Hiob 33
1 “Ke azɔ la, Hiob, ɖo to nye nyawo, eye ƒu to anyi ɖe nu sia nu si magblɔ la ŋu.
| ואולם שמע נא איוב מלי וכל דברי האזינה׃ |
2 Kpɔ ɖa, mele nye nu ke ge eye nye nyawo le nye aɖe nu.
| הנה נא פתחתי פי דברה לשוני בחכי׃ |
3 Nye nyawo tso dzi vavã me eye nye nu agblɔ nu si menya le anukware me.
| ישר לבי אמרי ודעת שפתי ברור מללו׃ |
4 Mawu ƒe gbɔgbɔe wɔm, Ŋusẽkatãtɔ la ƒe gbɔgbɔe de agbe menye,
| רוח אל עשתני ונשמת שדי תחיני׃ |
5 eya ta ɖo nya ŋu nam, ne àte ŋui, dzra ɖokuiwò ɖo ne nàhe nya kplim.
| אם תוכל השיבני ערכה לפני התיצבה׃ |
6 Ɖeko mele abe wò ene le Mawu ŋkume, nye hã anyi mee woɖem tsoe.
| הן אני כפיך לאל מחמר קרצתי גם אני׃ |
7 Vɔvɔ̃ nam megado dzikatsoƒo na wò alo nye asi nakpe le dziwò o.
| הנה אמתי לא תבעתך ואכפי עליך לא יכבד׃ |
8 “Gake ègblɔ wòge ɖe nye to me eye mese nya siwo tututu nègblɔ la be,
| אך אמרת באזני וקול מלין אשמע׃ |
9 ‘Medza eye nu vɔ̃ mele ŋutinye o, ŋutinye kɔ eye mevo tso vodada me.
| זך אני בלי פשע חף אנכי ולא עון לי׃ |
10 Ke hã la, Mawu kpɔ vodada le ŋunye, eye wòbum eƒe futɔe.
| הן תנואות עלי ימצא יחשבני לאויב לו׃ |
11 Etsɔ nye afɔ de kunyowu me eye eƒe ŋkuwo le nye mɔwo katã ŋu kplikplikpli.’
| ישם בסד רגלי ישמר כל ארחתי׃ |
12 “Gake magblɔe na wo be, le esia me ya, tɔwò medzɔ o, elabena Mawu lolo wu amegbetɔ.
| הן זאת לא צדקת אענך כי ירבה אלוה מאנוש׃ |
13 Nu ka ŋutie nèle nya hem kplii be, meɖo amegbetɔ ƒe nya aɖeke ŋuti nɛ o?
| מדוע אליו ריבות כי כל דבריו לא יענה׃ |
14 Elabena Mawu ƒoa nu to mɔ sia alo ekemɛ dzi togbɔ be amegbetɔ mekpɔe dze sii o hã.
| כי באחת ידבר אל ובשתים לא ישורנה׃ |
15 Le drɔ̃e me, le zã me ƒe ŋutega me, ne amewo dɔ alɔ̃ yi eme ʋĩi alo wole akɔlɔ̃e dɔm le woƒe abawo dzi la,
| בחלום חזיון לילה בנפל תרדמה על אנשים בתנומות עלי משכב׃ |
16 ava ƒo nu ɖe to me na wo, atsɔ kpɔdzidzewo ado ŋɔdzii na wo,
| אז יגלה אזן אנשים ובמסרם יחתם׃ |
17 be wòana amegbetɔ natrɔ tso vɔ̃wɔwɔ me eye wòaɖee tso dada me,
| להסיר אדם מעשה וגוה מגבר יכסה׃ |
18 ne wòadzra eƒe luʋɔ ɖo tso yɔdo ƒe asi me eye eƒe agbe magatsrɔ̃ ɖe yi nu o.
| יחשך נפשו מני שחת וחיתו מעבר בשלח׃ |
19 “Alo eƒoa ame le dɔbadzi kple ƒutomevevesese si nɔa edzi ɖaa,
| והוכח במכאוב על משכבו וריב עצמיו אתן׃ |
20 ale be eya ameti bliboa nyɔa ŋu nuɖuɖu eye eƒe luʋɔ doa vlo nuɖuɖu vivitɔ gɔ̃ hã.
| וזהמתו חיתו לחם ונפשו מאכל תאוה׃ |
21 Eƒe ŋutilã vɔ le eme eye eƒe ƒu siwo ŋu lã nɔ tehetehe la dze go azɔ.
| יכל בשרו מראי ושפי עצמותיו לא ראו׃ |
22 Eƒe luʋɔ te ɖe yɔdo ŋu kpokploe, eye eƒe agbe ɖo ku ƒe dɔlawo ƒe asi me.
| ותקרב לשחת נפשו וחיתו לממתים׃ |
23 Ke hã la, ne Mawudɔla le eƒe axadzi abe nyaxɔɖeakɔla ene, ɖeka le akpe dome, be wòagblɔ nu si nyo na ame la nɛ,
| אם יש עליו מלאך מליץ אחד מני אלף להגיד לאדם ישרו׃ |
24 heve enu, gblɔ nɛ be, ‘Ɖe eƒe agbe be magayi yɔdo me o elabena mekpɔ avulénu nɛ’ la,
| ויחננו ויאמר פדעהו מרדת שחת מצאתי כפר׃ |
25 tete eƒe ŋutilã zua yeye abe ɖevi tɔ ene eye wògaɖoa eƒe nɔnɔme me abe eƒe ɖekakpuimeŋkekewo me ene.
| רטפש בשרו מנער ישוב לימי עלומיו׃ |
26 Edoa gbe ɖa na Mawu eye wòkpɔa amenuveve tso egbɔ, ekpɔa Mawu ƒe ŋkume eye wòdoa dzidzɔɣli, ale Mawu gaɖonɛ te, be wòanɔ dzɔdzɔenyenye si me wònɔ tsã.
| יעתר אל אלוה וירצהו וירא פניו בתרועה וישב לאנוש צדקתו׃ |
27 Tete wòvaa amewo gbɔ, gblɔna be, ‘Mewɔ nu vɔ̃ hedo vlo nu si le dzɔdzɔe gake nyemexɔ tohehe si medze na la o.
| ישר על אנשים ויאמר חטאתי וישר העויתי ולא שוה לי׃ |
28 Eɖe nye agbe tso yɔdomeyiyi me, eye manɔ agbe adzɔ dzi le eƒe kekeli me.’
| פדה נפשי מעבר בשחת וחיתי באור תראה׃ |
29 “Mawu wɔa nu siawo katã na ame, zi eve alo etɔ̃ gɔ̃ hã,
| הן כל אלה יפעל אל פעמים שלוש עם גבר׃ |
30 be wòaɖe eƒe luʋɔ tso tsiẽƒe, be agbe ƒe kekeli naklẽ ɖe edzi.
| להשיב נפשו מני שחת לאור באור החיים׃ |
31 “Ƒu to anyi, Hiob, ne nàɖo tom, zi ɖoɖoe, ne maƒo nu.
| הקשב איוב שמע לי החרש ואנכי אדבר׃ |
32 Ne nya aɖe le asiwò la, ɖo nya ŋu nam, elabena medi be wòatso na wò.
| אם יש מלין השיבני דבר כי חפצתי צדקך׃ |
33 Gake ne mele eme o la, ekema nàɖo tom, zi ɖoɖoe ne mafia nunya wò.”
| אם אין אתה שמע לי החרש ואאלפך חכמה׃ |
