Psalms 99

1 The Lord hath regned, puplis ben wrooth; thou that sittist on cherubyn, the erthe be moued.

Psalmus ipsi David. [Dominus regnavit: irascantur populi; qui sedet super cherubim: moveatur terra.

2 The Lord is greet in Sion; and hiy aboue alle puplis.

Dominus in Sion magnus, et excelsus super omnes populos.

3 Knouleche thei to thi greet name, for it is ferdful and hooli;

Confiteantur nomini tuo magno, quoniam terribile et sanctum est,

4 and the onour of the king loueth doom. Thou hast maad redi dressyngis; thou hast maad doom and riytfulnesse in Jacob.

et honor regis judicium diligit. Tu parasti directiones; judicium et justitiam in Jacob tu fecisti.

5 Enhaunse ye oure Lord God; and worschipe ye the stool of hise feet, for it is hooli.

Exaltate Dominum Deum nostrum, et adorate scabellum pedum ejus, quoniam sanctum est.

6 Moises and Aaron weren among hise preestis; and Samuel was among hem that inwardli clepen his name. Thei inwardli clepiden the Lord, and he herde hem;

Moyses et Aaron in sacerdotibus ejus, et Samuel inter eos qui invocant nomen ejus: invocabant Dominum, et ipse exaudiebat eos;

7 in a piler of cloude he spak to hem. Thei kepten hise witnessyngis; and the comaundement which he yaf to hem.

in columna nubis loquebatur ad eos. Custodiebant testimonia ejus, et præceptum quod dedit illis.

8 Oure Lord God, thou herdist hem; God, thou were merciful to hem, and thou tokist veniaunce on al her fyndyngis.

Domine Deus noster, tu exaudiebas eos; Deus, tu propitius fuisti eis, et ulciscens in omnes adinventiones eorum.

9 Enhaunse ye oure Lord God, and worschipe ye in his hooli hil; for oure Lord God is hooli.

Exaltate Dominum Deum nostrum, et adorate in monte sancto ejus, quoniam sanctus Dominus Deus noster.]