Psalms 89

1 The lernyng of Ethan, Ezraite. I schal synge with outen ende; the mercies of the Lord. In generacioun and in to generacioun; Y schal telle thi treuthe with my mouth.

Ra Anumzamofo vagaore avesizama'agura nagra zagamera huvava hugahue. Hugahuema hu'nana kema avaririnkama hu kavukvazana huama nehanuge'za, forehu anante anante'ma hanaza vahe'mo'za antahigahaze.

2 For thou seidist, With outen ende merci schal be bildid in heuenes; thi treuthe schal be maad redi in tho.

Na'ankure nagra amanage hu'na huama hugahue, Ra Anumzamoka vagaore kavesizamo'a mevava huno vugahie. Hugahuema hunana kema avaririnkama hu kavukvazamo'a monamo'ma nehiaza huno mevava hugahie.

3 I disposide a testament to my chosun men; Y swoor to Dauid, my seruaunt,

Ra Anumzamoka hunka, Nagrama huhamprinte'noa eri'za ne' Deviti'ene huhagerafi huvempagea nehu'na, agri'ene huvempa kea hu'noe.

4 Til in to with outen ende I schal make redi thi seed. And Y schal bilde thi seete; in generacioun, and in to generacioun.

Devitiga kagripinti'ma fore'ma hu anante anante'ma hu'za vanaza vahepintinke, kini vahera zamazeri fore huvava hu'na vugahue hunka hu'nane.

5 Lord, heuenes schulen knouleche thi merueilis; and thi treuthe in the chirche of seyntis.

Ra Anumzamoka monamo'za knare huno mareri agatere kavukva zanka'a husga hunegantesage'za, hugahuema hu'nana ke'ma avaririnkama hu kavukvazana, atruma hu'za mani'saza ankero vahe'mo'za husga hugahaze.

6 For who in the cloudis schal be maad euene to the Lord; schal be lijk God among the sones of God?

Iza monafima nemanizafintira Ra Anumzanknara hu'ne? Monafima mani'nea hanavenentake ankeromo'a Kagri knara osu'ne.

7 God, which is glorified in the counsel of seyntis; is greet, and dreedful ouere alle that ben in his cumpas.

Marerirfa ankero vahe'mo'za, Anumzamofonkura kesga hu'za koro hunentaze. Anumzamo'a Agri'ma tra'are'ma manigaginte'naza ankero vahetmina, zamagatereno mareri agatere'nea Anumza mani'ne.

8 Lord God of vertues, who is lijk thee? Lord, thou art miyti, and thi treuthe is in thi cumpas.

Ra Anumzana Monafinka Sondia vahe'mofo Anumza mani'nane! Kagrikna hankave Anumzana omani'ne. Ra Anumzamoka kagra hankavenentake Anumza mani'nenka, hugahuema hu'nana kema avaririnkama hu kavukvazamo'a kazeri kagi'ne.

9 Thou art Lord of the power of the see; forsothe thou aswagist the stiryng of the wawis therof.

Kagra knafu knafu'ma nehia hagerina kegava hu'nane. Hagerimo'ma knafu knafu'ma higenka, Kagra zamaherava nehane.

10 Thou madist lowe the proude, as woundid; in the arm of thi vertu thou hast scaterid thin enemyes.

Rehapu'e hu'zama nehaza tusi'a osifave krerfama hagerimpima nemania osifavea, Kagra asenia rupraro vazinka ahe'nane. Hankavenentake kazanuti ha' vaheka'a zamahe panani hu'nane.

11 Heuenes ben thin, and erthe is thin; thou hast foundid the world, and the fulnesse therof;

Ra Anumzamoka mona kagri su'a megeno, mopa kagri su'a me'ne. Hagi maka ama mopafima me'nea zantamina maka kagrike zantmi me'neankinka, kagrake tro huzmante'nane.

12 thou madist of nouyt the north and the see. Thabor and Hermon schulen make ful out ioye in thi name;

Kagrake'za noti kazigama me'nea zantamina tro nehunka, sauti kazigama me'nea zantamina tro hu'nane. Tabori agonane Hemoni agonanemokea musena nehuke, zagamera huke kagia ahentesga neha'e.

13 thin arm with power. Thin hond be maad stidefast, and thi riythond be enhaunsid;

Anumzamoka kazamofona hihamu hanave'amo'a agatere'ne. Kazamo'a tusiza huno hanavenentake hu'ne. Tamaga kaziga kazamo'a mareri agatereno hankavenentake hu'ne.

14 riytfulnesse and doom is the makyng redy of thi seete. Merci and treuthe schulen go bifore thi face;

Fatgo avu'avazane, maka zama fatgoma huno'ma refkohu avu'avazamokea kinima mani'nana traka'amofo tra me'na'e. Vagaore kavesizamo'ene tamage nanekekamo'enena kavuga neva'e.

15 blessid is the puple that kan hertli song. Lord, thei schulen go in the liyt of thi cheer;

Ra Anumzamofoma mono'ma hunente'za muse zagame'ma nehaza vahe'mo'za muse hugahaze. Na'ankure zamagra Ra Anumzamofona Agri masa zampi vano nehaze.

16 and in thi name thei schulen make ful out ioye al dai; and thei schulen be enhaunsid in thi riytfulnesse.

Kagri kagirera nanteranteti agafa hu'za musena nehazageno, vuno kinaga omese'ne. Fatgo kavukva zanka'amo'a zamagrira zamazeri muse nehie.

17 For thou art the glorie of the vertu of hem; and in thi good plesaunce oure horn schal be enhaunsid.

Kagra masanentake hihamu hankavezmi mani'nane. Na'ankure kagra muse hurantenka hankavea neraminketa, tagra hankavenentakera nehune.

18 For oure takyng vp is of the Lord; and of the hooli of Israel oure kyng.

Ra Anumzantimoka Kagra tagri hanko mani'nane. Israeli vahe'mofo Ruotge'ma hu'nea Ne'mo'a Agra kinia tami'ne. (2 Samuel 7:8-16)

19 Thanne thou spakist in reuelacioun to thi seyntis, and seidist, Y haue set help in the myyti; and Y haue enhaunsid the chosun man of my puple.

Korapara Kagri'ma kazigazima hu'za negavariri'za tagehemofona, ava'nafi nanekea amanage hunka zamasami'nane, Nagra hankavenentake sondia azeri oti'noe. Nagra amne vahepinti vahetmimofo kini manigahane hu'na huhamprinte'noe.

20 I foond Dauid, my seruaunt; Y anoyntide hym with myn hooli oile.

Nagra eri'za vahe'ni'a Deviti hakena erifore hu'noe. Nagra ruotge masave anumpina taginte'na, azeri ruotge hunte'noe.

21 For myn hond schal helpe him; and myn arm schal conferme hym.

Nagra nazanu hagaza nemi'na, hihamu'ane nazanu azeri hankavetigahue.

22 The enemye schal no thing profite in him; and the sone of wickidnesse schal not `ley to, for to anoye him.

Ha' vahe'amo'za revatga osuge, kefo avu'ava'ma nehaza vahe'mo'za azeri fenkamia otregahaze.

23 And Y schal sle hise enemyes fro his face; and Y schal turne in to fliyt hem that haten hym.

Agri avuga ha' vahe'aramina zamahe'na rehapatinetre'na, zamavaresrama hunentaza vahera zamahehna hugahue.

24 And my treuthe and mercy schal be with him; and his horn schal be enhaunsid in my name.

Nagra avesinte vava nehu'na, agrane mani'nenugeno nagri nagifinti hankavea erino ome hankavetigahie.

25 And Y schal sette his hond in the see; and his riyt hoond in flodis.

Hihamu amisugeno Mediterenia hagerinteti vuno, zage hanati kaziga Yufretis tirantema uhanati'nea mopa kegava hugahie.

26 He schal inwardli clepe me, Thou art my fadir; my God, and the vptaker of myn heelthe.

Ana hanugeno Nagrikura amanage hugahie, Kagra Nenfaga mani'nenka, nagri Anumza mani'nanankinka, nagri naguvazi Have mani'nane huno hugahie.

27 And Y schal sette him the firste gendrid sone; hiyer than the kyngis of erthe.

Nagra azeri nagonesa mofavre sa'nena, maka ama mopafina hankavenentake kini ne' fore huno manigahie.

28 With outen ende Y schal kepe my merci to hym; and my testament feithful to him.

Nagra vagaore navesizanu, navesinte vava hu'na nevuna, huhagerafi huvempa ke'ni'a eri tamage hugahue.

29 And Y schal sette his seed in to the world of world; and his trone as the daies of heuene.

Agripinti'ma fore hu anante anante'ma hu'za vanaza vahera kegava huzmante'nanena, kini tra'amo'a monagna huno mevava huno vugahie.

30 Forsothe if hise sones forsaken my lawe; and goen not in my domes.

Hianagi agripinti fore hu anante anantema hanaza vahe'mo'zama nagri kene kasegenema novaririza, kasegeni'a novaririsaza,

31 If thei maken vnhooli my riytfulnessis; and kepen not my comaundementis.

tra keni'a ruhanetagi'za, kasegenima ovaririnazana,

32 I schal visite in a yerde the wickidnessis of hem; and in betyngis the synnes of hem.

Nagra ana kumizmirera sefu nezmi'na, ke'nima rutrage'narera knazana zamigahue.

33 But Y schal not scatere my mercy fro hym; and in my treuthe Y schal not anoye hym.

Hianagi Nagra navesinte vava nehu'na, agri'enema huvempama hu'noa keni'a ruha'ontagigahue.

34 Nethir Y schal make vnhooli my testament; and Y schal not make voide tho thingis that comen forth of my lippis.

Huge huhagerafi'noa keni'a ruha'ontagige, magore hu'na kema hu'noa kea ete'na eri otregahue.

35 Onys Y swoor in myn hooli;

Nagra ruotge hu'nea huvempage Devitina hunte'noankina, havigea osugahue.

36 Y schal not lie to Dauid, his seed schal dwelle with outen ende.

Deviti nagapintike kini vahera manivava hu'za vanageno, kini tra'amo'a zagemo'ma nehiaza huno mevava huno vugahie.

37 And his trone as sunne in my siyt, and as a perfit mone with outen ende; and a feithful witnesse in heuene.

Ikamo'ma monafima me'nenoma, huama'ma huno neviaza huno, tra'amo'a mevava huno vugahie.

38 But thou hast put awei, and hast dispisid; and hast dilaied thi crist.

Hianagi menina kavresra hunentenka kamefi humine. Masavema anumpima tagintenka kinima azeri oti'nana nera krimpa ahentane.

39 Thou hast turned awei the testament of thi seruaunt; thou madist vnhooli his seyntuarie in erthe.

Eri'za vaheka'anema huhagerafi'nana huvempa kea kamefi huneminka, kini fetori'a kugusopafi zafitre'nane.

40 Thou distriedist alle the heggis therof; thou hast set the stidefastnesse therof drede.

Agu'ma nevazia kuma have keginaramina, maka ahe fragu vazinetrenka, fraki kuma'a eri haviza hutre'nane.

41 Alle men passynge bi the weie rauyschiden him; he is maad schenschipe to hise neiyboris.

Maka vahe'ma ana kante'ma enevaza vahe'mo'za arohure'za keonke zama'a eri hana nehazageno, tavaoma'arema nemaniza kini ne'mofona kizazokago ke hunte'naze.

42 Thou hast enhaunsid the riythond of men oppressinge him; thou hast gladid alle hise enemyes.

Ha' vahe'aramina hankave zaminke'za hara hugate'nere'za, musenkase nehaze.

43 Thou hast turned awei the help of his swerd; and thou helpidist not hym in batel.

Ha'ma nehia bainati kazinknoma'a eri amnezankna nehunka, ha'ma nehigenka kamefi huminka aza osu'nane.

44 Thou destriedist him fro clensing; and thou hast hurtlid doun his seete in erthe.

Kagra marerirfa konariri'a eri netrenka, kini tra'a mopafi eri akaha hutre'nane.

45 Thou hast maad lesse the daies of his time; thou hast bisched him with schenschip.

Kagra ame hunka zahufafi azeri ozafa nerenka, azeri agaze hu'nane.

46 Lord, hou longe turnest thou awei in to the ende; schal thin ire brenne out as fier?

Ra Anumzamoka nama'agna fraki vava hunka vugahane? Krimpa ahe'zamo'a nama'gna teveareno vugahie?

47 Bithenke thou what is my substaunce; for whether thou hast ordeyned veynli alle the sones of men?

Kagesa antahio, nagra zazatera mani'na ovugahue. Vahe'ma tro'ma hurante'nanana, amne'za mani'none.

48 Who is a man, that schal lyue, and schal not se deth; schal delyuere his soule fro the hond of helle? (Sheol h7585)

Mago'mo'e huno mani vava huno ovugahianki, maka frisuna vaheke mani'none. Mago'mo'e huno fri'zana agatereno fregara osu'ne. (Sheol h7585)

49 Lord, where ben thin elde mercies; as thou hast swore to Dauid in thi treuthe?

Ra Anumzamoka iga vagaore kavesizana me'negenka anara nehane? Kagra huvempama Deviti'ma hunentenka, kavesinte vava hugahue hu'nane.

50 Lord, be thou myndeful of the schenschipe of thi seruauntis, of many hethene men; whiche Y helde togidere in my bosum.

Ra Anumzamoka eri'za vaheka'amo'na huhavizama hunenantazana antahio. Rama'a vahe'mo'zama huhavizama hunenantaza kea nagu'afi erinte'na vano nehue.

51 Whiche thin enemyes, Lord, diden schenschipfuli; for thei dispisiden the chaungyng of thi crist.

Ra Anumzamoka ha' vahekamo'za kizazokago ke hunenantaze. Anumpima masavema tagintenka kinima azeri oti'nana nera, vuno eno'ma hirega hunte'za ki'za zokago ke hunentaze.

52 Blessid be the Lord with outen ende; be it don, be it don.

Ra Anumzana ragi amivava hugahune. Tamage, tamage.