Psalmaro 91

1 Kiu loĝas sub la ŝirmo de la Plejaltulo, Tiu ripozas en la ombro de la Plejpotenculo.

Laus Cantici David. Qui habitat in adiutorio Altissimi, in protectione Dei cæli commorabitur.

2 Mi diras al la Eternulo: Mia rifuĝejo kaj mia fortikaĵo Estas Dio, kiun mi fidas.

Dicet Domino: Susceptor meus es tu, et refugium meum: Deus meus sperabo in eum.

3 Ĉar Li savos vin de la reto de kaptisto, De la pereiga pesto.

Quoniam ipse liberavit me de laqueo venantium, et a verbo aspero.

4 Per Siaj plumoj Li ŝirmos vin, Kaj sub Liaj flugiloj vi rifuĝos; Lia fideleco estas ŝildo kaj kiraso.

Scapulis suis obumbrabit tibi: et sub pennis eius sperabis:

5 Ne timu la teruron de nokto, Nek sagon, kiu flugas tage,

Scuto circumdabit te veritas eius: non timebis a timore nocturno,

6 Nek peston, kiu iras en mallumo, Nek epidemion, kiu ekstermas tagmeze.

A sagitta volante in die, a negotio perambulante in tenebris: ab incursu, et dæmonio meridiano.

7 Ĉe via flanko falos milo, Kaj dek miloj ĉe via dekstra flanko; Sed vin ĝi ne tuŝos.

Cadent a latere tuo mille, et decem millia a dextris tuis: ad te autem non appropinquabit.

8 Vi nur rigardos per viaj okuloj, Kaj vi vidos la redonon al la malvirtuloj.

Verumtamen oculis tuis considerabis: et retributionem peccatorum videbis.

9 Ĉar Vi, ho Eternulo, estas mia defendo! La Plejaltulon vi elektis kiel vian rifuĝejon.

Quoniam tu es Domine spes mea: Altissimum posuisti refugium tuum.

10 Ne trafos vin malbono, Kaj frapo ne atingos vian tendon.

Non accedet ad te malum: et flagellum non appropinquabit tabernaculo tuo.

11 Ĉar al Siaj anĝeloj Li ordonis pri vi, Ke ili vin gardu sur ĉiuj viaj vojoj.

Quoniam angelis suis mandavit de te: ut custodiant te in omnibus viis tuis.

12 Sur la manoj ili vin portos, Por ke vi ne falpuŝiĝu sur ŝtono per via piedo.

In manibus portabunt te: ne forte offendas ad lapidem pedem tuum.

13 Sur leonon kaj aspidon vi paŝos, Vi piedpremos leonidon kaj drakon.

Super aspidem, et basiliscum ambulabis: et conculcabis leonem et draconem.

14 Ĉar li ekamis Min, tial Mi lin savos; Mi defendos lin, ĉar li konas Mian nomon.

Quoniam in me speravit, liberabo eum: protegam eum, quoniam cognovit nomen meum.

15 Li vokos Min, kaj Mi lin aŭskultos; Mi estos kun li en mizero; Mi lin liberigos kaj honoratigos.

Clamabit ad me, et ego exaudiam eum: cum ipso sum in tribulatione: eripiam eum et glorificabo eum.

16 Mi satigos lin per longa vivo, Kaj aperigos al li Mian helpon.

Longitudine dierum replebo eum: et ostendam illi salutare meum.