Psalms 36
1 `To victorie, to Dauid, `the seruaunt of the Lord. The vniust man seide, that he trespasse in hym silf; the drede of God is not bifor hise iyen.
Psalmus David, in finem, servo Domini. Dixit iniustus ut delinquat in semetipso: non est timor Dei ante oculos eius.
2 For he dide gilefuli in the siyt of God; that his wickidnesse be foundun to hatrede.
Quoniam dolose egit in conspectu eius: ut inveniatur iniquitas eius ad odium.
3 The wordis of his mouth ben wickidnesse and gile, he nolde vndirstonde to do wel.
Verba oris eius iniquitas, et dolus: noluit intelligere ut bene ageret.
4 He thouyte wickidnesse in his bed, he stood nyy al weie not good; forsothe he hatide not malice.
Iniquitatem meditatus est in cubili suo: astitit omni viae non bonae, malitiam autem non odivit.
5 Lord, thi merci is in heuene; and thi treuthe is `til to cloudis.
Domine in caelo misericordia tua: et veritas tua usque ad nubes.
6 Thi riytfulnesse is as the hillis of God; thi domes ben myche depthe of watris. Lord, thou schalt saue men and beestis;
Iustitia tua sicut montes Dei: iudicia tua abyssus multa. Homines, et iumenta salvabis Domine:
7 as thou, God, hast multiplied thi merci. But the sones of men; schulen hope in the hilyng of thi wyngis.
quemadmodum multiplicasti misericordiam tuam Deus. Filii autem hominum, in tegmine alarum tuarum sperabunt.
8 Thei schulen be fillid gretli of the plentee of thin hows; and thou schalt yyue drynke to hem with the steef streem of thi likyng.
Inebriabuntur ab ubertate domus tuae: et torrente voluptatis tuae potabis eos.
9 For the wel of life is at thee; and in thi liyt we schulen se liyt.
Quoniam apud te est fons vitae: et in lumine tuo videbimus lumen.
10 Lord, sette forth thi mercy to hem, that knowen thee; and thi ryytfulnesse to hem that ben of riytful herte.
Praetende misericordiam tuam scientibus te, et iustitiam tuam his, qui recto sunt corde.
11 The foot of pryde come not to me; and the hond of the synnere moue me not.
Non veniat mihi pes superbiae: et manus peccatoris non moveat me.
12 There thei felden doun, that worchen wickidnesse; thei ben cast out, and myyten not stonde.
Ibi ceciderunt qui operantur iniquitatem: expulsi sunt, nec potuerunt stare.
