Sentencoj 31
1 Vortoj de la reĝo Lemuel, instruo, kiun donis al li lia patrino.
| דברי למואל מלך-- משא אשר-יסרתו אמו |
2 Ho mia filo, ho filo de mia ventro! Ho filo de miaj promesoj!
| מה-ברי ומה-בר-בטני ומה בר-נדרי |
3 Ne donu al la virinoj vian forton, Nek viajn agojn al la pereigantoj de reĝoj.
| אל-תתן לנשים חילך ודרכיך למחות מלכין |
4 Ne al la reĝoj, ho Lemuel, ne al la reĝoj konvenas trinki vinon, Nek al la princoj deziri ebriigaĵojn.
| אל למלכים למואל--אל למלכים שתו-יין ולרוזנים או (אי) שכר |
5 Ĉar drinkinte, ili povas forgesi la leĝojn, Kaj ili malĝustigos la juĝon de ĉiuj prematoj.
| פן-ישתה וישכח מחקק וישנה דין כל-בני-עני |
6 Donu ebriigaĵon al la pereanto, Kaj vinon al tiu, kiu havas suferantan animon.
| תנו-שכר לאובד ויין למרי נפש |
7 Li trinku, kaj forgesu sian malriĉecon, Kaj li ne plu rememoru sian malfeliĉon.
| ישתה וישכח רישו ועמלו לא יזכר-עוד |
8 Malfermu vian buŝon por senvoĉulo, Por la defendo de ĉiuj forlasitaj.
| פתח-פיך לאלם אל-דין כל-בני חלוף |
9 Malfermu vian buŝon, por juĝi juste, Por defendi malriĉulon kaj senhavulon.
| פתח-פיך שפט-צדק ודין עני ואביון |
10 Se iu trovis kapablan edzinon, Ŝia valoro estas pli granda ol perloj.
| אשת-חיל מי ימצא ורחק מפנינים מכרה |
11 Fidas ŝin la koro de ŝia edzo, Kaj havo ne mankos.
| בטח בה לב בעלה ושלל לא יחסר |
12 Ŝi redonas al li bonon, sed ne malbonon, En la daŭro de ŝia tuta vivo.
| גמלתהו טוב ולא-רע-- כל ימי חייה |
13 Ŝi serĉas lanon kaj linon, Kaj volonte laboras per siaj manoj.
| דרשה צמר ופשתים ותעש בחפץ כפיה |
14 Ŝi estas kiel ŝipo de komercisto; De malproksime ŝi alportas sian panon.
| היתה כאניות סוחר ממרחק תביא לחמה |
15 Ŝi leviĝas, kiam estas ankoraŭ nokto, Kaj ŝi disdonas manĝon al sia domanaro Kaj porciojn al siaj servantinoj;
| ותקם בעוד לילה--ותתן טרף לביתה וחק לנערתיה |
16 Ŝi pensas pri kampo, kaj aĉetas ĝin; Per la enspezoj de sia mano ŝi plantas vinberĝardenon.
| זממה שדה ותקחהו מפרי כפיה נטע (נטעה) כרם |
17 Ŝi zonas siajn lumbojn per forto Kaj fortikigas siajn brakojn.
| חגרה בעוז מתניה ותאמץ זרועתיה |
18 Ŝi komprenas, ke ŝia komercado estas bona; Ŝia lumilo ne estingiĝas en la nokto.
| טעמה כי-טוב סחרה לא-יכבה בליל (בלילה) נרה |
19 Ŝi etendas sian manon al la ŝpinilo, Kaj ŝiaj fingroj tenas la ŝpinturnilon.
| ידיה שלחה בכישור וכפיה תמכו פלך |
20 Ŝi malfermas sian manon al la malriĉulo Kaj etendas siajn manojn al la senhavulo.
| כפה פרשה לעני וידיה שלחה לאביון |
21 Ŝi ne timas la neĝon por sia domo, Ĉar ŝia tuta domanaro estas vestita per ruĝa teksaĵo.
| לא-תירא לביתה משלג כי כל-ביתה לבש שנים |
22 Ŝi faras al si kovrojn; Delikata tolo kaj purpuro estas ŝiaj vestoj.
| מרבדים עשתה-לה שש וארגמן לבושה |
23 Ŝia edzo estas konata ĉe la pordego, Kie li sidas kune kun la maljunuloj de la lando.
| נודע בשערים בעלה בשבתו עם-זקני-ארץ |
24 Ŝi faras teksaĵon kaj vendas, Kaj zonojn ŝi donas al la komercisto.
| סדין עשתה ותמכר וחגור נתנה לכנעני |
25 Fortika kaj bela estas ŝia vesto, Kaj ŝi ridas pri la venonta tago.
| עז-והדר לבושה ותשחק ליום אחרון |
26 Sian buŝon ŝi malfermas kun saĝo; Bonkora instruo estas sur ŝia lango.
| פיה פתחה בחכמה ותורת חסד על-לשונה |
27 Ŝi kontrolas la iradon de aferoj en sia domo, Kaj ŝi ne manĝas panon en senlaboreco.
| צופיה הילכות (הליכות) ביתה ולחם עצלות לא תאכל |
28 Leviĝas ŝiaj filoj kaj ŝin gratulas; Ŝia edzo ŝin laŭdegas, dirante:
| קמו בניה ויאשרוה בעלה ויהללה |
29 Multaj filinoj estas bravaj, Sed vi superas ĉiujn.
| רבות בנות עשו חיל ואת עלית על-כלנה |
30 Ĉarmeco estas trompa, kaj beleco estas vantaĵo; Virino, kiu timas la Eternulon, estos glorata.
| שקר החן והבל היפי אשה יראת-יהוה היא תתהלל |
31 Donu al ŝi laŭ la fruktoj de ŝiaj manoj; Kaj ŝiaj faroj ŝin gloros ĉe la pordegoj.
| תנו-לה מפרי ידיה ויהללוה בשערים מעשיה |
