Psalmaro 146

1 Haleluja! Gloru, ho mia animo, la Eternulon.

הללו-יה הללי נפשי את-יהוה

2 Mi gloros la Eternulon en la daŭro de mia tuta vivo, Mi kantos al mia Dio tiel longe, kiel mi estos.

אהללה יהוה בחיי אזמרה לאלהי בעודי

3 Ne fidu eminentulojn, Homidon, kiu ne povas helpi.

אל-תבטחו בנדיבים-- בבן-אדם שאין לו תשועה

4 Eliras lia spirito, li reiras en sian teron; Kaj en tiu tago neniiĝas ĉiuj liaj intencoj.

תצא רוחו ישב לאדמתו ביום ההוא אבדו עשתנתיו

5 Bone estas al tiu, kies helpo estas la Dio de Jakob, Kiu esperas al la Eternulo, lia Dio,

אשרי--שאל יעקב בעזרו שברו על-יהוה אלהיו

6 Kiu kreis la ĉielon kaj la teron, La maron, kaj ĉion, kio estas en ili, Kiu gardas la veron eterne;

עשה שמים וארץ-- את-הים ואת-כל-אשר-בם השמר אמת לעולם

7 Kiu faras justecon al la prematoj, Donas panon al la malsataj. La Eternulo liberigas la malliberulojn;

עשה משפט לעשוקים--נתן לחם לרעבים יהוה מתיר אסורים

8 La Eternulo malfermas la okulojn al la blinduloj; La Eternulo restarigas la kurbigitojn; La Eternulo amas la virtulojn;

יהוה פקח עורים--יהוה זקף כפופים יהוה אהב צדיקים

9 La Eternulo gardas la enmigrintojn, Subtenas orfon kaj vidvinon; Sed la vojon de malvirtuloj Li pereigas.

יהוה שמר את-גרים--יתום ואלמנה יעודד ודרך רשעים יעות

10 La Eternulo reĝas eterne, Via Dio, ho Cion, por ĉiuj generacioj. Haleluja!

ימלך יהוה לעולם-- אלהיך ציון לדר ודר הללו-יה