Hiob 15
1 Temanitɔ, Elifaz ɖo Hiob ƒe nyawo ŋu be,
| ויען אליפז התימני ויאמר׃ |
2 “Ɖe nunyala aɖo nya ŋu kple susu gbɔlo alo ana ɣedzeƒeya xɔdzo nayɔ eƒe dɔ mea?
| החכם יענה דעת רוח וימלא קדים בטנו׃ |
3 Ɖe wòatsɔ nya manyatalenuwo ahe nya alo atsɔ nuƒoƒo si nye nya dzodzro ahe nyaea?
| הוכח בדבר לא יסכון ומלים לא יועיל בם׃ |
4 Kura gɔ̃ hã la, èɖi gbɔ̃ mawuvɔvɔ̃ eye nèhe mawusubɔsubɔ adodoea ɖe megbe.
| אף אתה תפר יראה ותגרע שיחה לפני אל׃ |
5 Wò nu vɔ̃e ƒoe ɖe nuwò ale nètia ayetɔwo ƒe aɖe.
| כי יאלף עונך פיך ותבחר לשון ערומים׃ |
6 Wò ŋutɔ wò nue bu fɔ wò, menye tɔnyee o, eye wò ŋutɔ wò nuyiwoe ɖu ɖasefo ɖe ŋuwò.
| ירשיעך פיך ולא אני ושפתיך יענו בך׃ |
7 “Wòe nye ame gbãtɔ si wodzi kpɔa? Ɖe wodzi wò hafi togbɛwo va dzɔa?
| הראישון אדם תולד ולפני גבעות חוללת׃ |
8 Èse Mawu ƒe aɖaŋudede kple toa? Gbɔwò ko nunya tso aƒe ɖoa?
| הבסוד אלוה תשמע ותגרע אליך חכמה׃ |
9 Nu ka nènya si míawo ya míenya o? Nu ka gɔmee nèse esi gɔme míawo míese o?
| מה ידעת ולא נדע תבין ולא עמנו הוא׃ |
10 Ta ƒowɔ tɔwo kple amegãɖeɖiwo le mía dzi, ame siwo tsi wu fofowò gɔ̃ hã.
| גם שב גם ישיש בנו כביר מאביך ימים׃ |
11 Ɖe Mawu ƒe akɔfanamenya siwo wògblɔ bɔlɔɔ la, mesɔ agbɔ na wò oa?
| המעט ממך תנחמות אל ודבר לאט עמך׃ |
12 Nu ka ŋuti wò dzi kplɔ wò dzoe, wò ŋkuwo le dzo dam,
| מה יקחך לבך ומה ירזמון עיניך׃ |
13 ale be nènyɔ wò dziku ɖe Mawu ŋu eye nètrɔ nya siawo kɔ ɖi tso wò nu me?
| כי תשיב אל אל רוחך והצאת מפיך מלין׃ |
14 “Nu kae nye amegbetɔ be, wòadza alo ame si nyɔnu dzi la be wòanɔ dzɔdzɔe?
| מה אנוש כי יזכה וכי יצדק ילוד אשה׃ |
15 Ne Mawu meka ɖe eƒe kɔkɔetɔwo dzi o eye dziƒowo gɔ̃ hã medza le eƒe ŋkume o,
| הן בקדשו לא יאמין ושמים לא זכו בעיניו׃ |
16 aleke wòahanye amegbetɔ si nye aɖi, esi dovo eye wòno nu vɔ̃ɖi abe tsi ene!
| אף כי נתעב ונאלח איש שתה כמים עולה׃ |
17 “Ɖo tom ne maɖe nu me na wò; na magblɔ nu si teƒe mekpɔ la na wò,
| אחוך שמע לי וזה חזיתי ואספרה׃ |
18 nu si nunyalawo ɖe gbeƒãe eye womeɣla naneke si woxɔ tso wo fofowo gbɔ o,
| אשר חכמים יגידו ולא כחדו מאבותם׃ |
19 ame siwo ko wotsɔ anyigba la na, esi amedzro aɖeke meto wo dome o.
| להם לבדם נתנה הארץ ולא עבר זר בתוכם׃ |
20 Ame vɔ̃ɖi kpea fuwo ƒe fu le eƒe agbemeŋkekewo katã me, nenema ke ŋutasẽla hã kpea fu le ƒe siwo katã woɖo ɖi nɛ la me.
| כל ימי רשע הוא מתחולל ומספר שנים נצפנו לעריץ׃ |
21 Gbeɖiɖi siwo ŋu ŋɔdzi le la yɔ eƒe tome fũu eye ne wòdze abe nuwo ɖe wole afɔ tsɔm ene la, adzohawo va dzea edzi.
| קול פחדים באזניו בשלום שודד יבואנו׃ |
22 Dzi ɖe le eƒo be mate ŋu asi le viviti la nu o elabena wotsɔe de asi na yi.
| לא יאמין שוב מני חשך וצפו הוא אלי חרב׃ |
23 Ele tsaglalã tsam le nuɖuɖu dim abe akaga ene elabena enya be vivitidogbe la tu aƒe kpokploe.
| נדד הוא ללחם איה ידע כי נכון בידו יום חשך׃ |
24 Xaxa kple vevesese na ŋɔdzi lé eya amea ŋutɔ eye wova dze edzi abe fia si le klalo na aʋakpekpe ene.
| יבעתהו צר ומצוקה תתקפהו כמלך עתיד לכידור׃ |
25 Elabena eŋlɔ kɔ do ɖe mo na Mawu eye wòdze aglã ɖe Ŋusẽkatãtɔ la ŋu,
| כי נטה אל אל ידו ואל שדי יתגבר׃ |
26 helũ ɖe edzi ɖekematsɔlemetɔe kple akpoxɔnu titri sesẽ aɖe.
| ירוץ אליו בצואר בעבי גבי מגניו׃ |
27 “Togbɔ be eda ami ɖe mo gbɔ eye wòlolo ɖe ali gbɔ hã la,
| כי כסה פניו בחלבו ויעש פימה עלי כסל׃ |
28 anɔ du gbagbãwo kple xɔ siwo me ame aɖeke mele o la me, xɔ siwo gbã zu glikpo.
| וישכון ערים נכחדות בתים לא ישבו למו אשר התעתדו לגלים׃ |
29 Magakpɔ hotsui o eye eƒe kesinɔnuwo maganɔ anyi alo eƒe nunɔamesiwo nagbagba ɖe anyigba dzi o.
| לא יעשר ולא יקום חילו ולא יטה לארץ מנלם׃ |
30 Masi le viviti la nu o, dzo ƒe aɖe ana eƒe alɔwo nayrɔ eye Mawu ƒe numegbɔgbɔ akplɔe adzoe.
| לא יסור מני חשך ינקתו תיבש שלהבת ויסור ברוח פיו׃ |
31 Megable eɖokui, atsɔ eƒe dzi aɖo nu si nye tofloko la ŋu o elabena ɖeke maɖe vi nɛ o.
| אל יאמן בשו נתעה כי שוא תהיה תמורתו׃ |
32 Hafi eƒe ɣeyiɣi nade la, woaɖo eteƒe nɛ abe ale si dze ene eye eƒe alɔdzewo matsi ɖe edzi o.
| בלא יומו תמלא וכפתו לא רעננה׃ |
33 Anɔ abe wainka si ŋu wogbe waintsetse gbogbowo katã le la ene alo abe amiti si dudu eƒe seƒoƒowo ene.
| יחמס כגפן בסרו וישלך כזית נצתו׃ |
34 Elabena mawumavɔ̃lawo ƒe ha madzi ɖe edzi o eye dzo afia ame siwo lɔ̃a zãnuxɔxɔ ƒe agbadɔwo.
| כי עדת חנף גלמוד ואש אכלה אהלי שחד׃ |
35 Wofɔa fukpekpe ƒe fu, hedzia nu vɔ̃ɖi eye beble ɖoa atsyɔ̃ ɖe woƒe vidzidɔwo me.”
| הרה עמל וילד און ובטנם תכין מרמה׃ |
