Sentencoj 3
1 Mia filo! ne forgesu mian instruon, Kaj via koro konservu miajn ordonojn.
My son, forget not my law; But let thy heart keep my commandments:
2 Ĉar ili akirigos al vi longan vivon, Jarojn de vivo kaj paco.
For length of days, and years of life, And peace, will they add to thee.
3 Favoro kaj vero vin ne forlasu; Alligu ilin al via kolo, Skribu ilin sur la tabeloj de via koro.
Let not kindness and truth forsake thee: Bind them about thy neck; Write them upon the tablet of thy heart:
4 Kaj vi trovos favoron kaj bonan opinion Ĉe Dio kaj homoj.
So shalt thou find favor and good understanding In the sight of God and man.
5 Fidu la Eternulon per via tuta koro, Kaj ne fidu vian prudenton.
Trust in Jehovah with all thy heart, And lean not upon thine own understanding:
6 Konsciu Lin en ĉiuj viaj vojoj, Kaj Li ĝustigos vian iradon.
In all thy ways acknowledge him, And he will direct thy paths.
7 Ne opiniu vin saĝa; Timu la Eternulon, kaj deturnu vin de malbono.
Be not wise in thine own eyes; Fear Jehovah, and depart from evil:
8 Ĉi tio estos saniga por via korpo, Kaj bona nutro por viaj ostoj.
It will be health to thy navel, And marrow to thy bones.
9 Faru honoron al la Eternulo el via havo Kaj el la unuavenaĵo de ĉiuj viaj rikoltoj:
Honor Jehovah with thy substance, And with the first-fruits of all thine increase:
10 Tiam viaj grenejoj tute pleniĝos, Kaj viaj vinpremejoj superbordigos moston.
So shall thy barns be filled with plenty, And thy vats shall overflow with new wine.
11 La instruon de la Eternulo, ho mia filo, ne malŝatu; Kaj ne deturnu vin, kiam Li faras al vi punon;
My son, despise not the chastening of Jehovah; Neither be weary of his reproof:
12 Ĉar kiun la Eternulo amas, tiun Li punkorektas, Kiel patro la filon, en kiu li havas plezuron.
For whom Jehovah loveth he reproveth, Even as a father the son in whom he delighteth.
13 Feliĉa estas la homo, kiu trovis saĝon, Kaj la homo, kiu akiris prudenton;
Happy is the man that findeth wisdom, And the man that getteth understanding.
14 Ĉar estas pli bone ĝin aĉeti, ol aĉeti arĝenton, Kaj ĝia rikoltaĵo estas pli bona, ol pura oro.
For the gaining of it is better than the gaining of silver, And the profit thereof than fine gold.
15 Ĝi estas pli kara, ol juveloj; Kaj nenio, kion vi povus deziri, povas esti komparata kun ĝi.
She is more precious than rubies: And none of the things thou canst desire are to be compared unto her.
16 Longa vivo estas en ĝia dekstra mano; Riĉo kaj gloro estas en ĝia maldekstra mano.
Length of days is in her right hand; In her left hand are riches and honor.
17 Ĝiaj vojoj estas vojoj agrablaj, Kaj ĉiuj ĝiaj vojetoj estas paco.
Her ways are ways of pleasantness, And all her paths are peace.
18 Ĝi estas arbo de vivo por tiuj, kiuj ĝin ekkaptis; Kaj feliĉaj estas tiuj, kiuj ĝin posedas.
She is a tree of life to them that lay hold upon her: And happy is every one that retaineth her.
19 La Eternulo per saĝo fondis la teron; Per prudento Li aranĝis la ĉielon.
Jehovah by wisdom founded the earth; By understanding he established the heavens.
20 Per Lia ĉionsciado disiĝis abismoj; Kaj la nuboj elverŝas roson.
By his knowledge the depths were broken up, And the skies drop down the dew.
21 Mia filo! ili ne foriru de viaj okuloj; Konservu klarecon de la kapo kaj prudenton:
My son, let them not depart from thine eyes; Keep sound wisdom and discretion:
22 Ili estos vivo por via animo, Kaj ornamo por via kolo.
So shall they be life unto thy soul, And grace to thy neck.
23 Tiam vi iros sendanĝere vian vojon, Kaj via piedo ne falpuŝiĝos.
Then shalt thou walk in thy way securely, And thy foot shall not stumble.
24 Kiam vi kuŝiĝos dormi, vi ne timos; Kaj kiam vi kuŝos, via dormo estos agrabla.
When thou liest down, thou shalt not be afraid: Yea, thou shalt lie down, and thy sleep shall be sweet.
25 Ne timu subitan teruron, Nek pereigon, kiu povus veni de malbonuloj;
Be not afraid of sudden fear, Neither of the desolation of the wicked, when it cometh:
26 Ĉar la Eternulo estos via helpo, Kaj gardos vian piedon kontraŭ reto.
For Jehovah will be thy confidence, And will keep thy foot from being taken.
27 Ne rifuzu bonon al la bezonantoj, Se via mano havas la forton por fari.
Withhold not good from them to whom it is due, When it is in the power of thy hand to do it.
28 Kiam vi havas ĉe vi, ne diru al via proksimulo: Iru kaj revenu, kaj morgaŭ mi donos.
Say not unto thy neighbor, Go, and come again, And to-morrow I will give; When thou hast it by thee.
29 Ne pripensu malbonon kontraŭ via proksimulo, Kiam li kun konfido loĝas ĉe vi.
Devise not evil against thy neighbor, Seeing he dwelleth securely by thee.
30 Ne malpacu kun iu senkaŭze, Se li ne faris al vi malbonon.
Strive not with a man without cause, If he have done thee no harm.
31 Ne enviu rabemulon, Kaj elektu neniun el liaj vojoj;
Envy thou not the man of violence, And choose none of his ways.
32 Ĉar la perversulojn la Eternulo abomenas, Kaj Sian intencon Li malkaŝas al la piuloj.
For the perverse is an abomination to Jehovah; But his friendship is with the upright.
33 Malbeno de la Eternulo estas en la domo de malbonulo, Kaj la loĝejon de piuloj Li benas.
The curse of Jehovah is in the house of the wicked; But he blesseth the habitation of the righteous.
34 La mokantojn Li mokas, Kaj al la humiluloj Li donas favoron.
Surely he scoffeth at the scoffers; But he giveth grace unto the lowly.
35 Honoron heredas saĝuloj; Sed malsaĝuloj forportas honton.
The wise shall inherit glory; But shame shall be the promotion of fools.
