Hiob 24
1 “Nu ka ŋuti Ŋusẽkatãtɔ la meɖo ɣeyiɣiwo ɖi hena ʋɔnudɔdrɔ̃ o? Nu ka ta ame siwo nyae la nanɔ mɔ kpɔm na ŋkeke siawo dzodzro?
| מדוע משדי לא נצפנו עתים וידעו לא חזו ימיו׃ |
2 Amewo ɖea liƒokpewo ɖa, wokplɔa lãha siwo wofi la yia gbeɖuƒee.
| גבלות ישיגו עדר גזלו וירעו׃ |
3 Wokplɔa tsyɔ̃eviwo ƒe tedziwo dzonae eye woxɔa ahosi ƒe nyi abe awɔbanu ene.
| חמור יתומים ינהגו יחבלו שור אלמנה׃ |
4 Wotutua asi hiãtɔwo ɖa le mɔƒome eye wozia ame dahe siwo katã le anyigba dzi la dzi be woasi abe.
| יטו אביונים מדרך יחד חבאו עניי ארץ׃ |
5 Ame dahewo ɖoa gbe nɔa nuɖuɖu dim abe gbetedziwo le gbegbe ene eye kuɖiɖinyigbawo dia nuɖuɖu na wo viwo.
| הן פראים במדבר יצאו בפעלם משחרי לטרף ערבה לו לחם לנערים׃ |
6 Woŋe gbe le agblewo dzi na lãwo eye wofɔa nuku siwo ge la le ame vɔ̃ɖiwo ƒe waingblewo me.
| בשדה בלילו יקצירו וכרם רשע ילקשו׃ |
7 Esi avɔ mele wo si o ta la womlɔ anyi ƒuƒlu le zã me eye naneke meli woatsyɔ le vuvɔ me o.
| ערום ילינו מבלי לבוש ואין כסות בקרה׃ |
8 Tsi ƒoa wo tea wo ŋu nyuie le towo dzi, wokuna ɖe agakpewo ŋu elabena bebeƒe meli o.
| מזרם הרים ירטבו ומבלי מחסה חבקו צור׃ |
9 Woɖea tsyɔ̃evi le no nu eye woxɔa ame dahe ƒe vi ɖe fe si wònyi la nu.
| יגזלו משד יתום ועל עני יחבלו׃ |
10 Esi wònye avɔ mele wo si o ta la, wole yiyim amama, wolé lu bablawo ɖe ta, evɔ dɔ le wo wum.
| ערום הלכו בלי לבוש ורעבים נשאו עמר׃ |
11 Wole amiti ƒe ku tum le te dzi, wofiaa wain le wainfiaƒewo gake tsikɔ le wo wum.
| בין שורתם יצהירו יקבים דרכו ויצמאו׃ |
12 Ame siwo le kudɔ ƒom ƒe ŋeŋe de dzi le dua me kɔtɔɔ eye ame siwo xɔ abi la ƒe luʋɔwo le ɣli dom be woaxɔ na yewo, gake Mawu mebu fɔ ame aɖeke be edze agɔ o.
| מעיר מתים ינאקו ונפש חללים תשוע ואלוה לא ישים תפלה׃ |
13 “Ame aɖewo li siwo tsi tsitre ɖe kekeli la ŋu, ame siwo menya eƒe mɔwo alo zɔ eƒe toƒewo o.
| המה היו במרדי אור לא הכירו דרכיו ולא ישבו בנתיבתיו׃ |
14 Ne viviti do la, hlɔ̃dola la tsona hewua ame dahewo kple hiãtɔwo, le zã me la, enɔa zɔzɔm abe fiafitɔ ene
| לאור יקום רוצח יקטל עני ואביון ובלילה יהי כגנב׃ |
15 Ahasitɔ ƒe ŋku nɔa viviti lalam, egblɔna le eƒe susu me be, ‘Ŋku aɖeke makpɔm o,’ eye wòɣlaa eƒe mo.
| ועין נאף שמרה נשף לאמר לא תשורני עין וסתר פנים ישים׃ |
16 Le viviti me la, amewo gbãa ʋɔ, gena ɖe aƒewo me gake ne ŋu ke la, wonɔa xɔ me tua ʋɔ ɖe wo ɖokuiwo nu elabena womedi kekeli ƒe nya aɖeke o.
| חתר בחשך בתים יומם חתמו למו לא ידעו אור׃ |
17 Ke wo katã la, viviti tsiɖitsiɖie le na wo abe ŋdikekeli ene eye wodzea xɔ̃ viviti ƒe ŋɔdzinuwo.
| כי יחדו בקר למו צלמות כי יכיר בלהות צלמות׃ |
18 “Evɔ la, futukpɔ ko wonye le tsi ŋgɔ, woƒoa fi dea anyigba ƒe akpa si nye woƒe gome ale be ame aɖeke mayi ɖe waingblewo me le afi ma o.
| קל הוא על פני מים תקלל חלקתם בארץ לא יפנה דרך כרמים׃ |
19 Abe ale si dzoxɔxɔ kple kuɖiɖi kplɔa tsikpe si lolõ la dzonae ene la, nenemae yɔdo kplɔa ame siwo wɔa nu vɔ̃ la hã dzonae. (Sheol h7585)
| ציה גם חם יגזלו מימי שלג שאול חטאו׃ (Sheol h7585) |
20 Vidzidɔ ŋlɔa wo be, wozua nuɖuɖu na ŋɔviwo, womegaɖoa ŋku ame vɔ̃ɖiwo dzi o, ke boŋ woŋena abe atilɔ ene.
| ישכחהו רחם מתקו רמה עוד לא יזכר ותשבר כעץ עולה׃ |
21 Wohaa konɔwo kple vimanɔsitɔwo eye womekpɔa nublanui na ahosiwo o.
| רעה עקרה לא תלד ואלמנה לא ייטיב׃ |
22 Gake Mawu kplɔa kalẽtɔwo dzonae kple eƒe ŋusẽ. Togbɔ be woli ke hã la, kakaɖedzi mele wo si be woanɔ agbe o.
| ומשך אבירים בכחו יקום ולא יאמין בחיין׃ |
23 Ɖewohĩ ana woaɖe dzi ɖi abu be yewole dedie gake eƒe ŋkuwo le woƒe mɔwo ŋu.
| יתן לו לבטח וישען ועיניהו על דרכיהם׃ |
24 Wodoa wo ɖe dzi ɣeyiɣi kpui aɖe, tete wo nu va yina, woɖiɖia wo ɖe anyi eye wokuna abe bubuawo katã ko ene ale woŋea wo abe ale si woŋea bli le bliti ŋu ene.
| רומו מעט ואיננו והמכו ככל יקפצון וכראש שבלת ימלו׃ |
25 “Ne mele alea o la, ame kae aɖe aʋatso nam eye wòana nye nyawo nazu tofloko?”
| ואם לא אפו מי יכזיבני וישם לאל מלתי׃ |
