Kronika 2 30
1 Hezekia ɖo du ɖe Israel kple Yuda blibo la eye wòŋlɔ agbalẽwo hã ɖo ɖe Efraim kple Manase toawo, nɔ wo kpem be woava Yehowa ƒe gbedoxɔ me le Yerusalem eye woaɖu Ŋutitotoŋkekenyui na Yehowa, Israel ƒe Mawu la.
[宣告舉行逾越節]希則克雅派人到全以色列和猶大，且也寫了封公函給厄弗辣因和默納協，叫他們來耶路撒冷上主的殿內，向上主以色列的天主舉行逾越節，
2 Fia la kple eƒe dziɖulawo kple ameha blibo la si nɔ Yerusalem ɖo tame be yewoaɖu Ŋutitotoŋkekenyui la le ɣleti evelia me.
因為君王與首領和耶路撒冷會眾已商妥，在二月舉行逾越節。
3 Womete ŋu ɖu ŋkekenyui sia le ɣeyiɣi ɖoɖi la dzi ƒe sia ƒe o elabena nunɔla siwo kɔ wo ɖokuiwo ŋu la mesɔ gbɔ o eye ameawo mekpe ta ɖe Yerusalem o.
他們不能如期舉行的原因，是因為自潔的司祭尚不敷用，百姓又尚未齊集在耶路撒冷。
4 Fia la kple eƒe aɖaŋudelawo katã lɔ̃ ɖe ɖoɖo sia dzi
君王和全會眾都認為這樣做很對，
5 eya ta woɖe gbeƒã Ŋutitotoŋkekenyui la ɖuɖu to Israelnyigba blibo la dzi, tso Dan yi Beerseba eye wokpe ame sia ame va Yerusalem hena ŋkekenyuia ɖuɖu na Yehowa, Israel ƒe Mawu la, elabena eteƒe didi Israelviwo megaɖu Ŋutitotoŋkekenyui la kpɔ, abe ale si woŋlɔe ɖi ene o.
遂下令通告全以色列，從貝爾舍巴直到丹，都來耶路撒冷，向上主以色列的天主舉行逾越節，因為人很久沒有照章舉行這節了。
6 Dɔlawo xɔ agbalẽawo le fia la kple eƒe amegãwo si ɖatsa le le Israel blibo la kple Yuda eye wogblɔ le fia la ƒe sedede nu be be, “Israelviwo, mitrɔ gbɔ va Yehowa, Abraham kple Isak kple Israel ƒe Mawu la gbɔ, ale be eya hã natrɔ ɖe mi ame siwo do le Asiria fiawo ƒe ŋusẽ te la ŋu.
使者遂帶君王和首領的公函，走遍全以色列和猶大，照君王的吩咐，宣佈說：「以色列的子民，你們應當轉向上主，亞巴郎、依撒格和以色列的天主，好使他轉向你們，這些擺脫亞述王權下的遺民。
7 Miganɔ abe mia nɔviwo, ame siwo wɔ nu vɔ̃ ɖe Yehowa, wo fofowo ƒe Mawu ŋu eye wòtsrɔ̃ wo la ene o.
你們不可像你們的祖先和弟兄一樣，因為他們背叛了上主，他們祖先的天主，上主遂叫他們成了驚駭的對象，有如你們親眼所見的。
8 Miganye kɔlialiatɔwo abe woawo ene o, ke boŋ miɖe asi le mia ɖokuiwo ŋu na Yehowa eye miatrɔ va eƒe gbedoxɔ si ŋu wokɔ tegbee la me. Misubɔ Yehowa, miaƒe Mawu la ale be eƒe dɔmedzoe helihelĩ la naɖe ɖa le mia dzi.
現在，你們再別頸硬，如同你們祖先一樣，反應投奔上主，進入他永遠祝聖的居所，奉事上主你們的天主，使他的震怒轉離你們。
9 Ne miegatrɔ ɖe Aƒetɔ la ŋu la, ame siwo ɖe aboyo mia nɔviwo kple mia viwo la, akpɔ nublanui na wo eye woagate ŋu atrɔ agbɔ va anyigba sia dzi elabena Yehowa, míaƒe Mawu la ƒe dɔme nyo eye eƒe amenuveve li tegbee eya ta magble mí ɖi, ne míetrɔ ɖe eŋu o.”
如果你們轉向上主你們的天主，你們的弟兄子女，在擄掠他們的人面前必會蒙受憐憫，會再回到這地；因為上主你們的天主是慈悲的，是仁愛的；如果你們轉向他，他決不會轉面不顧你們。」
10 Ale dɔlawo tsa le duwo katã me le Efraim kple Manase kple Zebulon. Ke enuenu la, ameawo xɔa wo kple nukoko kple vlodoame!
使者由這城到那城，奏遍了厄弗辣因和默納協各地，直到則步隆；但是，那裏的人卻嘲笑侮辱他們。
11 Ke ame aɖewo ya tso Aser, Manase kple Zebulon ƒe viwo dome trɔ ɖe Mawu ŋu eye wova Yerusalem.
可是，有些阿協爾、默納協和則步隆人自謙自卑，來到耶路撒冷。
12 Le Yuda la, Mawu ƒe Gbɔgbɔ nyɔ didi sesẽ aɖe le dukɔ blibo la me be woawɔ Yehowa ƒe ɖoɖowo dzi abe ale si fia la kple eŋumewo bia tso wo si la ene.
天主的手也在猶大行事，使民眾一心遵從君王和首領，照上主的話所出的命令。[舉行逾越節]
13 Ale ameha gã aɖe va kpe ta ɖe Yerusalem le ɣleti evelia me hena Ŋutitotoŋkekenyui la ɖuɖu.
二月，有很多人民聚集在耶路撒冷，舉行無酵節，實行是一個大盛會。
14 Wogbã trɔ̃subɔlawo ƒe vɔsamlekpuiwo kple dzudzɔdovɔsamlekpuiwo katã le Yerusalem eye wolɔ woƒe gbagbãwo yi ɖakɔ ɖe Kidron tɔʋu la me.
民眾起來，將耶路撒冷所有的丘壇拆毀，將所有焚香的器具拿去，丟在克德龍溪裏。
15 Le ɣleti evelia ƒe ŋkeke gbãtɔ dzi la, ameawo wu alẽviwo hena Ŋutitotoŋkekenyui la ɖuɖu. Ŋukpe lé nunɔlawo kple Levitɔwo, ale wokɔ wo ɖokuiwo ŋu eye wotsɔ numevɔsanuwo yi gbedoxɔ la me.
二月十四日宰殺了逾越節羔羊；司祭和肋未人自覺慚愧，便聖潔自己，好能在上主殿內奉獻全燔祭。
16 Wotsi tsitre ɖe woƒe nɔƒewo abe ale si Mose, Mawu ƒe ame la, ƒe sewo ɖo na wo ene. Levitɔwo tsɔ vɔsalẽwo ƒe ʋu na nunɔlawo eye wohlẽe.
他們都按天主僕人梅瑟的法律，各自立在自己的地方，司祭由肋未人手中取過血來，灑在祭壇上。
17 Esi ameawo dometɔ geɖewo mekɔ wo ɖokuiwo ŋu o ta la, womete ŋu wu alẽviwo na Ŋutitotoŋkekenyui la ɖuɖu o eya ta Levitɔwo wu wo na wo eye wotsɔ alẽviawo de asi na Yehowa.
因為會眾中有許多人尚未自潔，肋未人便為所有不潔的人，宰殺逾越節的羔羊，好奉獻給上主。
18 Hekpe ɖe esia ŋu la, ame siwo tso Efraim, Manase, Isaka kple Zebulon ƒe hlɔ̃wo me va la, dometɔ geɖewo mekɔ wo ɖokuiwo ŋuti o ale womenɔ Ŋutitotoŋkekenyui la ɖum nyuie ɖe se la nu o. Fia Hezekia do gbe ɖa ɖe wo ta be,
實在，有許多人，有許多來自厄弗辣因，默納協、依撒加爾和則布隆的人，沒有自潔，就吃了逾越節的羔羊，竟沒有遵守明文的規定；為此，希則克雅為他們祈禱說：「
19 “Oo Yehowa, mía fofowo ƒe Mawu, le wò dɔmenyo ta la, tsɔ nu vɔ̃ ke ame siwo le subɔwòm kple woƒe dzi blibo togbɔ be womekɔ wo ɖokuiwo ŋu o hã.”
凡誠心尋求天主，上主，他們祖先的天主的人，雖然沒有依照聖所的潔禮自潔，願良善的上主予以寬恕! 」
20 Yehowa se Hezekia ƒe gbedodoɖa eye metsrɔ̃ ameawo o.
上主垂允了希則克雅，寬恕了百姓。
21 Ale Israelviwo ɖu Ŋutitotoŋkekenyui la le Yerusalem ŋkeke adre kple dzidzɔ gã. Le ɣe ma ɣi la, Levitɔwo kple nunɔlawo kafua Mawu sesĩe kple hadzidziwo kple gakogoewo gbe sia gbe.
在耶路撒冷的以色列子民，極其歡樂，七天舉行了無酵節；肋未人和司祭們，天天讚頌上主，極力讚頌上主。
22 Fia Hezekia kafu Levitɔwo le woƒe ha viviwo dzidzi ta. Ale ŋkekenyui la ɖuɖu yi edzi ŋkeke adre. Wosa akpedavɔwo eye amewo ʋu woƒe nu vɔ̃wo me na Yehowa, wo fofowo ƒe Mawu la.
由於所有的肋未人慇勤服事上主，希則克雅便慰勞他們。七天之久，眾人吃了節宴，獻了和平祭，稱謝了上主，他們祖先的天主。
23 Ameawo gayi vividodo ɖe ŋkekenyui la ŋu dzi eya ta wo katã woɖoe be yewoagayi ŋkekenyui la ɖuɖu dzi ŋkeke adre bubu.
以後，全會眾議定，再舉行七天，於是歡樂地又舉行了七天，
24 Fia Hezekia na nyitsu akpe ɖeka kple alẽ akpe adre ameawo eye fiaviŋutsuwo hã na nyitsu fɛ̃ akpe ɖeka kple alẽ akpe ewo. Nunɔla geɖewo kɔ wo ɖokuiwo ŋu ɣe ma ɣi.
因為猶大王希則克雅送給了會眾一千頭牛犢，七千隻綿羊；首領們也送給了會眾一千頭牛犢，一萬隻綿羊；且有許多司祭已行了自潔禮。
25 Yudatɔwo, nunɔlawo, Levitɔwo kple amedzrowo kple ame siwo tso Israelnyigba dzi va la kpɔ dzidzɔ gã aɖe.
猶大全會眾、司祭和肋未人，來自以色列的全會眾，以及由以色列地來的，或是僑居在猶大的人，都非常高興。
26 Eva eme alea elabena womegaɖu ŋkekenyui sia tɔgbi kpɔ alea le Yerusalem le Solomo, Fia David ƒe vi ƒe ŋkekewo megbe o.
歡樂瀰漫了耶路撒冷，自以色列王達味的兒子撒羅滿以來，耶路撒冷從未有過這樣大的喜慶。
27 Azɔ la, nunɔlawo kple Levitɔwo tsi tsitre, yra ameawo eye Yehowa se woƒe gbedodoɖawo le eƒe gbedoxɔ kɔkɔe la me le dziƒo.
肋未人司祭起來為民眾祝福，他們的聲音承蒙垂聽，他們的祈禱達於他天上的神聖居所。
