנו לנערותיך |
6 Ɖe asitsalawo atsɔ woƒe adzɔnuwo aɖɔliia? Ɖe woamae ɖe asitsalawo domea?
| יכרו עליו חברים יחצוהו בין כנענים |
7 Àte ŋu atsɔ gaƒliwo aŋɔ eƒe ŋutigbalẽ alo atsɔ akplɔ atɔ eƒe ta?
| התמלא בשכות עורו ובצלצל דגים ראשו |
8 Ne èka asi eŋuti la, àɖo ŋku avuwɔwɔ si yi edzi la dzi eye madzro wò be nàgawɔe o!
| שים-עליו כפך זכר מלחמה אל-תוסף |
9 Mɔkpɔkpɔ be yeate ŋu aɖu edzi nye beble elabena ne èkpɔe teti gɔ̃ hã la, ŋɔ adzi wò.
| הן-תחלתו נכזבה הגם אל-מראיו יטל |
10 Ame aɖeke medzi ŋɔ de enu ne wòanyɔe o. Ekema ame kae ate ŋu anɔ te ɖe nunye?
| לא-אכזר כי יעורנו ומי הוא לפני יתיצב |
11 Ame kae tre nu nanam bena maɖo eteƒe nɛ mahã? Nu sia nu si le ɣea te la nye tɔnye.
| מי הקדימני ואשלם תחת כל-השמים לי-הוא |
12 “Nyemagbe nuƒoƒo le eƒe ata, abɔ, eƒe ŋusẽ kple eƒe nɔnɔme dzeani la ŋu o.
| לא- (לו-) אחריש בדיו ודבר-גבורות וחין ערכו |
13 Ame ka ate ŋu aɖe awu si wòdo ɖe edzi la le eŋu? Ame ka ate ŋu ado ɖe egbɔ kple gaƒli?
| מי-גלה פני לבושו בכפל רסנו מי יבוא |
14 Ame ka ate ŋu ake eƒe nu, nu si me aɖuwo katã kpe ɖe wo nɔewo nu le kple vɔvɔ̃?
| דלתי פניו מי פתח סביבות שניו אימה |
15 Akpoxɔnuwo ɖo ɖe eƒe dzimegbe eye woɖo ɖe wo nɔewo nu,
| גאוה אפיקי מגנים סגור חותם צר |
16 ɖe sia ɖe lé ɖe nɔvia ŋu ale gbegbe be, ya gɔ̃ hã mate ŋu ato wo dome o.
| אחד באחד יגשו ורוח לא-יבא ביניהם |
17 Wolé ɖe wo nɔewo ŋu sesĩe, woku ɖe wo nɔewo ŋu ale gbegbe be, womate ŋu ama wo dome o.
| איש-באחיהו ידבקו יתלכדו ולא יתפרדו |
18 Eƒe nyenye kea dzo miamiamia eye eƒe ŋkuwo le abe ŋdi ƒe kekeli ene.
| עטישתיו תהל אור ועיניו כעפעפי-שחר |
19 Dzoxiwo dona tso eƒe nu me, eye nenema kee nye dzo ƒe aɖewo hã.
| מפיו לפידים יהלכו כידודי אש יתמלטו |
20 Dzudzɔ dona le eƒe ŋɔtime abe ale si tsize si woɖo aƒladzo dzi la fiena tua dzudzɔe ene.
| מנחיריו יצא עשן-- כדוד נפוח ואגמן |
21 Eƒe gbɔgbɔ dea dzo aka me eye dzo bibi dona tso eƒe nu me.
| נפשו גחלים תלהט ולהב מפיו יצא |
22 Ŋusẽ le eƒe kɔ me eye dɔmedzoe le eŋgɔ.
| בצוארו ילין עז ולפניו תדוץ דאבה |
23 Eƒe ayi mlɔ wo nɔewo dzi eye wolé ɖe wo nɔewo ŋu sesĩe, ale be womate ŋu afoe ɖa o.
| מפלי בשרו דבקו יצוק עליו בל-ימוט |
24 Eƒe akɔta do akpa abe kpe ene eye wòsẽ abe te si dzi wotua nu le la ene.
| לבו יצוק כמו-אבן ויצוק כפלח תחתית |
25 Ne etso la, ŋɔ dzia ŋusẽtɔwo gɔ̃ hã eye wogbugbɔna ɖe megbe ne wose eƒe afɔzi wògbɔna.
| משתו יגורו אלים משברים יתחטאו |
26 Yi si kaa eŋu la mewɔa nanekee o, nenema kee nye akplɔ, aŋutrɔ kple akplɔ nuɖekɛ.
| משיגהו חרב בלי תקום חנית מסע ושריה |
27 Gayibɔ le nɛ abe gbe ƒuƒu ene eye akɔbli le abe ati si nyunyɔ la ene.
| יחשב לתבן ברזל לעץ רקבון נחושה |
28 Mesina le aŋutrɔwo nu o eye akafokpewo le nɛ abe blitsro ene.
| לא-יבריחנו בן-קשת לקש נהפכו-לו אבני-קלע |
29 Kpo le nɛ abe gbe ƒuƒu ene eye ne yi le gbe dom la, eɖia kokoe nɛ.
| כקש נחשבו תותח וישחק לרעש כידון |
30 Eƒe dɔme le abe ze gbagbã dzaglidzagliwo ene eye woɖea fli ɖe ba me abe luƒomɔ ene.
| תחתיו חדודי חרש ירפד חרוץ עלי-טיט |
31 Enana gogloƒewo fiena wlɔwlɔwlɔ abe aŋɔɖaze ene eye wòblua atsiaƒu me abe amiɖaze me blum wole ene.
| ירתיח כסיר מצולה ים ישים כמרקחה |
32 Egblẽa mɔ si le dzo dzam la ɖe emegbe eye wòtrɔa atsiaƒu wòzua futukpɔ ɣi, ale nàbu be atsiaƒua ɖe wòƒo wɔ ene.
| אחריו יאיר נתיב יחשב תהום לשיבה |
33 Naneke mele anyigba dzi sɔ kplii o, enye nuwɔwɔ si mevɔ̃a naneke o.
| אין-על-עפר משלו העשו לבלי-חת |
34 Eklẽa ŋku ɖe nu siwo katã doa wo ɖokui ɖe dzi eye wònye fia ɖe nu siwo katã dana la dzi.”
| את-כל-גבה יראה הוא מלך על-כל-בני-שחץ |
