Psalmaro 119
1 Bone estas al tiuj, kies vojo estas senmakula, Kiuj iras laŭ la leĝo de la Eternulo.
| אשרי תמימי-דרך-- ההלכים בתורת יהוה |
2 Bone estas al tiuj, kiuj plenumas Liajn decidojn, Kiuj serĉas Lin per la tuta koro;
| אשרי נצרי עדתיו בכל-לב ידרשוהו |
3 Ili ne faras malbonagon, Ili iras laŭ Liaj vojoj.
| אף לא-פעלו עולה בדרכיו הלכו |
4 Vi ordonis al ni, Forte observi Viajn leĝojn.
| אתה צויתה פקדיך-- לשמר מאד |
5 Ho, estu fortikaj miaj vojoj, Ke mi observu Viajn leĝojn!
| אחלי יכנו דרכי-- לשמר חקיך |
6 Tiam mi ne bezonos honti, Kiam mi atentos ĉiujn Viajn ordonojn.
| אז לא-אבוש-- בהביטי אל-כל-מצותיך |
7 Mi gloros Vin el pura koro, Lernante la juĝojn de Via justeco.
| אודך בישר לבב-- בלמדי משפטי צדקך |
8 Viajn leĝojn mi observos; Ne forlasu min tute.
| את-חקיך אשמר אל-תעזבני עד-מאד |
9 Per kio junulo povas purigi sian vojon? Per plenumado laŭ Viaj vortoj.
| במה יזכה-נער את-ארחו-- לשמר כדברך |
10 Per mia tuta koro mi Vin serĉas; Ne lasu min deflankiĝi de Viaj ordonoj.
| בכל-לבי דרשתיך אל-תשגני ממצותיך |
11 En mia koro mi konservas Vian diron, Por ke mi ne peku antaŭ Vi.
| בלבי צפנתי אמרתך-- למען לא אחטא-לך |
12 Benata Vi estas, ho Eternulo; Instruu al mi Viajn leĝojn.
| ברוך אתה יהוה-- למדני חקיך |
13 Per miaj lipoj mi rakontas Ĉiujn decidojn de Via buŝo.
| בשפתי ספרתי-- כל משפטי-פיך |
14 Pri la vojo de Viaj leĝoj mi ĝojas, Kiel pri granda riĉeco.
| בדרך עדותיך ששתי-- כעל כל-הון |
15 Pri Viaj ordonoj mi meditas, Kaj mi rigardas Viajn vojojn.
| בפקודיך אשיחה ואביטה ארחתיך |
16 Mi havas plezuron de Viaj leĝoj, Mi ne forgesas Vian vorton.
| בחקתיך אשתעשע לא אשכח דברך |
17 Bonfaru al Via sklavo, Ke mi vivu kaj plenumu Vian vorton.
| גמל על-עבדך אחיה ואשמרה דברך |
18 Malfermu miajn okulojn, Ke mi vidu miraklojn de Via instruo.
| גל-עיני ואביטה-- נפלאות מתורתך |
19 Migranto mi estas sur la tero; Ne kaŝu antaŭ mi Viajn ordonojn.
| גר אנכי בארץ אל-תסתר ממני מצותיך |
20 Elturmentiĝis mia animo De senĉesa sintirado al Viaj juĝoj.
| גרסה נפשי לתאבה-- אל-משפטיך בכל-עת |
21 Vi humiligas la malbenitajn fierulojn, Kiuj dekliniĝas de Viaj ordonoj.
| גערת זדים ארורים-- השגים ממצותיך |
22 Forigu de mi honton kaj malhonoron, Ĉar mi observas Viajn decidojn.
| גל מעלי חרפה ובוז כי עדתיך נצרתי |
23 Eĉ kiam sidas eminentuloj kaj parolas kontraŭ mi, Via sklavo meditas pri Viaj leĝoj.
| גם ישבו שרים בי נדברו-- עבדך ישיח בחקיך |
24 Viaj decidoj estas mia plezuro, Miaj konsilantoj.
| גם-עדתיך שעשעי-- אנשי עצתי |
25 Mia animo algluiĝis al la polvo; Vivigu min laŭ Via vorto.
| דבקה לעפר נפשי חיני כדברך |
26 Mi raportis pri miaj vojoj, kaj Vi aŭskultis min; Instruu al mi Viajn leĝojn.
| דרכי ספרתי ותענני למדני חקיך |
27 Komprenigu al mi la vojon de Viaj ordonoj; Kaj mi meditos pri Viaj mirakloj.
| דרך-פקודיך הבינני ואשיחה בנפלאותיך |
28 Konsumiĝis mia animo pro malĝojo; Restarigu min laŭ Via vorto.
| דלפה נפשי מתוגה קימני כדברך |
29 La vojon de malvero deturnu de mi, Kaj donacu al mi Vian instruon.
| דרך-שקר הסר ממני ותורתך חנני |
30 La vojon de la vero mi elektis, Mi sopiris al Viaj leĝoj.
| דרך-אמונה בחרתי משפטיך שויתי |
31 Mi alkroĉiĝis al Viaj ordonoj; Ho Eternulo, ne hontigu min.
| דבקתי בעדותיך יהוה אל-תבישני |
32 Mi kuras laŭ la vojo de Viaj leĝoj, Ĉar Vi larĝigas mian koron.
| דרך-מצותיך ארוץ כי תרחיב לבי |
33 Montru al mi, ho Eternulo, la vojon de Viaj leĝoj, Kaj mi ĝin sekvos ĝis la fino.
| הורני יהוה דרך חקיך ואצרנה עקב |
34 Komprenigu al mi, kaj mi sekvos Vian instruon, Kaj mi konservos ĝin per la tuta koro.
| הבינני ואצרה תורתך ואשמרנה בכל-לב |
35 Irigu min sur la vojeto de Viaj ordonoj, Ĉar en ĝi mi havas plezuron.
| הדריכני בנתיב מצותיך כי-בו חפצתי |
36 Klinu mian koron al Viaj leĝoj, Sed ne al profito.
| הט-לבי אל-עדותיך ואל אל-בצע |
37 Deturnu miajn okulojn, ke ili ne rigardu falsaĵon; Vivigu min per Viaj vojoj.
| העבר עיני מראות שוא בדרכך חיני |
38 Plenumu al Via sklavo Vian diron, Kiu koncernas respekton por Vi.
| הקם לעבדך אמרתך-- אשר ליראתך |
39 Forigu mian malhonoron, kiun mi timas; Ĉar Viaj juĝoj estas bonaj.
| העבר חרפתי אשר יגרתי כי משפטיך טובים |
40 Jen mi deziregas Viajn ordonojn; Per Via justeco vivigu min.
| הנה תאבתי לפקדיך בצדקתך חיני |
41 Kaj venu al mi Viaj favoroj, ho Eternulo, Via helpo, konforme al Via vorto,
| ויבאני חסדך יהוה תשועתך כאמרתך |
42 Ke mi povu doni respondon al mia insultanto; Ĉar mi fidas Vian vorton.
| ואענה חרפי דבר כי-בטחתי בדברך |
43 Ne forprenu tute de mia buŝo la vorton de vero, Ĉar mi esperas al Viaj juĝoj.
| ואל-תצל מפי דבר-אמת עד-מאד כי למשפטך יחלתי |
44 Kaj mi konservos Vian instruon Ĉiam kaj eterne.
| ואשמרה תורתך תמיד-- לעולם ועד |
45 Kaj mi iros en libereco, Ĉar mi serĉas Viajn ordonojn.
| ואתהלכה ברחבה כי פקדיך דרשתי |
46 Kaj mi parolos pri Viaj leĝoj antaŭ reĝoj, Kaj mi ne hontos.
| ואדברה בעדתיך נגד מלכים ולא אבוש |
47 Kaj mi havos plezuron de Viaj ordonoj, Kiujn mi amas.
| ואשתעשע במצותיך אשר אהבתי |
48 Kaj mi etendos miajn manojn al Viaj ordonoj, kiujn mi amas, Kaj mi meditos pri Viaj leĝoj.
| ואשא-כפי--אל-מצותיך אשר אהבתי ואשיחה בחקיך |
49 Rememoru la vorton al Via sklavo, Pri kio Vi min esperigis.
| זכר-דבר לעבדך-- על אשר יחלתני |
50 Ĉi tio estas mia konsolo en mia mizero, Ke Via vorto min revivigas.
| זאת נחמתי בעניי כי אמרתך חיתני |
51 Fieruloj tre forte min mokas, Sed de Via instruo mi ne dekliniĝis.
| זדים הליצני עד-מאד מתורתך לא נטיתי |
52 Mi rememoras Viajn juĝojn de tempoj tre antikvaj, ho Eternulo, Kaj mi konsoliĝas.
| זכרתי משפטיך מעולם יהוה ואתנחם |
53 Flama furiozo min kaptas pro la malvirtuloj, Kiuj forlasas Vian leĝon.
| זלעפה אחזתני מרשעים-- עזבי תורתך |
54 Viaj leĝoj estas por mi kantoj En la domo de mia migrado.
| זמרות היו-לי חקיך-- בבית מגורי |
55 Mi rememoras en la nokto Vian nomon, ho Eternulo, Kaj mi plenumas Vian instruon.
| זכרתי בלילה שמך יהוה ואשמרה תורתך |
56 Tio fariĝis al mi, Ĉar mi observas Viajn ordonojn.
| זאת היתה-לי כי פקדיך נצרתי |
57 Mi diris: Mia sortaĵo estas, ho Eternulo, Plenumi Viajn vortojn.
| חלקי יהוה אמרתי-- לשמר דבריך |
58 Mi petegas antaŭ Vi per la tuta koro: Korfavoru min, konforme al Via vorto.
| חליתי פניך בכל-לב חנני כאמרתך |
59 Mi esploris miajn vojojn Kaj direktis miajn paŝojn al Viaj leĝoj.
| חשבתי דרכי ואשיבה רגלי אל-עדתיך |
60 Mi rapidas kaj ne prokrastas, Por plenumi Viajn ordonojn.
| חשתי ולא התמהמהתי-- לשמר מצותיך |
61 Retoj de malvirtuloj min ĉirkaŭis; Sed Vian instruon mi ne forgesis.
| חבלי רשעים עודני תורתך לא שכחתי |
62 En la mezo de la nokto mi leviĝas, Por glori Vin por Viaj justaj juĝoj.
| חצות-לילה--אקום להודות לך על משפטי צדקך |
63 Mi estas kamarado por ĉiuj, Kiuj Vin timas kaj kiuj observas Viajn ordonojn.
| חבר אני לכל-אשר יראוך ולשמרי פקודיך |
64 De Via boneco, ho Eternulo, la tero estas plena; Instruu al mi Viajn leĝojn.
| חסדך יהוה מלאה הארץ חקיך למדני |
65 Bonon Vi faris al Via sklavo, ho Eternulo, Konforme al Via vorto.
| טוב עשית עם-עבדך-- יהוה כדברך |
66 Bonajn morojn kaj scion instruu al mi, Ĉar al Viaj ordonoj mi kredas.
| טוב טעם ודעת למדני כי במצותיך האמנתי |
67 Antaŭ ol mi suferis, mi erarvagis, Sed nun mi observas Vian vorton.
| טרם אענה אני שגג ועתה אמרתך שמרתי |
68 Vi estas bona kaj bonfara; Instruu al mi Viajn leĝojn.
| טוב-אתה ומטיב למדני חקיך |
69 Fieruloj plektis mensogon pri mi; Sed mi per la tuta koro konservas Viajn ordonojn.
| טפלו עלי שקר זדים אני בכל-לב אצר פקודיך |
70 Grasiĝis kiel sebo ilia koro; Sed mi havas plezuron de Via instruo.
| טפש כחלב לבם אני תורתך שעשעתי |
71 Bone estas al mi, ke mi suferis, Por ke mi lernu Viajn leĝojn.
| טוב-לי כי-עניתי-- למען אלמד חקיך |
72 Pli bona estas por mi la instruo de Via buŝo, Ol miloj da oreroj kaj arĝenteroj.
| טוב-לי תורת-פיך-- מאלפי זהב וכסף |
73 Viaj manoj min kreis kaj fortikigis; Prudentigu min, kaj mi lernu Viajn ordonojn.
| ידיך עשוני ויכוננוני הבינני ואלמדה מצותיך |
74 Viaj timantoj min vidos kaj ĝojos, Ĉar mi fidis Vian vorton.
| יראיך יראוני וישמחו כי לדברך יחלתי |
75 Mi scias, ho Eternulo, ke Viaj juĝoj estas justaj, Kaj ke Vi juste min suferigis.
| ידעתי יהוה כי-צדק משפטיך ואמונה עניתני |
76 Via boneco estu do mia konsolo, Konforme al Via vorto al Via sklavo.
| יהי-נא חסדך לנחמני-- כאמרתך לעבדך |
77 Venu sur min Via favorkoreco, ke mi vivu; Ĉar Via instruo estas mia plezuro.
| יבאוני רחמיך ואחיה כי-תורתך שעשעי |
78 Hontiĝu la fieruloj, ĉar maljuste ili min premis; Mi meditos pri Viaj ordonoj.
| יבשו זדים כי-שקר עותוני אני אשיח בפקודיך |
79 Turniĝu al mi Viaj timantoj Kaj la konantoj de Viaj leĝoj.
| ישובו לי יראיך וידעו (וידעי) עדתיך |
80 Mia koro estu ĝusta, laŭ Viaj leĝoj, Por ke mi ne hontiĝu.
| יהי-לבי תמים בחקיך-- למען לא אבוש |
81 Mia animo avidas Vian savon; Vian vorton mi fidas.
| כלתה לתשועתך נפשי לדברך יחלתי |
82 Miaj okuloj avidas Vian vorton, dirante: Kiam Vi min konsolos?
| כלו עיני לאמרתך-- לאמר מתי תנחמני |
83 Ĉar mi fariĝis kiel felsako en fumo; Sed Viajn leĝojn mi ne forgesas.
| כי-הייתי כנאד בקיטור-- חקיך לא שכחתי |
84 Kiom estos la tagoj de Via sklavo? Kiam Vi faros juĝon super miaj persekutantoj?
| כמה ימי-עבדך מתי תעשה ברדפי משפט |
85 Fosojn fosis al mi la fieruloj, Kontraŭe al Viaj leĝoj.
| כרו-לי זדים שיחות-- אשר לא כתורתך |
86 Ĉiuj Viaj ordonoj estas vero; Maljuste oni min persekutas; helpu min.
| כל-מצותיך אמונה שקר רדפוני עזרני |
87 Oni preskaŭ pereigis min de sur la tero, Sed mi ne forlasis Viajn ordonojn.
| כמעט כלוני בארץ ואני לא-עזבתי פקדיך |
88 Laŭ Via boneco vivigu min, Kaj mi observos la ordonojn de Via buŝo.
| כחסדך חיני ואשמרה עדות פיך |
89 Por eterne, ho Eternulo, Via vorto staras forte en la ĉielo.
| לעולם יהוה-- דברך נצב בשמים |
90 Por ĉiuj generacioj restas Via vero; Vi fortikigis la teron, kaj ĝi staras.
| לדר ודר אמונתך כוננת ארץ ותעמד |
91 Laŭ Viaj leĝoj ĉio nun staras, Ĉar ĉio estas Viaj sklavoj.
| למשפטיך עמדו היום כי הכל עבדיך |
92 Se Via instruo ne estus mia konsolo, Mi pereus en mia mizero.
| לולי תורתך שעשעי-- אז אבדתי בעניי |
93 Neniam mi forgesos Viajn ordonojn, Ĉar per ili Vi min vivigas.
| לעולם לא-אשכח פקודיך כי בם חייתני |
94 Al Vi mi apartenas; Helpu min, ĉar mi serĉas Viajn ordonojn.
| לך-אני הושיעני כי פקודיך דרשתי |
95 Pri mi embuskis malvirtuloj, por min pereigi; Sed mi studas Viajn leĝojn.
| לי קוו רשעים לאבדני עדתיך אתבונן |
96 Ĉe ĉiu afero mi vidis finon; Sed Via ordono estas tre vasta.
| לכל-תכלה ראיתי קץ רחבה מצותך מאד |
97 Kiel mi amas Vian instruon! La tutan tagon mi meditas pri ĝi.
| מה-אהבתי תורתך כל-היום היא שיחתי |
98 Via ordono faras min pli saĝa ol miaj malamikoj, Ĉar ĝi restas al mi por ĉiam.
| מאיבי תחכמני מצותך כי לעולם היא-לי |
99 Mi fariĝis pli saĝa, ol ĉiuj miaj instruantoj, Ĉar Viaj leĝoj estas mia tuta meditado.
| מכל-מלמדי השכלתי כי עדותיך שיחה לי |
100 Mi estas pli scianta ol maljunuloj, Ĉar Viajn ordonojn mi konservas.
| מזקנים אתבונן כי פקודיך נצרתי |
101 De ĉiu malbona vojo mi detenas mian piedon, Por plenumi Vian vorton.
| מכל-ארח רע כלאתי רגלי-- למען אשמר דברך |
102 De Viaj decidoj mi ne dekliniĝas, Ĉar Vi min gvidas.
| ממשפטיך לא-סרתי כי-אתה הורתני |
103 Kiel dolĉa estas por mia palato Via vorto! Pli ol mielo por mia buŝo!
| מה-נמלצו לחכי אמרתך-- מדבש לפי |
104 De Viaj ordonoj mi prudentiĝas; Tial mi malamas ĉiun vojon de malvero.
| מפקודיך אתבונן על כן שנאתי כל-ארח שקר |
105 Via vorto estas lumilo por miaj piedoj, Kaj lumo por mia vojo.
| נר-לרגלי דברך ואור לנתיבתי |
106 Mi ĵuris, kaj mi plenumos: Observi Viajn justajn decidojn.
| נשבעתי ואקימה-- לשמר משפטי צדקך |
107 Mi estas tre senfortigita, ho Eternulo; Vivigu min, konforme al Via vorto.
| נעניתי עד-מאד יהוה חיני כדברך |
108 La oferdono de mia buŝo plaĉu al Vi, ho Eternulo, Kaj pri Viaj decidoj instruu min.
| נדבות פי רצה-נא יהוה ומשפטיך למדני |
109 Mia animo estas ĉiam en mia mano, Sed Vian instruon mi ne forgesas.
| נפשי בכפי תמיד ותורתך לא שכחתי |
110 La malvirtuloj metis reton por mi; Sed de Viaj ordonoj mi ne dekliniĝis.
| נתנו רשעים פח לי ומפקודיך לא תעיתי |
111 Mi heredigis al mi Viajn ordonojn por ĉiam, Ĉar ili estas la ĝojo de mia koro.
| נחלתי עדותיך לעולם כי-ששון לבי המה |
112 Mi klinis mian koron, Por plenumi Viajn leĝojn eterne ĝis la fino.
| נטיתי לבי לעשות חקיך-- לעולם עקב |
113 Skeptikulojn mi malamas, Sed Vian instruon mi amas.
| סעפים שנאתי ותורתך אהבתי |
114 Vi estas mia ŝirmo kaj ŝildo; Vian vorton mi fidas.
| סתרי ומגני אתה לדברך יחלתי |
115 Foriĝu de mi, malbonagantoj; Mi observos la ordonojn de mia Dio.
| סורו-ממני מרעים ואצרה מצות אלהי |
116 Subtenu min laŭ Via diro, ke mi vivu; Kaj ne hontigu min pri mia espero.
| סמכני כאמרתך ואחיה ואל-תבישני משברי |
117 Fortikigu min, ke mi saviĝu, Kaj mi ĉiam havos plezuron de Viaj leĝoj.
| סעדני ואושעה ואשעה בחקיך תמיד |
118 Vi forpuŝas ĉiujn, kiuj dekliniĝas de Viaj leĝoj, Ĉar ilia falsaĵo estas mensoga.
| סלית כל-שוגים מחקיך כי-שקר תרמיתם |
119 Kiel skorion Vi forĵetas ĉiujn malvirtulojn sur la tero; Tial mi amas Viajn decidojn.
| סגים--השבת כל-רשעי-ארץ לכן אהבתי עדתיך |
120 De Via teruro tremas mia karno, Kaj Viajn juĝojn mi timas.
| סמר מפחדך בשרי וממשפטיך יראתי |
121 Mi faris juĝon kaj justecon; Ne transdonu min al miaj premantoj.
| עשיתי משפט וצדק בל-תניחני לעשקי |
122 Garantie liberigu Vian sklavon por bono, Por ke fieruloj min ne premu.
| ערב עבדך לטוב אל-יעשקני זדים |
123 Miaj okuloj sopiras Vian helpon Kaj Vian justan vorton.
| עיני כלו לישועתך ולאמרת צדקך |
124 Agu kun Via sklavo laŭ Via boneco, Kaj Viajn leĝojn instruu al mi.
| עשה עם-עבדך כחסדך וחקיך למדני |
125 Mi estas Via sklavo; Klerigu min, ke mi sciu Viajn decidojn.
| עבדך-אני הבינני ואדעה עדתיך |
126 Estas tempo, ke la Eternulo agu: Ili rompis Vian leĝon.
| עת לעשות ליהוה-- הפרו תורתך |
127 Tial mi amas Viajn ordonojn Pli ol oron, eĉ ol puran oron.
| על-כן אהבתי מצותיך-- מזהב ומפז |
128 Tial mi estimas ĉiujn Viajn ordonojn, Ĉiun vojon de malvero mi malamas.
| על-כן כל-פקודי כל ישרתי כל-ארח שקר שנאתי |
129 Mirindaj estas Viaj decidoj; Tial mia animo ilin konservas.
| פלאות עדותיך על-כן נצרתם נפשי |
130 Malkaŝo de Via vorto klerigas, Ĝi prudentigas simplanimulojn.
| פתח דבריך יאיר מבין פתיים |
131 Mi malfermas mian buŝon kaj enspiras, Ĉar mi deziregas Viajn ordonojn.
| פי-פערתי ואשאפה כי למצותיך יאבתי |
132 Turnu Vin al mi kaj korfavoru min, Kiel Vi agas kun la amantoj de Via nomo.
| פנה-אלי וחנני-- כמשפט לאהבי שמך |
133 Direktu miajn paŝojn laŭ Via promeso; Kaj nenia malhonesteco ekregu super mi.
| פעמי הכן באמרתך ואל-תשלט-בי כל-און |
134 Liberigu min de homa premado; Kaj mi observos Viajn ordonojn.
| פדני מעשק אדם ואשמרה פקודיך |
135 Lumu per Via vizaĝo sur Vian sklavon, Kaj instruu al mi Viajn leĝojn.
| פניך האר בעבדך ולמדני את-חקיך |
136 Torentojn da akvo elverŝas miaj okuloj, Pro tio, ke oni ne plenumas Vian instruon.
| פלגי-מים ירדו עיני-- על לא-שמרו תורתך |
137 Justulo Vi estas, ho Eternulo, Kaj justaj estas Viaj juĝoj.
| צדיק אתה יהוה וישר משפטיך |
138 Vi aperigis Viajn decidojn Kun justeco kaj plena vero.
| צוית צדק עדתיך ואמונה מאד |
139 Elturmentis min mia fervoro, Ĉar miaj malamikoj forgesis Viajn vortojn.
| צמתתני קנאתי כי-שכחו דבריך צרי |
140 Tre pura estas Via vorto, Kaj Via sklavo ĝin amas.
| צרופה אמרתך מאד ועבדך אהבה |
141 Mi estas malgranda kaj malestimata; Sed Viajn ordonojn mi ne forgesas.
| צעיר אנכי ונבזה פקדיך לא שכחתי |
142 Via justeco estas justeco eterna, Kaj Via instruo estas vero.
| צדקתך צדק לעולם ותורתך אמת |
143 Sufero kaj mizero min trafis; Sed Viaj ordonoj estas mia plezuro.
| צר-ומצוק מצאוני מצותיך שעשעי |
144 La justeco de Viaj decidoj estas eterna; Klerigu min, por ke mi vivu.
| צדק עדותיך לעולם הבינני ואחיה |
145 Mi vokas el la tuta koro; aŭskultu min, ho Eternulo; Mi plenumos Viajn leĝojn.
| קראתי בכל-לב ענני יהוה חקיך אצרה |
146 Mi vokas al Vi; savu min, Kaj mi konservos Viajn decidojn.
| קראתיך הושיעני ואשמרה עדתיך |
147 Antaŭ la matenruĝo mi vokas; Vian vorton mi fidas.
| קדמתי בנשף ואשועה לדבריך (לדברך) יחלתי |
148 Antaŭ la noktaj gardopartoj miaj okuloj vekiĝas, Por ke mi meditu pri Via vorto.
| קדמו עיני אשמרות-- לשיח באמרתך |
149 Mian voĉon aŭskultu, laŭ Via boneco, ho Eternulo; Laŭ Via justeco lasu min vivi.
| קולי שמעה כחסדך יהוה כמשפטך חיני |
150 Alproksimiĝas malicaj persekutantoj; Malproksimaj ili estas de Via leĝo.
| קרבו רדפי זמה מתורתך רחקו |
151 Proksima Vi estas, ho Eternulo; Kaj ĉiuj Viaj ordonoj estas vero.
| קרוב אתה יהוה וכל-מצותיך אמת |
152 De longe mi scias pri Viaj decidoj, Ke Vi fiksis ilin por ĉiam.
| קדם ידעתי מעדתיך כי לעולם יסדתם |
153 Rigardu mian mizeron, kaj liberigu min, Ĉar Vian instruon mi ne forgesis.
| ראה-עניי וחלצני כי-תורתך לא שכחתי |
154 Defendu mian aferon, kaj liberigu min; Laŭ Via vorto lasu min vivi.
| ריבה ריבי וגאלני לאמרתך חיני |
155 Malproksima de malvirtuloj estas savo, Ĉar ili ne ŝatas Viajn leĝojn.
| רחוק מרשעים ישועה כי חקיך לא דרשו |
156 Via favorkoreco estas granda, ho Eternulo; Laŭ Via justeco lasu min vivi.
| רחמיך רבים יהוה כמשפטיך חיני |
157 Multaj estas miaj persekutantoj kaj premantoj, Sed de Viaj decidoj mi ne dekliniĝis.
| רבים רדפי וצרי מעדותיך לא נטיתי |
158 Mi vidis perfidulojn, kaj mi ilin abomenis, Ĉar Vian vorton ili ne observis.
| ראיתי בגדים ואתקוטטה-- אשר אמרתך לא שמרו |
159 Rigardu, mi amas Viajn ordonojn; Ho Eternulo, laŭ Via boneco lasu min vivi.
| ראה כי-פקודיך אהבתי יהוה כחסדך חיני |
160 La esenco de Via vorto estas vero, Kaj eterna estas ĉiu juĝo de Via justeco.
| ראש-דברך אמת ולעולם כל-משפט צדקך |
161 Princoj persekutas min senkaŭze; Sed Vian vorton timas mia koro.
| שרים רדפוני חנם ומדבריך (ומדברך) פחד לבי |
162 Mi ĝojas pri Via vorto, Kiel ricevinto de granda akiro.
| שש אנכי על-אמרתך-- כמוצא שלל רב |
163 Malveron mi malamas kaj abomenas; Vian instruon mi amas.
| שקר שנאתי ואתעבה תורתך אהבתי |
164 Sepfoje ĉiutage mi Vin gloras Por Viaj justaj juĝoj.
| שבע ביום הללתיך-- על משפטי צדקך |
165 Grandan pacon havas la amantoj de Via instruo; Kaj ili ne falpuŝiĝas.
| שלום רב לאהבי תורתך ואין-למו מכשול |
166 Mi atendas Vian savon, ho Eternulo, Viajn ordonojn mi plenumas.
| שברתי לישועתך יהוה ומצותיך עשיתי |
167 Mia animo observas Viajn decidojn, Kaj mi ilin forte amas.
| שמרה נפשי עדתיך ואהבם מאד |
168 Mi observas Viajn ordonojn kaj decidojn, Ĉar ĉiuj miaj vojoj estas antaŭ Vi.
| שמרתי פקודיך ועדתיך כי כל-דרכי נגדך |
169 Mia krio venu al Vi, ho Eternulo; Laŭ Via vorto klerigu min.
| תקרב רנתי לפניך יהוה כדברך הבינני |
170 Mia petego venu al Vi; Laŭ Via diro savu min.
| תבוא תחנתי לפניך כאמרתך הצילני |
171 Miaj lipoj eldiru gloradon, Ĉar Vi instruas al mi Viajn leĝojn.
| תבענה שפתי תהלה כי תלמדני חקיך |
172 Mia lango predikos pri Via vorto, Ĉar ĉiuj Viaj ordonoj estas justaj.
| תען לשוני אמרתך כי כל-מצותיך צדק |
173 Via mano estu al mi helpo, Ĉar Viajn ordonojn mi elektis.
| תהי-ידך לעזרני כי פקודיך בחרתי |
174 Mi deziregas Vian savon, ho Eternulo, Kaj Via instruo estas mia plezuro.
| תאבתי לישועתך יהוה ותורתך שעשעי |
175 Mia animo vivu kaj gloru Vin, Kaj Viaj juĝoj min helpu.
| תחי-נפשי ותהללך ומשפטך יעזרני |
176 Mi erarvagis kiel perdita ŝafo; Elserĉu Vian sklavon, ĉar Viajn ordonojn mi ne forgesis.
| תעיתי-- כשה אבד בקש עבדך כי מצותיך לא שכחתי |
