Psalms 62
1 To the victorie on Iditum, the salm of Dauid. Whether my soule schal not be suget to God; for myn heelthe is of hym.
Psalmus David, in finem, pro Idithum. Nonne Deo subiecta erit anima mea? ab ipso enim salutare meum.
2 For whi he is bothe my God, and myn heelthe; my `taker vp, Y schal no more be moued.
Nam et ipse Deus meus, et salutaris meus: susceptor meus, non movebor amplius.
3 Hou longe fallen ye on a man? alle ye sleen; as to a wal bowid, and a wal of stoon with out morter cast doun.
Quousque irruitis in hominem? interficitis universi vos: tamquam parieti inclinato et maceriae depulsae.
4 Netheles thei thouyten to putte awei my prijs, Y ran in thirst; with her mouth thei blessiden, and in her herte thei cursiden.
Verumtamen pretium meum cogitaverunt repellere, cucurri in siti: ore suo benedicebant, et corde suo maledicebant.
5 Netheles, my soule, be thou suget to God; for my pacience is of hym.
Verumtamen Deo subiecta esto anima mea: quoniam ab ipso patientia mea.
6 For he is my God, and my saueour; myn helpere, Y schal not passe out.
Quia ipse Deus meus, et salvator meus: adiutor meus, non emigrabo.
7 Myn helthe, and my glorie is in God; God is the yyuer of myn help, and myn hope is in God.
In Deo salutare meum, et gloria mea: Deus auxilii mei, et spes mea in Deo est.
8 Al the gaderyng togidere of the puple, hope ye in God, schede ye out youre hertis bifore hym; God is oure helpere with outen ende.
Sperate in eo omnis congregatio populi, effundite coram illo corda vestra: Deus adiutor noster in aeternum.
9 Netheles the sones of men ben veyne; the sones of men ben liers in balauncis, that thei disseyue of vanytee in to the same thing.
Verumtamen vani filii hominum, mendaces filii hominum in stateris: ut decipiant ipsi de vanitate in idipsum.
10 Nile ye haue hope in wickidnesse, and nyle ye coueyte raueyns; if ritchessis be plenteuouse, nyle ye sette the herte therto.
Nolite sperare in iniquitate, et rapinas nolite concupiscere: divitiae si affluant, nolite cor apponere.
11 God spak onys, Y herde these twei thingis, that power is of God, and, thou Lord, mercy is to thee;
Semel locutus est Deus, duo haec audivi, quia potestas Dei est,
12 for thou schalt yelde to ech man bi hise werkis.
et tibi Domine misericordia: quia tu reddes unicuique iuxta opera sua.
