Psalms 97
1 The Lord hath regned, the erthe make ful out ioye; many ilis be glad.
Huic David, Quando terra eius restituta est. Dominus regnavit, exultet terra: lætentur insulæ multæ.
2 Cloude and derknesse in his cumpas; riytfulnesse and doom is amending of his seete.
Nubes, et caligo in circuitu eius: iustitia, et iudicium correctio sedis eius.
3 Fier schal go bifore him; and schal enflawme hise enemyes in cumpas.
Ignis ante ipsum præcedet, et inflammabit in circuitu inimicos eius.
4 Hise leitis schyneden to the world; the erthe siy, and was moued.
Illuxerunt fulgura eius orbi terræ: vidit, et commota est terra.
5 Hillis as wax fletiden doun fro the face of the Lord; al erthe fro the face of the Lord.
Montes, sicut cera fluxerunt a facie Domini: a facie Domini omnis terra.
6 Heuenes telden his riytfulnesse; and alle puplis sien his glorie.
Annunciaverunt cæli iustitiam eius: et viderunt omnes populi gloriam eius.
7 Alle that worschipen sculptilis be schent, and thei that han glorie in her symelacris; alle ye aungels of the Lord, worschipe him.
Confundantur omnes, qui adorant sculptilia: et qui gloriantur in simulacris suis. Adorate eum omnes angeli eius:
8 Sion herde, and was glad, and the douytris of Juda maden ful out ioye; for `thi domes, Lord.
audivit, et lætata est Sion. Et exultaverunt filiæ Iudæ, propter iudicia tua Domine:
9 For thou, Lord, art the hiyeste on al erthe; thou art greetli enhaunsid ouere alle goddis.
Quoniam tu Dominus altissimus super omnem terram: nimis exaltatus es super omnes deos.
10 Ye that louen the Lord, hate yuel; the Lord kepith the soulis of hise seyntis; he schal delyuer hem fro the hond of the synner.
Qui diligitis Dominum, odite malum: custodit Dominus animas sanctorum suorum, de manu peccatoris liberabit eos.
11 Liyt is risun to the riytful man; and gladnesse to riytful men of herte.
Lux orta est iusto, et rectis corde lætitia.
12 Juste men, be ye glad in the Lord; and knouleche ye to the mynde of his halewyng.
Lætamini iusti in Domino: et confitemini memoriæ sanctificationis eius.
