Psalmaro 34
1 De David, kiam li ŝajnigis sin freneza antaŭ Abimeleĥ, kaj tiu lin forpelis kaj li foriris. Mi gloros la Eternulon en ĉiu tempo; Ĉiam laŭdo por Li estos en mia buŝo.
| לדוד בשנותו את טעמו לפני אבימלך ויגרשהו וילך אברכה את יהוה בכל עת תמיד תהלתו בפי׃ |
2 Per la Eternulo gloriĝas mia animo; La humiluloj aŭdu kaj ĝoju.
| ביהוה תתהלל נפשי ישמעו ענוים וישמחו׃ |
3 Gloru la Eternulon kun mi, Kaj ni altigu kune Lian nomon.
| גדלו ליהוה אתי ונרוממה שמו יחדו׃ |
4 Mi serĉis la Eternulon, kaj Li respondis al mi, Kaj de ĉiuj miaj danĝeroj Li savis min.
| דרשתי את יהוה וענני ומכל מגורותי הצילני׃ |
5 Kiuj rigardas al Li, ricevas lumon, Kaj ilia vizaĝo ne kovriĝos per honto.
| הביטו אליו ונהרו ופניהם אל יחפרו׃ |
6 Jen ĉi tiu mizerulo vokis, kaj la Eternulo aŭdis, Kaj de ĉiuj liaj mizeroj Li savis lin.
| זה עני קרא ויהוה שמע ומכל צרותיו הושיעו׃ |
7 Anĝelo de la Eternulo postenas ĉirkaŭ tiuj, kiuj Lin timas, Kaj Li ilin savas.
| חנה מלאך יהוה סביב ליראיו ויחלצם׃ |
8 Provu kaj vidu, kiel bona estas la Eternulo; Feliĉa estas la homo, kiu Lin fidas.
| טעמו וראו כי טוב יהוה אשרי הגבר יחסה בו׃ |
9 Timu la Eternulon, Liaj sanktuloj; Ĉar nenio mankas al tiuj, kiuj Lin timas.
| יראו את יהוה קדשיו כי אין מחסור ליראיו׃ |
10 Leonidoj estas senhavaj kaj malsataj; Sed kiuj serĉas la Eternulon, tiuj havas mankon en nenia bono.
| כפירים רשו ורעבו ודרשי יהוה לא יחסרו כל טוב׃ |
11 Venu, infanoj, aŭskultu min; Pri timo antaŭ la Eternulo mi vin instruos.
| לכו בנים שמעו לי יראת יהוה אלמדכם׃ |
12 Kiu ajn vi estas, homo, Kiu deziras vivon kaj amas multajn kaj bonajn tagojn:
| מי האיש החפץ חיים אהב ימים לראות טוב׃ |
13 Gardu vian langon kontraŭ malbono, Kaj vian buŝon kontraŭ mensoga parolo;
| נצר לשונך מרע ושפתיך מדבר מרמה׃ |
14 Dekliniĝu de malbono kaj faru bonon, Serĉu pacon kaj ĉasu ĝin.
| סור מרע ועשה טוב בקש שלום ורדפהו׃ |
15 La okuloj de la Eternulo estas turnitaj al la piuloj, Kaj Liaj oreloj al iliaj krioj.
| עיני יהוה אל צדיקים ואזניו אל שועתם׃ |
16 La vizaĝo de la Eternulo estas kontraŭ tiuj, kiuj faras malbonon, Por ekstermi de la tero la memoron pri ili.
| פני יהוה בעשי רע להכרית מארץ זכרם׃ |
17 Oni krias, kaj la Eternulo aŭdas, Kaj de ĉiuj iliaj mizeroj Li ilin savas.
| צעקו ויהוה שמע ומכל צרותם הצילם׃ |
18 Proksima estas la Eternulo al tiuj, kies koro estas rompita, Kaj la spirite suferantajn Li helpas.
| קרוב יהוה לנשברי לב ואת דכאי רוח יושיע׃ |
19 Multaj estas la suferoj de piulo; Sed de ĉiuj la Eternulo lin savas.
| רבות רעות צדיק ומכלם יצילנו יהוה׃ |
20 Li gardas ĉiujn liajn ostojn; Eĉ unu el ili ne rompiĝos.
| שמר כל עצמותיו אחת מהנה לא נשברה׃ |
21 La malbonulon mortigos la malbono; Kaj la malamantoj de piulo pereos.
| תמותת רשע רעה ושנאי צדיק יאשמו׃ |
22 La Eternulo liberigas la animon de Siaj sklavoj; Kaj ne pereos ĉiuj, kiuj Lin fidas.
| פודה יהוה נפש עבדיו ולא יאשמו כל החסים בו׃ |
