Hezekiel 39
1 “Ame vi, gblɔ nya ɖi ɖe Gog ŋu, eye nàgblɔ be, ‘Ale Aƒetɔ Yehowa gblɔe nye esi: Metso ɖe ŋuwò, O! Gog, wò ame si nye Mesek kple Tubal ƒe amegã.
「人子，你講預言攻斥哥格說：吾主上主這樣說：默舍客和突巴耳的最高領袖哥格，看，我要攻擊你，
2 Matrɔ wò to eme ahe wò. Makplɔ wò tso keke anyiehe ke, eye mana nàtso ɖe Israel ƒe towo ŋu.
我要引誘你，挾持你，使你從極北之地上來，領你到以色列的山上，
3 Ekema maƒo wò da le wò miasi me, eye mana wò datiwo nage tso wò nuɖusime.
在那裏我要打掉你左手上的弓，打落你右手上的箭。
4 Àdze anyi ɖe Israel ƒe towo dzi, wò kple wò aʋawɔlawo katã kple dukɔ siwo le dziwò. Mana nàzu nuɖuɖu na xevi ʋulãɖulawo kple lã wɔadãwo katã.
你和你所有的軍隊，以及同你聯合的眾民，都要喪亡在以色列的山上；我要使你成為各種猛禽和野獸的食物。
5 Àdze anyi ɖe gbedzi, elabena meƒo nu; Aƒetɔ Yehowae gblɔe.
你要喪亡在原野之上，這原是我親口說的──吾主上主的斷語──
6 Mana dzo nadze Magog kple ame siwo le dedinɔnɔ me le ƒutanyigbawo dzi la dzi, eye woanya be, nyee nye Yehowa.
我要使火降到瑪哥格和那些安居在群島的人們身上：如此，他們必承認我是上主。
7 “‘Mana woanya nye ŋkɔ kɔkɔe la le nye amewo, Israelviwo dome. Nyemagana woagado gu nye ŋkɔ kɔkɔe la o, eye dukɔwo anya be, nye, Yehowae nye Kɔkɔetɔ la le Israel.
我也要在我的百姓以色列中間，顯揚我的聖名，再不讓我的名受到褻瀆：如此，異民便承認我是上主，是以色列的聖者。
8 Egbɔna! Ava eme godoo, Aƒetɔ Yehowae gblɔe. Egbee nye ŋkeke si ŋu meƒo nu tsoe.
看，我所說的那一天，已經來近，必要實現──吾主上主的斷語。
9 “‘Ekema ame siwo le Israel ƒe duwo me la, ado go, eye woawɔ woƒe aʋawɔnuwo ŋu dɔ abe dzodonuwo ene, woatɔ dzo wo, akpoxɔnu ɖagbitɔwo kple gãtɔwo siaa, woƒe dawo kple datiwo siaa, woƒe kpowo kple akplɔwo siaa. Woawɔ wo ŋu dɔ hena dzododo ƒe adre sɔŋ.
那時住在以色列各城的人必要出來，點火焚燒武器：有大小盾牌、弓、箭、槍和茅；他們將用來燒火，七年之久。
10 Mahiã wo be woafɔ nake le gbedzi loo alo alãe le avewo me o, elabena woawɔ aʋawɔnuwo ŋu dɔ abe dzodonuwo ene. Emegbe la, woada adzo ame siwo da adzo wo, eye woaha ame siwo ha wo. Aƒetɔ Yehowae gblɔe.
他們不必到田間拾柴，也不必到林中伐木，因為也武器可作柴燒；他們還要搶奪那些搶奪過他們的人，劫掠那些劫掠過他們的人──吾主上主的斷語──
11 “‘Gbe ma gbe la, mana ameɖiƒe Gog le Israel le ame siwo zɔa mɔ yia ɣetoɖoƒe, ɖoa ta Atsiaƒu la gbɔ la ƒe balime. Axe mɔ na mɔzɔlawo, elabena woaɖi Gog kple eƒe ameha la katã ɖe afi ma. Ale woayɔe be Hamɔn Gog ƒe balime.
在那一天，我要在以色列把一出名的地方，即死海以東阿巴陵山谷，給哥格作墳地；這山谷使過路的人止步，哥格和他的一切軍隊要埋在那裏，因此人叫那地方為『哥格群眾谷。』
12 “‘Israel ƒe aƒe la anɔ wo ɖim ale be wòakɔ anyigba la ŋuti ɣleti adre.
以色列家族埋葬他們，為清除此地，要費時七個月。
13 Anyigba la dzi tɔwo katã aɖi wo, eye gbe si gbe woade bubu ŋutinye la, anye ŋkeke si dzi woaɖo ŋkui la na wo.’ Aƒetɔ Yehowae gblɔe.
那地方的全體百姓都要埋葬他們。在我顯示光榮的日子，為他們也要光榮──吾主上主的斷語──
14 Woatsɔ amewo ɖaa be woakɔ anyigba la ŋuti. Ame aɖewo azɔ ato anyigba la dzi, hekpe ɖe woawo ŋu la, ame bubuwo aɖi ame kuku siwo aganɔ anyigba kokoko. “‘Le ɣleti adrea ƒe nuwuwu la, woagadze woƒe nudidi gɔme.
他們還要派定一些人不斷巡邏那地，尋找在那地方遺留下的屍體，為清除那地；七個月之後它們仍繼續尋找。
15 Ne wole anyigba la dzi tsam, eye wo dometɔ ɖeka kpɔ ameƒu aɖe la, ade dzesi teƒe la va se ɖe esime yɔdokulawo aɖii ɖe Hamɔn Gog ƒe Balime.
過路的人經過那地的時候，若發見一個人的骨骸，就在他旁邊放一個記號，等待埋葬的人將他埋葬在『哥格群眾谷。』
16 Kpe ɖe nu sia ŋu la, du si woyɔna be Hamona hã anɔ afi ma. Ale woakɔ anyigba la ŋuti.’
那裏有一座城，要叫哈摩納。他們就這樣清除了那地。
17 “Ame vi, ale Aƒetɔ Yehowa gblɔe nye esi: Yɔ xevi ɖe sia ɖe ƒomevi kple lã wɔadãwo katã. Gblɔ na wo be, ‘Miƒo ƒu, eye mi katã miva tso goawo katã me hena vɔsa si mele dzadzram ɖo na mi, vɔsa gã la le Israel ƒe towo dzi. Afi ma miaɖu lã, eye miano ʋu.
吾主上主這樣說：人子，你要向各種飛鳥，各樣野獸說：你們應集合前來，從四方來參加我給你們在以色列山上所準備的隆重祭餐，你們要吃肉飲血。
18 Miaɖu amegãwo ƒe lã, eye miano anyigbadzifiawo ƒe ʋu abe agbowo kple alẽviwo, gbɔ̃wo kple nyitsuwo wonye ene; lã siawo katã nye lã damiwo tso Basan.
你們要吃將士的肉，飲各地王侯的血；還有山羊、綿羊、公山羊、牛犢，都是巴商的肥畜。
19 Le nye vɔsa si mele dzadzram ɖo na mi ƒe ŋkekea dzi la, miaɖu lãmi aɖi ƒo, eye miano ʋu va se ɖe esime miamu.
你們要在我給你們準備的祭餐中，吃肉吃到飽，飲血飲到醉。
20 Le nye kplɔ̃ la ŋu la, miaɖu sɔwo kple sɔdolawo, kalẽtɔwo kple aʋawɔla ƒomevi ɖe sia ɖe ƒe lã wòati mi’ Aƒetɔ Yehowae gblɔe.
你們在我的宴席上要飽食馬肉，戰馬、將士和所有軍人的肉──吾主上主的斷語。
21 “Maɖe nye ŋutikɔkɔe afia le dukɔwo dome, eye dukɔwo katã akpɔ to si mehe na wo kple asi si meda ɖe wo dzi.
我要在異民中顯示我的光榮，萬民要看見我所施行的懲罰，看見是我舉手打擊了他們。
22 Tso gbe ma gbe dzi la, Israel ƒe aƒe la anya be nyee nye Yehowa, woƒe Mawu.
從那天起，以色列家族必要承認我，上主是他們的天主。
23 Dukɔawo hã anya be Israelviwo yi aboyome le woƒe nu vɔ̃wo ta, elabena womewɔ nuteƒe nam o. Eya ta meɣla nye ŋkume ɖe wo, metsɔ wo de asi na woƒe futɔwo, eye wo katã wotsi yi nu.
異民也要知道以色列家族充軍，是為了他們的罪惡，因為他們違背了我，我遂掩面不顧他們，把他們交在敵人手中，全都喪身刀下。
24 Mewɔ nu ɖe wo ŋu le woƒe makɔmakɔnyenye kple woƒe dzidadawo nu, eye meɣla nye mo ɖe wo.
我按他們的罪過和惡行對待了他們，掩面不看他們。
25 “Eya ta ale Aƒetɔ Yehowa gblɔe nye esi, ‘Azɔ la, makplɔ Yakob agbɔe tso aboyome, makpɔ nublanui na Israelviwo katã, eye maʋã ŋu ɖe nye ŋkɔ kɔkɔe la ta.
為此吾主上主這樣說：現今我要轉變雅各伯的命運，憐恤以色列家族。為我的聖名而大發妒火。
26 Woaŋlɔ woƒe ŋukpe kple aglã siwo katã wodze ɖe ŋunye la be, esime wonɔ dedie le woƒe anyigba si dzi ame aɖeke medo ŋɔdzi na wo le o.
當他們安居在自己的地域中，沒有人來驚擾時，他們將忘記自己的恥辱和違背我所犯的一切抗命之罪。
27 Ne mekplɔ wo gbɔe tso woƒe futɔwo ƒe anyigba dzi la, maɖe ɖokuinye afia kɔkɔe le dukɔ geɖewo ŋkume.
當我從各民族中把他們領回，從他們敵人的地方聚集他們，在眾異民眼前，在他們身上顯聖時，
28 Ekema woanya be nyee nye Yehowa, woƒe Mawu, elabena togbɔ be meɖo wo ɖe aboyome ɖe dukɔwo dome hã la, maƒo wo nu ƒu, woava woawo ŋutɔ ƒe anyigba dzi, eye nyemagblẽ ɖeke ɖi o.
他們必承認我上主是他們的天主，因為我將他們放逐於異民之中以後，又把他們聚集到自己的地方，一個也沒有留在異民中。
29 Nyemagaɣla nye mo ɖe wo o, elabena makɔ nye Gbɔgbɔ ɖe Israel ƒe aƒe la dzi.’ Aƒetɔ Yehowae gblɔe.”
我不再掩面不看他們，因為我將我的神已傾注於以色列家族──吾主上主的斷語。」
