Psalms 89
1 The lernyng of Ethan, Ezraite. I schal synge with outen ende; the mercies of the Lord. In generacioun and in to generacioun; Y schal telle thi treuthe with my mouth.
| משכיל לאיתן האזרחי ב חסדי יהוה עולם אשירה לדר ודר אודיע אמונתך בפי |
2 For thou seidist, With outen ende merci schal be bildid in heuenes; thi treuthe schal be maad redi in tho.
| כי-אמרתי--עולם חסד יבנה שמים תכן אמונתך בהם |
3 I disposide a testament to my chosun men; Y swoor to Dauid, my seruaunt,
| כרתי ברית לבחירי נשבעתי לדוד עבדי |
4 Til in to with outen ende I schal make redi thi seed. And Y schal bilde thi seete; in generacioun, and in to generacioun.
| עד-עולם אכין זרעך ובניתי לדר-ודור כסאך סלה |
5 Lord, heuenes schulen knouleche thi merueilis; and thi treuthe in the chirche of seyntis.
| ויודו שמים פלאך יהוה אף-אמונתך בקהל קדשים |
6 For who in the cloudis schal be maad euene to the Lord; schal be lijk God among the sones of God?
| כי מי בשחק יערך ליהוה ידמה ליהוה בבני אלים |
7 God, which is glorified in the counsel of seyntis; is greet, and dreedful ouere alle that ben in his cumpas.
| אל נערץ בסוד-קדשים רבה ונורא על-כל-סביביו |
8 Lord God of vertues, who is lijk thee? Lord, thou art miyti, and thi treuthe is in thi cumpas.
| יהוה אלהי צבאות--מי-כמוך חסין יה ואמונתך סביבותיך |
9 Thou art Lord of the power of the see; forsothe thou aswagist the stiryng of the wawis therof.
| אתה מושל בגאות הים בשוא גליו אתה תשבחם |
10 Thou madist lowe the proude, as woundid; in the arm of thi vertu thou hast scaterid thin enemyes.
| אתה דכאת כחלל רהב בזרוע עזך פזרת אויביך |
11 Heuenes ben thin, and erthe is thin; thou hast foundid the world, and the fulnesse therof;
| לך שמים אף-לך ארץ תבל ומלאה אתה יסדתם |
12 thou madist of nouyt the north and the see. Thabor and Hermon schulen make ful out ioye in thi name;
| צפון וימין אתה בראתם תבור וחרמון בשמך ירננו |
13 thin arm with power. Thin hond be maad stidefast, and thi riythond be enhaunsid;
| לך זרוע עם-גבורה תעז ידך תרום ימינך |
14 riytfulnesse and doom is the makyng redy of thi seete. Merci and treuthe schulen go bifore thi face;
| צדק ומשפט מכון כסאך חסד ואמת יקדמו פניך |
15 blessid is the puple that kan hertli song. Lord, thei schulen go in the liyt of thi cheer;
| אשרי העם ידעי תרועה יהוה באור-פניך יהלכון |
16 and in thi name thei schulen make ful out ioye al dai; and thei schulen be enhaunsid in thi riytfulnesse.
| בשמך יגילון כל-היום ובצדקתך ירומו |
17 For thou art the glorie of the vertu of hem; and in thi good plesaunce oure horn schal be enhaunsid.
| כי-תפארת עזמו אתה וברצונך תרים (תרום) קרנינו |
18 For oure takyng vp is of the Lord; and of the hooli of Israel oure kyng.
| כי ליהוה מגננו ולקדוש ישראל מלכנו |
19 Thanne thou spakist in reuelacioun to thi seyntis, and seidist, Y haue set help in the myyti; and Y haue enhaunsid the chosun man of my puple.
| אז דברת בחזון לחסידיך-- ותאמר שויתי עזר על-גבור הרימותי בחור מעם |
20 I foond Dauid, my seruaunt; Y anoyntide hym with myn hooli oile.
| מצאתי דוד עבדי בשמן קדשי משחתיו |
21 For myn hond schal helpe him; and myn arm schal conferme hym.
| אשר ידי תכון עמו אף-זרועי תאמצנו |
22 The enemye schal no thing profite in him; and the sone of wickidnesse schal not `ley to, for to anoye him.
| לא-ישיא אויב בו ובן-עולה לא יעננו |
23 And Y schal sle hise enemyes fro his face; and Y schal turne in to fliyt hem that haten hym.
| וכתותי מפניו צריו ומשנאיו אגוף |
24 And my treuthe and mercy schal be with him; and his horn schal be enhaunsid in my name.
| ואמונתי וחסדי עמו ובשמי תרום קרנו |
25 And Y schal sette his hond in the see; and his riyt hoond in flodis.
| ושמתי בים ידו ובנהרות ימינו |
26 He schal inwardli clepe me, Thou art my fadir; my God, and the vptaker of myn heelthe.
| הוא יקראני אבי אתה אלי וצור ישועתי |
27 And Y schal sette him the firste gendrid sone; hiyer than the kyngis of erthe.
| אף-אני בכור אתנהו עליון למלכי-ארץ |
28 With outen ende Y schal kepe my merci to hym; and my testament feithful to him.
| לעולם אשמור- (אשמר-) לו חסדי ובריתי נאמנת לו |
29 And Y schal sette his seed in to the world of world; and his trone as the daies of heuene.
| ושמתי לעד זרעו וכסאו כימי שמים |
30 Forsothe if hise sones forsaken my lawe; and goen not in my domes.
| אם-יעזבו בניו תורתי ובמשפטי לא ילכון |
31 If thei maken vnhooli my riytfulnessis; and kepen not my comaundementis.
| אם-חקתי יחללו ומצותי לא ישמרו |
32 I schal visite in a yerde the wickidnessis of hem; and in betyngis the synnes of hem.
| ופקדתי בשבט פשעם ובנגעים עונם |
33 But Y schal not scatere my mercy fro hym; and in my treuthe Y schal not anoye hym.
| וחסדי לא-אפיר מעמו ולא-אשקר באמונתי |
34 Nethir Y schal make vnhooli my testament; and Y schal not make voide tho thingis that comen forth of my lippis.
| לא-אחלל בריתי ומוצא שפתי לא אשנה |
35 Onys Y swoor in myn hooli;
| אחת נשבעתי בקדשי אם-לדוד אכזב |
36 Y schal not lie to Dauid, his seed schal dwelle with outen ende.
| זרעו לעולם יהיה וכסאו כשמש נגדי |
37 And his trone as sunne in my siyt, and as a perfit mone with outen ende; and a feithful witnesse in heuene.
| כירח יכון עולם ועד בשחק נאמן סלה |
38 But thou hast put awei, and hast dispisid; and hast dilaied thi crist.
| ואתה זנחת ותמאס התעברת עם-משיחך |
39 Thou hast turned awei the testament of thi seruaunt; thou madist vnhooli his seyntuarie in erthe.
| נארתה ברית עבדך חללת לארץ נזרו |
40 Thou distriedist alle the heggis therof; thou hast set the stidefastnesse therof drede.
| פרצת כל-גדרתיו שמת מבצריו מחתה |
41 Alle men passynge bi the weie rauyschiden him; he is maad schenschipe to hise neiyboris.
| שסהו כל-עברי דרך היה חרפה לשכניו |
42 Thou hast enhaunsid the riythond of men oppressinge him; thou hast gladid alle hise enemyes.
| הרימות ימין צריו השמחת כל-אויביו |
43 Thou hast turned awei the help of his swerd; and thou helpidist not hym in batel.
| אף-תשיב צור חרבו ולא הקימתו במלחמה |
44 Thou destriedist him fro clensing; and thou hast hurtlid doun his seete in erthe.
| השבת מטהרו וכסאו לארץ מגרתה |
45 Thou hast maad lesse the daies of his time; thou hast bisched him with schenschip.
| הקצרת ימי עלומיו העטית עליו בושה סלה |
46 Lord, hou longe turnest thou awei in to the ende; schal thin ire brenne out as fier?
| עד-מה יהוה תסתר לנצח תבער כמו-אש חמתך |
47 Bithenke thou what is my substaunce; for whether thou hast ordeyned veynli alle the sones of men?
| זכר-אני מה-חלד על-מה-שוא בראת כל-בני-אדם |
48 Who is a man, that schal lyue, and schal not se deth; schal delyuere his soule fro the hond of helle? (Sheol h7585)
| מי גבר יחיה ולא יראה-מות ימלט נפשו מיד-שאול סלה (Sheol h7585) |
49 Lord, where ben thin elde mercies; as thou hast swore to Dauid in thi treuthe?
| איה חסדיך הראשנים אדני נשבעת לדוד באמונתך |
50 Lord, be thou myndeful of the schenschipe of thi seruauntis, of many hethene men; whiche Y helde togidere in my bosum.
| זכר אדני חרפת עבדיך שאתי בחיקי כל-רבים עמים |
51 Whiche thin enemyes, Lord, diden schenschipfuli; for thei dispisiden the chaungyng of thi crist.
| אשר חרפו אויביך יהוה אשר חרפו עקבות משיחך |
52 Blessid be the Lord with outen ende; be it don, be it don.
| ברוך יהוה לעולם אמן ואמן |
